१ कोरीन्‍थी 14:20 - चेपाङ

²⁰ लौ पुःचोङ् हौचोङ्‌य इ कुरापाय् व्‍हाय्ओ कुरा लेःआः व्‍हाय्‌मालो मीओ हौलम्‌लो लेखा मुलाम्। रेव्‌तो काम् जाङ्‌ह्‌साखेकायः व्‍हक्‌मालो मीओ हौलम्‌लो लेखा मुतेःपै। परमेस्‍वर्‌कोः कुरा चीःसाखेकायः व्‍हाय्ओ ताङ्‌ह्ओ मान्‍तालो लेखा स्‍याव्‌तेःपै।

१ कोरीन्‍थी 14:20 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मत्ती 18:3

गम्आक्‌तीको “लौ नीङ् ल्‍हुङ् द्यान्‍ह्‌ती इ मीओ हौलम्‌लो लेखा ङ्‌हा स्‍याव्‌सा खेःतेःनै ओहाङःसैको नीङ् परमेस्‍वर्‌कोः राजीहाङः मुसा दोःतेःनै। हौलम्‌लो लेखा आःताः स्‍याव्‌माःत ओहाङः मुसा दोःतेःइली।

मत्ती 19:14

हौलम्‌कायः वानःसा ताक्‌नीली त येसुइ च्‍यवःती “खेःल हौलम् त्‍याःमाःत ङाकःताङ् वाङ्‌पै। इ हौलो खेःओ मान्‍ता ह परमेस्‍वर्‌कोः राजी मुसा दोःनै” त दाय्‍ह्‌ती येसुइ तोआकान्।

मत्ती 19:4

“ल्‍हाव्‍ह्‌दैबाङ्‌कोः तोहा जाङ्‌ह्‌तोक्‌हाङः परमेस्‍वर्‌इ गोय्‌चोःमा मोमःचोःमा नीस् खाल् जाङ्‌ह्‌ती

मर्‌कस् 10:15

दोङ्‌सी दाय्‍ह्‌भनाङ् परमेस्‍वर्‌कोः राजी पोक्‌साकायः नीङ्इ हौलम्‌लो लेखा स्‍याव्‌ती ङ्‌हाम्‌सा खेःतेःनै बा खेःतेःल त खेःया पोक्‌सा दोःल” त दाय्‍ह्‌ती

लुका 18:17

दोङ्‌सी दाय्‍ह्‌भनाङ् परमेस्‍वर्‌कोः राजी पोक्‌साकायः नीङ्इ इ हौलम्‌लो लेखालेः स्‍याव्‌ती ङ्‌हाम्‌सा खेःतेःनै बा खेःतेःल उया पोक्‌सा दोःल” त दाय्‍ह्‌ती येसुइ ओउःकुस् मुओलम्‌कायः तोआथास।

रोमी 1:13

लौ पुःचोङ् हौचोङ्‌य नीङ्‌कायः क्रुस्‌लाङ् वाङ्‌सा आन बोङःझुङ्‌ङोतो वाङ्‌सापाय् दोःधाङ्‌ताङःल इत नीङ्इ चीःसा खेःतो। वाङ्आक्‌तीको अरु थाव्‌हाङः मुओ यहुदी खेःमालोलम्‌लो लेखालेः नीङ्‌कायःमा पेतो स्‍याव्‌ताक्‌सा आन झाक्‌लेःनाङः।

रोमी 16:19

नीङ्‌खेकायः “प्रभुकोः कुरा आन ग्‍याती जाङ्‌ह्‌नानी” त दाय्‍ह्ओ सबैइ नीङ्‌कायः सायःआकानी ओउः त झ्‍यान्‍ते ङा चोङाय्‌तीलेः मुनाङः। फेरी नीङ्‌कायः “रेव्ओ काम्‌खे चीःमाःत पेओ काम्‌खे व्‍हाय्‌तोलेः स्‍याव्‌पै” त दाय्‍ह्‌ती झाक्‌नाङः।

१ कोरीन्‍थी 13:11

ङा हौलम् मुओहाङःपाय् हौलो लेःखा व्‍हक्‌माजम् चीःमाङोतो थह्राय्‍ह्‌माजम् तोमाङोतो ङा ताङ्‌ह्ओ मान्‍ता स्‍याव्आक्‌तीकोपाय् ताङ्‌ह्ओ मान्‍तालो लेखा चीःतीलेः तोनाङः बा।

१ कोरीन्‍थी 14:19

ङ्‌हाम्ओलम्‌कःहाङः मुतोक्‌हाङः थेथे भासाहाङः दस् हजार्‌ कुरा तोओसै ङाइ पास् कुरा अरुइ चीःसा खाय्ओ कुरा स्‍यान्‌ती तोसालेः पेनाः।

१ कोरीन्‍थी 2:6

व्‍हक्‌तो चीःओलम्‌कायः ङीइ व्‍हाय्‌तो कुरा तोसापाय् तोनाङःसु ओउः कुरापाय् ल्‍हाव्‍ह्‌दैबाङ्‌कोः मान्‍तालम्‌कोः व्‍हाय्ओ कुरालेः खेःल तेन्‌छ्याङ्‌कोः वाय्‌तो स्‍याव्‌खेःओ ताङ्‌ह्ओ हुकुम् बयःओलम्इ चीःओ कुरामा खेःल

एफेसस् 4:13

ओहाङःसै ङी सबै ब्राङ्‌तोलेः परमेस्‍वर्‌कोः चोःकायः ङ्‌हाम्‌तीमा तय्‍ह्‌तीमा लोने ओउःलो लेखालेः ल्‍हुङ्‌तुक् चोक्‌तो स्‍याव्‌नाःतय्‍ही।

फीलीपी 1:9

“ओउःमयःइ न्‍हाङ्‌तोलेः राप्‌पानी न्‍हाङ्‌तोलेः व्‍हाय्‌तो चीःपै” त दाय्‍ह्‌ती नीङ्‌कायः तेती तोनेःनाङ्‌स।

फीलीपी 3:15

ङीकःहाङः सुलो परमेस्‍वर्‌कोः कुराहाङः चोक्ओ ल्‍हुङ् नाःओलेः मुनाःतय्‍ही ओउःइलेः “दाह्‌धाङ्‌ङल” त दाय्‍ह्‌ती ङालो लेखालेः ओउःत हायःसा बोङःपानी। सुखेलो थे थे ल्‍हुङ् स्‍याव्‌तेःनै ओउःकायःपाय् परमेस्‍वर्‌इ पेतोलेः चीःताक्‌तेःनै।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।

२ पत्रुस् 3:18

लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।