१ कोरीन्‍थी 16:22 - चेपाङ

²² सुसुइ प्रभुकायः राप्‌नीली ओउःकायः पेमालो स्‍याव्‌पै। मरनाथा त तोसा “प्रभुय वाङ्अ दै”

१ कोरीन्‍थी 16:22 ပူးပေါင်းရင်းမြစ်များ

मत्ती 10:37

सुसुखे ङाकायःसै लयःकोः आमा आपाकायः राप्‌नानी ओउःलेः ङाकुस् ब्राङ्इली। फेरी सुसुखे ङाकायःसै लयःकोः चोःकायः राप्‌चनौ ओउःमा ङाकुस् ब्राङ्इली।

युहना 14:15

नीङ्इ ङाकायः राप्‌तेःनानाङ्‌स त खेःया ङाइ तोओ कुरा ग्‍याती जाङ्‌ह्‌नु दा।

युहना 14:21

लौ ङाइ तोओ कुरा ग्‍याती जाङ्‌ह्ओलम्इ ङाकायः राप्‌नाःताङः। फेरी ङाकायः राप्ओलम्इ ङाकोः आपाइ राप्‌नाःथास ङाइमा राप्‌नाङःसु। ओउःमयःकःहाङः ङा लयः छ्यानःती थालाङ् दाह्‌नाङः” त दाय्‍ह्‌ती येसुइ ओउःकुस् वाह्ओमयःकायः तोआकान्।

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

युहना 15:24

ओउःमयःकायः ङाइ अरुइ जाङ्‌ह्‌सा खाय्‌मालो ग्‍याङ्‌ह्‌राय्‌लम् छ्यानःआलाङःसु ओउः च्‍यवःआक्‌तीको ङाकःमा ङाकोः आपाकःमा अह्र्धै मुधाङ्‌नै ओउःत झ्‍यान्‍ते ओउःमयःकायः गाल्‌तुम्‌ती तोसा स्‍याव्‌नाः। ओउः ग्‍याङ्‌ह्‌राय्‌लम् छ्यानःआक्‌ङुसुलु त खेःया ओउःमयःकायः गाल्‌तुम्‌ती तोसा स्‍याव्‌ल।

युहना 16:14

ङाइ छ्यानःओ कुरा ओउःइ नीङ्‌कायः छ्यानःतेःनै इत हायःतीलेः ओउःइ ङाकायः ताङ्‌ह्‌ताक्‌नाःताङः।

युहना 8:42

“लौ नीङ्‌कोः आपा दोङ्‌सी परमेस्‍वर्‌ लेःआः त खेःया नीङ्इ ङाकायःतेः राप्‌तेःचानानाङ्‌स खेःतेःइतो दोह् हायःती दाय्‍ह्‌सा ङाखे परमेस्‍वर्‌कःसै दाह्‌ती वाङ्ओआः ङ। ङा लयः झाक्‌राय्‌कोः वाङ्ओ खेःङल ङाकायः परमेस्‍वर्‌इलेः ल्‍होक्आताङः बा।

खबरदुत 23:14

ओउःत कीरीया जाङ्‌ह्आक्‌ती ओउः चालीस् मान्‍तालम्‌पाय् ताङ्‌ह्ओ पुरोहीत्‌लम्‌कःताङ्‌मा अरु यहुदीकोः ताङ्‌ह्ओ मान्‍तालम्‌कःताङ्‌मा वाङ्‌ती “लौ ङीइ पावुल्‌कायः आःताः सात्‌माःत ङीइ लयःकायः दोह्‌मा जेःङुसुलु तुङ्‌ङुसुलु त हुन्‍द्यावःकाय्‌ती कीरीया जेःआलाङःसु।

१ कोरीन्‍थी 12:3

परमेस्‍वर्‌कोः ग्‍वालामः दोःआक्‌तीको सु खेःयामा परमेस्‍वर्‌कोः ग्‍वालामः दोःओ बेलाहाङः येसुकायः प्रनःती नोःसा खाय्‌नीली एत ङाइ तोती चीःताक्‌नेःनाङ्‌स। फेरी परमेस्‍वर्‌कोः ग्‍वालामः दोःमाःत सु खेःयामा येसुकायः “प्रभु” त मय्‍ङ्‌सा खाय्‌नीली।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

एफेसस् 6:24

फेरी ङीकोः प्रभु येसुकायः दोङ् दीःमामाःत राप्ओलम्‌कायः परमेस्‍वर्‌इ योनःती योपाःथास।

फीलीपी 4:5

सबैकायः काङ्‌तोलेः नोःन। ङीकोः प्रभुपाय् देङीलेः वाङ्‌नाः।

हेब्रैनी 6:10

परमेस्‍वर्‌इ गलकायःमा पेतोलेः हायःनौ। नीङ्इ ओउःकायः राप्‌ती अरु ङ्‌हाम्ओलम्‌कायः लव्‍ह्‌ती बयःतेःआकानी। माः रैस बयःधैलेः मुतेःनै। ओउः राप्‌ती जाङ्‌ह्ओ काम्‌पाय् परमेस्‍वर्‌इ म्‍हेःउलु।

१ पत्रुस् 1:8

ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।

१ पत्रुस् 2:7

नीङ् ङ्‌हाम्ओलम्‌खेइ ओउःकायःपाय् “आन पेओलेः” त दाय्‍ह्‌ती योतेःनानी ङ्‌हाम्‌मालोलम्‌खेइ “पेल” त म्‍हर्‌ती योनानी। ओउःमा परमेस्‍वर्‌कोः आखरःहाङः “लौ गाव् बाङ्‌खेलो कीम् जाङ्‌ह्ओ मान्‍तालम्इ ताती वाय्‌नीतो ओउः बाङ्‌लेः लोने कीम्‌कोः मुल् बाङ् गम्ओ लेःआः” त दाय्‍ह्‌ती लेखती मुनाः।

१ युहना 4:19

ङीकायःपाय् परमेस्‍वर्‌इ ङ्‌हासै राप्आतय्‍ही ओउःत झ्‍यान्‍ते ङीइमा द्याह् ओउःकायःमा अरुकायःमा राप्‌नाःतय्‍ह्‌नी।

१ युहना 5:1

“येसुपाय् ओउः वाङ्‌सा खेःओ ख्रीस् लेःआः” त दाय्‍ह्‌ती ङ्‌हाम्ओलम् झुङ्आले परमेस्‍वर्‌कोः चोःलम् स्‍याव्‌नै। फेरी सुसुइ आपाकायः राप्‌नानी ओउःइलेः आपाकोः चोःलम्‌कायःमा राप्‌नाःथास।

प्रकाश 22:20

इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।