Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ कोरीन्‍थी 2:10 - चेपाङ

10 द्याह् इ कुरापाय् परमेस्‍वर्‌इ लयःकोः ग्‍वालामः ल्‍होक्‌ती ङीकायः छ्यान्‍ह्आतय्‍ही। ओउःकोः ग्‍वालामःइपाय् सबै जोय्‌तीलेः चीःमानौ। माः रैस ओउःइ परमेस्‍वर्‌कोः ल्‍हुङ्‌तुक्‌पाय् जुगाङ् चीःमानौ ओउःत खेःओ परमेस्‍वर्‌कोः ल्‍हुङ्‌कोः कुरा ङीकायः छ्यानःसा खाय्‌लेःनौ।

အခန်းကိုကြည့်ပါ။ ကော်ပီ




१ कोरीन्‍थी 2:10
27 ပူးပေါင်းရင်းမြစ်များ  

“नीङ् परमेस्‍वर्‌कोः कुराकः ग्‍याओलम्‌खेकायः ओउःकोः राजीकोः चीःआक्‌मालो कुरा द्याह् पेतो चीःसा दोःतेःनै अरु मान्‍तालम्‌खेइ चीःसा दोःइली।


“लौ योनाह्‌कोः चोः सीमोन् त तोओ नाङ्‌कायः परमेस्‍वर्‌ आन पेतो दोःताक्‌तेःआ बा। नाङ्इ देङी त्‍याङ्ओ कुरा मान्‍तालम्इ स्‍यान्ओ खेःल ङाकोः परमेस्‍वर्‌ आपाइ ह स्‍यान्‌ती बयःओ लेःआः।


ओउःत तोतोक् बेलाहाङःपाय् येसुकायः परमेस्‍वर्‌कोः ग्‍वालामःइ दोःती आन चोङाय्‌ताक्आथै। येसुपाय् एत चोङाय्‌तो स्‍याव्‌ती “लौ परमेस्‍वर्‌ आपाय नाङ्‌पाय् ल्‍हाव्‍ह्‌दैबाङ् फेल्‌बाङ्‌कोः राजा लेःतेःआः ङाकोः कुरापाय् नाङ्इ व्‍हाय्‌ती चीःओ मान्‍तालम्‌खेकायः छ्यान्‍ह्‌माःत इ मीओ व्‍हाय्आक्‌मालो मान्‍तालम्‌खेकायः ह छ्यान्‍ह्‌तेःआकान् ओउःत हायःओपाय् नाङ्‌कोः लयः झाक्ओ कुरा लेःआः बा। ओउःत झ्‍यान्‍ते नाङ्‌कायः ङाइ आन ‘च्‍युता’ त लुङ्‌तीलेः तोनेःनाङ्।


“लौ नाङ्‌कोः सीमाःखाहाङः परमेस्‍वर्‌कोः ङ्‌हा तोती गम्ओ ख्रीस् त तोओकायः नाङ्इ च्‍यवःसा दोःतेःनाः” त दाय्‍ह्‌ती परमेस्‍वर्‌कोः ग्‍वालामःइ सीमीयोन्‌कायः छ्यानःती तोआथै।


ओउःपाय् ङाकोः आपाइ ल्‍होक्‌सा खेःओ दोङ् ग्‍वालामः लेःआः। ओउःइ सबै कुरा स्‍यान्‌तेःनै फेरी ङाइ तोओ कुरापाय् सबै ल्‍हुङ्‌हाङः गीलताक्‌तेःनै।


लोने परमेस्‍वर्‌कोः दोङ् कुरा स्‍यान्ओ ग्‍वालामः वाङ्ओहाङः ओउःइ सबै दोङ् कुरा स्‍यान्‌तेःनै। लयःकोः ल्‍हुङ्‌सै चीःओ कुरा खेःल दोह्‌लो ओउःइ सायःनौ ओउःलेः स्‍यान्‌ती तोनौ फेरी लोने ताप्‌ती स्‍याव्‌सा कुरामा छ्यान्‍ह्‌नौ।


यात्‌चाक्इ तोतोक्‌हाङः परमेस्‍वर्‌इ अरु च्‍युङःती मुओ मान्‍ताकायः तोसा कुरा बयःनाःथास त खेःया ओउः ङ्‌हा तोती मुओ मान्‍तापाय् दीःपाः।


