१ कोरीन्‍थी 15:5 - चेपाङ

⁵ ओहाङःसैको च्‍योक्आक्‌तीको ख्रीस्‌पाय् ङ्‌हासै पत्रुस्‌कःताङ् थाआ लोने ओउः बारजन छ्युङ्‌ह्ओमयः सबैमयःकःताङ् थाआ।

१ कोरीन्‍थी 15:5 ပူးပေါင်းရင်းမြစ်များ

मर्‌कस् 16:14

फेरी लोन्‍तेसै येसु ओउः एघारजन लयः छ्युङ्‌ह्ओमयःकःताङ् आम्‍ह् जेःओ बेलाहाङः थाआ। थातोक्‌हाङः ओउःमयः ङ्‌हाम्‌मालो चाक्ओ ल्‍हुङ् स्‍याव्‌ती झ्‍यान्‍ते ओउःइ जान्आथास।

युहना 1:42

वानःआक्‌तीको येसुइ ओउःकायः योती “लौ नाङ्‌पाय् सीमोन् त मय्‍ङ्ओतेःआः युहना त तोओकोः चोःपाय्। द्याह्‌हाङःसै नाङ्‌कायः ‘केफास्’ त मय्‍ङ्‌तेःपाः” त दाय्‍ह्‌ती येसुइ तोआकान्। “केफास्” त तोओकोः माने “बाङ् लेःआः” एलेनीकोः भासाहाङः “पत्रुस्” त तोओ मुनाः।

खबरदुत 10:41

सबै मान्‍तालम्‌कायः छ्यानःओ खेःल सुसुकायः परमेस्‍वर्‌इ ङ्‌हा छ्युङ्‌ह्ओ खेःतो ओउःकायःलेः ह छ्यानःआताङी। फेरी ओउः येसु च्‍योक्‌ती छ्यानःओ बेलाहाङःपाय् ङीइ ओउःकुस् जेःगा जेःआलाङःसु तुङ्‌गा तुङ्‌माआलाङःसु।

१ कोरीन्‍थी 1:12

नीङ्‌कःहाङः यात्‌नीस्‌चाक्‌खे “ङापाय् पावुल्‌कोः मान्‍ता लेःआः ङ” त नोःताङःतेःनै अरुखे “ङापाय् आपोलस्‌कोः मान्‍तालेः” अरुखे “ङापाय् पत्रुस्‌कोःलेः” अरुखे “ङापाय् ख्रीस्‌कोः लेःआः ङ” त दाय्‍ह्‌ती नोःताङःकाय्‌तेःनै।

१ कोरीन्‍थी 3:22

ङा पावुल्‌मा नीङ्‌कोः लेःआः आपोलस्‌मा पत्रुस्‌मा ल्‍हाव्‍ह्‌दैबाङ्‌मा नीङ्‌कोःलेः स्‍याक्ओमा सीओमा तेन्‌छ्याङ्‌कोः कुरामा लोन्‍तेकोः कुरामा सबै नीङ्‌कोः लेःआः।

१ कोरीन्‍थी 9:5

ङाइ अरु ख्रीस्इ छ्युङ्‌ह्‌ती ल्‍होक्ओमयःलो लेखा ङ्‌हाम्ओ मोमःचोः वानःसा दोःनाङः माःर। प्रभु येसुकोः हौचोङ्इमा पत्रुस्इमा ओउःत हायःनानी बा।