१ कोरीन्‍थी 15:6 - चेपाङ

⁶ ओहाङःसैको ख्रीस्‌पाय् पास्‌सै हुम्‌ती मुओ लयःकुस् वाह्ओमयःकःताङ् थाती वाङ्आ। ओउः पास्‌सै मान्‍तालम्‌पाय् तेन्‌छ्याङ्‌मा नाःतोलेः सेलः मुधाङ्‌नै यात्‌नीस् ह सीओआः।

१ कोरीन्‍थी 15:6 ပူးပေါင်းရင်းမြစ်များ

मत्ती 28:10

एत हायःतोक्‌हाङः “लौ रैतेःचनै ङाकोः पुःचोङ् हौचोङ्‌लम्‌कःताङ् आल्‌ती ‘लौ गालीलताङ् आल्‌न। ओहाङः नीङ्इ येसुकायः क्रुस्‌तेःनानी’ त दाय्‍ह्ओ ओउःमयःकायः तोनुसु दा” त दाय्‍ह्‌ती येसुइ तोआथास।

मर्‌कस् 16:7

“लौ द्याह् पाय्‍ह्‌न। ‘येसुपाय् गालीलताङ् नीङ्‌सै ङ्‌हालेः स्‍यालःती आल्‌नाः। ओउःइ अनम्‍ह् तोओलो लेखा ओहाङः ओउःकायः क्रुस्‌सा दोःतेःनै’ त दाय्‍ह्ओ पत्रुस्‌कायःमा ओउःकोः साथीलम्‌कायःमा छ्यानःती तोनु” त दाय्‍ह्‌ती ओउः भाम्ओ नाय् लावओ मान्‍ताइ तोआथास।

खबरदुत 13:36

एत लेखती मुलेःनाः दावुद् राजाखेइ लयः मुतोक्‌हाङः परमेस्‍वर्‌कोः काम् जाङ्‌ह्‌ती खाय्आकान्। जाङ्‌ह्‌ती खाय्आक्‌तीको दावुद्‌खे सीती लयःकोः आय्‌कानः तोकानःलम्‌कुस् पाय्‍ह्आ। ओउःकोः आङ्‌पाय् ल्‍ह्योतीलेः वाय्ओ लेःआः।

खबरदुत 7:60

फेरी लोने क्र्योङःइ घ्रुस्‌ती “लौ प्रभुय इ मान्‍तालम्‌कोः रेव्‌तो हायःझ्‍याङ्‌कोः क्‍युम्‍ह्‌ताक्‌पाःथास” त सोतो दाय्‍ह्‌ती सीआ। स्‍तीफन्‌कायः सात्‌सा ओउः सावुल् त तोओमा त्‍योम्‌ती नोःओ खेःतो।

१ कोरीन्‍थी 15:18

फेरी ओउः सीती मुओ ख्रीस्‌कायः ङ्‌हाम्ओलम् जुगाङ् वाय्‌तोलेः मुनै।

१ कोरीन्‍थी 15:20

खेःल दोङ्‌सीलेः ख्रीस् सीआक्‌तीको सबै अरुसै ङ्‌हा ओउः ख्रीस्‌पाय् च्‍योक्‌लेःआ। ओउःत झ्‍यान्‍ते अरु सीओलम् च्‍योक्‌सा दोःआनै त चीःसा खाय्‌नाःतय्‍ह्‌नी।

१ थेसलोनिकि 4:13

लौ पुःचोङ् हौचोङ्‌य सीओ ङ्‌हाम्ओलम्‌पाय् गत स्‍याव्‌नै त ङाइ नीङ्‌कायः चीःताक्‌सा खेःतो। ओउःमयः एनःओलो लेखा मुनै ओउःत झ्‍यान्‍ते नीङ्‌पाय् अरु ङ्‌हाम्‌मालो मान्‍तालम्‌लो लेखा ल्‍हुङ् लीह्‌तोलेः नीङ्‌कोः सीओ पुःचोङ् हौचोङ्‌लम्‌कायः क्रेस्‌सा परतेःइली। ङ्‌हाम्‌मालो मान्‍तालम्‌खेइ “लोनेः पेतोलेः स्‍याव्‌नाः” त जुगाङ् चीःनीली

१ थेसलोनिकि 4:15

प्रभुइ ङीकायः तोओ कुरालेः नीङ्‌कायःमा तोनेःनाङ्‌स ओउः कुरापाय् इलेःआः। प्रभु वाङ्‌सा खेःओ दीन्‌हाङः ङी सेलः मुओलम्इ सीओलम्‌कोः ङ्‌हासै च्‍योल्‌सा दोःङीली।

२ पत्रुस् 3:4

“लौ ख्रीस्‌पाय् गल वाङ्‌चै ओउःइ ‘लौ ङा लोने वाङ्‌नाङः’ त तोती गम्ओआः ओउःपाय् वाङ्‌ल बा। ङीकोः आपालम् सबै सीओलेः मुनै ल्‍हाव्‍ह्‌दैबाङ् जाङ्‌ह्ओहाङःसै दोह्‌मा नया दाङ्‌धाङ्‌ल” त दाय्‍ह्‌ती ओउःमयःइ तोनानी।