मान्‍ताकोः ल्‍हुङ्‌तुक्‌पाय् ओउः मान्‍ताकोः लयःकोः ग्‍वालामःइ ह चीःनाः अरुइ ओउःकोः ल्‍हुङ्‌तुक् जुगाङ् चीःसा खाय्‌नीली ओउःलो लेखालेः परमेस्‍वर्‌कोः ल्‍हुङ्‌तुक्‌पाय् ओउःकोः ग्‍वालामःइ ह चीःनौ मान्‍ताइ चीःसा खाय्‌नीली।


ओउः पेओ समचार्‌ मान्‍ताकःसै दोःओ खेःल मान्‍तापाय् सुखेइमा स्‍यान्‌ताङःल येसु ख्रीस्इलेः ह छ्यानःआताङः।


परमेस्‍वर्‌इ लयःकोः ल्‍हुङ्‌हाङः रय्‍ह्ओ अरुइ चीःमालो कुरापाय् ङाकायः छ्यान्‍ह्आताङः। इत ङाइ ङ्‌हाहाङः बल लेखनेःआलाङ्‌स।


ओउः कुरापाय् उय्‍ह्‌लेकोः मान्‍तालम्‌खेकायः छ्यान्‍ह्आक्‌मालो खेःतो। द्याह् परमेस्‍वर्‌कोः ग्‍वालामःइ ओउःकोः छय्‍ङ्ओ छ्युङ्‌ह्‌ती ल्‍होक्ओ मान्‍तालम्‌खेकायःमा ओउःकोः कुरा छ्यानःती तोओलम्‌खेकायःमा छ्यान्‍ह्‌नाःथास।


“लोनेः स्‍याव्‌सा बेलाहाङः यात्‌नीस्‌चाक्इ ख्रीस्‌कायः ङ्‌हाम्ओ फेनानी” त दाय्‍ह्‌ती परमेस्‍वर्‌कोः ग्‍वालामःइ दोङ्‌ह्‌तोलेः तोआकान्। ओउः मान्‍तालम्इपाय् दोङ् कुरा फेती लान्इ बयःओ माःती तोओ कुरा ह सायःनानी।


ख्रीस्‌कोः कुरा एत छ्यानःतोक्‌हाङः “लौ इ नीङ्इ छ्यानःओ कुरा नीङ्‌कायः खेःल लोने वाङ्‌सा मान्‍तालम्‌कायः स्‍याव्‌लेःनाः” तमा ओउःमयःकायः छ्यानःओ खेःतो। ओउः लोने वाङ्‌सा मान्‍तालम्‌पाय् नीङ्‌लेः खेःतेःनै। फेरी ओउः येसु ख्रीस्‌कोः कुरापाय् तेन्‌छ्याङ् परमेस्‍वर्‌कोः लाङ्‌कासै ल्‍होक्ओ ग्‍वालामःकोः ग्‍वम् दोःओलम्इ नीङ्‌कायः छ्यानःओ पेओ समचार्‌ लेःआः बा। इ कुरामा परमेस्‍वर्‌कोः लाङ्‌काहाङः मुओ ल्‍होक्ओमयः योसामा तय्‍ह्‌सामा आन झाह्‌नै।


नीङ्‌खेकायः परमेस्‍वर्‌इ लयःकोः छय्‍ङ्‌तो ग्‍वालामः त्‍यावःअसै बयःतेःआकाय् ओउःत झ्‍यान्‍ते नीङ्इ सबै दोङ् कुरा व्‍हाय्‌तोलेः चीःतेःनानी।


नीङ्‌खेपाय् ख्रीस्‌कोः ग्‍वालामः दोःतेःआकाय्। ओउः ग्‍वालामःपाय् नीङ्‌कायः बयःआक्‌तीको नीङ्‌कुस् मुलेःनाः त झ्‍यान्‍ते नीङ्‌कायः दोङ् कुरा सबै स्‍यान्‌तेःनै अरु स्‍यान्ओ मान्‍तापाय् परल। ओउःइ तोओ कुरापाय् माःती तोओ खेःबाय्‌ल ओउःत स्‍यान्ओइ तोओलो लेखालेः नीङ् ख्रीस्‌कुस् गलमा मुतेःनै।


इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।


ओहाङःसै नीङ् जेजेबेल्‌कोः स्‍यान्‌राय् ग्‍यामालोलम्‌खेइ सैतान्इ नुस्‌ती गम्ओ कुरा त तोओपाय् नीङ्इ ल्‍हुङ्‌हाङः सेती गम्‌तेःनीली। नीङ्‌कायःपाय् ङाइ इ कुरा ह तोनेःनाङ्‌स अरु तोनेःनाङ्‌सल।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