१ कोरीन्थी 14:3 - चेपाङ3 सुसुखेइ परमेस्वर्कोः कुरा छ्यानःती तोचनौ ओउःइ चीःसा खाय्ओ कुरा नोःती अरु मान्ताकायः पेतो ङ्हाम्ताक्ती वाह्ताक्ती ओउःमयःकोः ल्हुङ् धोमाय्ताक्नाःथास। အခန်းကိုကြည့်ပါ။ |
१ कोरीन्थी 14:3
42 ပူးပေါင်းရင်းမြစ်များ
ओहाङःसैको मोसाइ बयःओ ऐन्मा उय्ह्लेकोः परमेस्वर्कायः कुरा छ्यानःओलम्इ लेखओ कुरामा पह्रआक्तीको ओउः थनःओ कीम्कोः ताङ्ह्ओ मान्तालम्इ पावुल् बर्नाबास् नीस्कायःमा गोत्आथाच “लौ पुःनीस् नीङ्जी ल्हुङ् र्यानःओ कुरा मुनाः त खेःया इ हुम्ओ मान्तालम्कायः नोःनु दा” त दाय्ह्ती ओउःनीस्कायः तोआथाच।
सावुल् आल्आक्तीको ओउः यहुदीया अन्चल्हाङः गालील अन्चल्हाङःमा समारीया अन्चल्हाङःमा येसुकायः ङ्हाम्ओमयः पेतोलेः मुआकाय्। ओउःमयःकायः अरुलम्इ पानःसा सात्सा सुइमा बोङःनीली। येसुकायः ङ्हाम्ओमयःइपाय् परमेस्वर्कायः लुङ्ती झाह्ती तोआकानी। ओउःमयःकायः परमेस्वर्कोः ग्वालामःइ पेतो स्याव्ताक्ती झ्यान्ते ओउःमयः नाःतोलेः ब्याव्आकाय्।
अरुकायः लुङ्ती तोसा बयःओलेः त खेःया ओउःइपाय् लुङ्ती तोपनौ। अरुकायः लयःकोः पैसा अरु थोक्लम् वेःती ल्हासा काम् बयःओलेः त खेःया ओउः मान्ताइपाय् साय्क्तोलेः बयःपनौ। अरुकायः नोःती स्यालःसा बयःओ त खेःया ओउःइपाय् पेतोलेः स्यालःपनौ। अरुकायः योनःती जाङ्ह्सा बयःओ त खेःया ओउःइपाय् चोङाय्तीलेः जाङ्ह्पनौ।
फेरी ओउःमयःकोः आय्कानः तोकानःलम्सै दोःओ आह्रे ल्हाक्राय् कुरालम्मा आन होह्र्कोः कुराकायःमा “इत स्यान्ओ फेनु दा” तमा तोसा खेःतेःनाः। ओउः कुरापाय् परमेस्वर्कोः काम् पेतो स्याव्ताक्उलु स्यान्आक्तीको काय्काय्ओ ह वाङ्आनाः। परमेस्वर्कोः कुरा ङ्हाम्आक्तीको ह ओउःकोः काम् मान्ताइ पेतो स्याव्ताक्सा खाय्नानी बा।
ओहाङःसैको सुसु नोकरीकोः मालीक्खेपाय् ङ्हाम्ओ मान्तालेः मुनै ओउः मालीक्कायः “ओउःपाय् ङाकोः ङ्हाम्ओ हौ लेःआः” त दाय्ह्ती नोकरीइ मीतो योलाम्। ओउःकोः काम्पाय् न्हाङ्तोलेः पेतो जाङ्ह्सा खेःतो दोह् हायःती दाय्ह्सा ओउःमयःकोः काम्पाय् लयः राप्ओ ङ्हाम्ओलम्कायः जाङ्ह्ओ लेःआः। इ कुरापाय् अरुकायः स्यान्ती तोउ दा।
ကြော်ငြာတွေ