१ कोरीन्‍थी 16:14 - चेपाङ

¹⁴ अरुकायः जुगाङ् राप्‌ती काम् जाङ्‌ह्‌नु दा।

१ कोरीन्‍थी 16:14 ပူးပေါင်းရင်းမြစ်များ

युहना 15:17

इतलेः ङाइ तोनेःनाङ्‌स लःलयःमयः राप्‌काय्‌नीङ्‌सी।

रोमी 14:15

ओहाङःसै यात्‌ज्‍योः थोक् जेःयाकायः नाङ्‌कोः ङ्‌हाम्ओ हौकायः नाङ्इ ब्रःताक्‌तेःनौ त खेःया ओउःत हायःसा स्‍याव्‌ल। जेःतेःनौ त खेःया ओउःकायः नाङ्इ पेतो राप्‌तेःउलु। ओउः मान्‍ता दल्‌ताक्‌साकायः ख्रीस्‌पाय् सीलेःआ ओउःत झ्‍यान्‍ते ओउः मान्‍ताकायः नाङ्इलेः वाय्‌ताक्‌तेःचनौ।

१ कोरीन्‍थी 12:31

ओउः अरुसै ताङ्‌ह्ओ काम् जाङ्‌ह्‌साकोः ग्‍वम्‌लेः बोङःनु दा। माः ओउःमयःकायः बोङःसापाय् बोङःनु दा यातैज्‍योः अरु ओउःसै पेओ काम्‌पाय् मुलेःनाः त तोनेःनाङ्‌स।

१ कोरीन्‍थी 14:1

ओउःत झ्‍यान्‍ते राप्‌सा काम् म्‍ह्याङ्‌ती जाङ्‌ह्‌नु ओहाङःसै अरु परमेस्‍वर्‌इ बयःओ ग्‍वम्‌मा बोङःनु। अरुसै परमेस्‍वर्‌कोः कुरा छ्यानःती तोसा ग्‍वम्‌कायः बोङःसा पेनाः

१ कोरीन्‍थी 16:15

स्‍तेफानस्‌मा ओउःकोः कीम्‌कोः मान्‍तालम्‌कायःमा चीःतेःनानी। ओउःमयः एलेनी देस्‌हाङः अरुसै ङ्‌हाकोः ङ्‌हाम्ओलम् लेःआः इ। ओउःमयःइ अरु परमेस्‍वर्‌कायः ङ्‌हाम्ओलम्‌कायः काम् गलकायःमा जाङ्‌ह्‌धै मुनै।

१ कोरीन्‍थी 8:1

द्यव्‌ताकायः ल्‍हाओ जेःगाकोः कुरा ङाइ द्याह् तोनेःनाङ्‌स। “ङीइ सबैपाय् व्‍हाय्ओ ल्‍हुङ् दोःआतय्‍ही” त चीःनाःतय्‍ह्‌नी। एत चीःसापाय् चीःनाःतय्‍ही ओउःत चीःओ मान्‍ताखेइ लयःकायःलेः ताङ्‌ह्‌ताक्‌सा बोङःनानी। राप्ओ ल्‍हुङ् नाःओ मान्‍ताखेइ अरुकायःलेः पेतो स्‍याव्‌ताक्‌नानी।

गालाती 5:22

ओउःपाय् ल्‍हुङ्‌खेकोः रेव्ओ कुराखे लेःआः। परमेस्‍वर्‌कोः ग्‍वालामःखेकोः पेओ कुराखे इलेःआः। राप्ओ ल्‍हुङ्‌मा चोङाय्ओ धोमाय्ओ ल्‍हुङ्‌मा लीह्‌सीःओ गोरःओ पेओ योनःती योओ ल्‍हुङ्‌मा ङ्‌हाम्‌सीःओ काङ्ओ रेव्‌तो जाङ्‌ह्‌सा ग्‍यामालो ल्‍हुङ्‌मा लयःकायः मीतो योओमा ओउः सबैलेः परमेस्‍वर्‌कोः ग्‍वालामःइ बयःओ कुरालेः ऐन्इ ताक्‌मालो कुरा खेःल।

१ थेसलोनिकि 3:12

ङीइ नीङ्‌कायः राप्ओलो लेखा लयःमयःकायःमा सबैकायःमा प्रभुइ न्‍हाङ्‌तोलेः राप्‌तेःताक्‌तेःपै।

१ थेसलोनिकि 3:6

नीङ्‌कुस् क्रुस्आक्‌तीको ओउः द्याह् पाय्‍ह्‌ती वाङ्‌ती “ओउःमयःइ ख्रीस्‌कायः पेतो राप्‌ती ङ्‌हाम्‌तोलेः मुमानै नीङ्‌कायः पेतोलेः गीलती योसा आन झाह्‌तीलेः मुमानै। ङीइ ओउःमयःकायः झाह्ओलो लेखालेः नीङ्‌कायःपाय् ओउःमयःइ झाह्‌तेःनै” त दाय्‍ह्‌ती तीमोथीइ ल्‍हाक्‌ती छ्यानःआताङी।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

१ तीमोथी 1:5

नाङ्इ ओउःमयःकायः तोआक्‌तीको सबैइ परमेस्‍वर्‌कोः कुरा चीःओमा पेतो छय्‍ङ्ओ ल्‍हुङ्‌मा दोःती ख्रीस्‌कायः दोङ्‌सीलेः ङ्‌हाम्‌ती अरुकायः राप्‌पानी इत हायःसाकायः ङाइ ओउःतलेः तोनेःआलाङ्।

हेब्रैनी 13:4

लौ “बीहा जाङ्‌ह्‌सा पेलेःनाः” त सबै चीःपानी। लयःकोः बुधा बुधीकुस् ह एनःसा स्‍याव्‌लेःनाः अरुकुस् एनःसा स्‍याव्‌ल। अरुकुस् एनःओलम्‌कायःमा ल्‍हास्‍या जाङ्‌ह्ओलम्‌कायःमा परमेस्‍वर्‌इ न्‍युम्‍ह्‌ताक्‌नाःथास।

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।

२ पत्रुस् 1:7

परमेस्‍वर्‌कायः म्रोताक्ओ कुरा जाङ्‌ह्ओकुस् ब्रक्‌त ङ्‌हाम्ओ पुःचोङ् हौचोङ्‌कायः राप्‌नु ओउःमयःकायः राप्ओकुस् ब्रक्‌त सबैकायः राप्‌नु दा।