१ कोरीन्‍थी 14:16 - चेपाङ

¹⁶ नाङ् ग्‍वालामःहाङः ह परमेस्‍वर्‌कायः ताङ्‌ह्‌ताक्‌ती लुङ्‌ती तोतेःचनौ त खेःया अरुलम्इ ओउः कुराकोः माने गत हायःती चीःचानी। कुराकोः माने चीःमाःत झ्‍यान्‍ते अरुलम्इ गत हायःती “माः ओउःपाय् पेतो स्‍याव्‌पाः” त होम्‌ती दाय्‍ह्‌सा खाय्‌चानी र।

१ कोरीन्‍थी 14:16 ပူးပေါင်းရင်းမြစ်များ

मत्ती 28:20

ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

मर्‌कस् 16:20

ओहाङःसैको ओउःकुस् वाह्ओमयःपाय् ल्‍हाव्‍ह्‌दैबाङ्‌कोः चार्‌दोवाताङ् थोयःती येसुकोः कुरा थोल्‍ह्‌ती तोआकानी। तोतोक्‌हाङः “इ कुरा दोङ्‌सीःओ कुरा लेःआः” त छ्यानःसाकायः परमेस्‍वर्‌इ ताङ्‌ह्ओ ग्‍याङ्‌ह्‌राय् जाङ्‌ह्‌ताक्आथास।

युहना 21:25

येसुइपाय् नाःतो अरु काम्‌लम् जाङ्‌ह्ओआः बा। ओउः कुरा सबैलेः कीताप्‌हाङः लेखनाः त खेःया ओउःच्‍युक् नाःतो कीताप् इ ल्‍हाव्‍ह्‌दैबाङ्‌हाङः य्‍होक्‌बाय्‌ल।

युहना 7:15

ओउःकोः स्‍यान्‌तोक्‌हाङः ओउः यहुदीलम्इ सायःती “लौ इइपाय् गलमा इस्‍कुल्‌हाङः स्‍यान्‌मालो खेःतो गत हायःती ओउःच्‍युक् म्‍हुक्‌ती नोःसा चीःनौ द्याह्” त दाय्‍ह्‌ती ओउःमयः ग्‍याङ्‌ह्आकाय्।

खबरदुत 4:13

एत तोआथास ओहाङःसैको पत्रुस्इ एतलेः फुती नोःओ सायःआक्‌तीको “लौ इनीस्इ गलमा इस्‍कुल्‌हाङः पह्रधाङ्‌चल गत हायःती इत व्‍हाय्‌ती चीःती नोःसा खाय्‌नाःचु र” त ओउःमयः ग्‍याङ्‌ह्‌ती म्‍हर्‌ती “इनीस्‌जा येसुकुस् वाह्ओ लेःआः च रैस बा” त म्‍हर्‌ती चीःनीतो

१ कोरीन्‍थी 11:24

“च्‍युता” त तोआक्‌तीको ओउः लाङ्‌कायः फन्‍ह्‌ती “लौ नोह्‌न इ जेःनु दा। इपाय् ङाकोः आङ् लेःआः ङाकोः आङ्‌पाय् नीङ्‌कोःलेः खेःजेःनाः बा। ङाकायः गीलसाकायः एतलेः हायःनु दा” त दाय्‍ह्‌ती येसुलेः दाय्‍ह्आ।

१ कोरीन्‍थी 14:14

परमेस्‍वर्‌कायः थेथे भासा नोःतोक्‌हाङः ङा लयःकोः ग्‍वालामःखेहाङः नोःङोतो ङा ल्‍हुङ्‌खेहाङः चीःङल।

१ कोरीन्‍थी 14:2

दोह् हायःती दाय्‍ह्‌सा सुसुखेइ थेथे भासा नोःचनौ ओउःइलेः मान्‍ताकायः खेःल परमेस्‍वर्‌कायः झुङ्आले नोःनौ अरु मान्‍ताइ ओउःकोः नोःराय् चीःसा खाय्‌नीली। ओउः मान्‍तापाय् परमेस्‍वर्‌कोः ग्‍वालामः दोःती अरुइ चीःसा खाय्‌मालो कुरा नोःनौ।

१ कोरीन्‍थी 16:24

लौ ङी सबै येसु ख्रीस्‌कोः लेःआः तय्‍ही त खेःओ ङाइ राप्‌नेःनाङ्‌स त दाय्‍ह्‌नाङः।

२ कोरीन्‍थी 1:20

येसु ख्रीस्इपाय् परमेस्‍वर्‌इ तोती गम्ओ कुरा जुदालेः ताप्‌ताक्‌तीलेः जाङ्‌ह्आकान्। ओउःत खेःओ ङीइ येसु ख्रीस्‌कोः मय्‍ङ् पेह्‌ती परमेस्‍वर्‌कायः ताङ्‌ह्‌ताक्‌तीलेः नोःती “आमेन्” त दाय्‍ह्‌ती तोनाङःसु।

प्रकाश 22:20

इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।

प्रकाश 5:14

ओहाङःसैको ओउः चार्‌ जीङः नाःओलम्‌पाय् “ओउःतलेः स्‍याव्‌पाः” त दाय्‍ह्‌ती त्‍याङ्आकाय्। फेरीलेः ओउः चौबीस् थालवःपाइ बाःती ओउः नीस्‌कायः ताङ्‌ह्‌ताक्आथाच।

प्रकाश 7:12

“ओउःतलेः स्‍याव्‌पाः दै। ङीकोः सबै ग्‍वम् नाःओ सबैसै व्‍हाय्ओ परमेस्‍वर्‌कायः मनःतीमा लुङ्‌तीमा ताङ्‌ह्‌ताक्‌तीमा ‘च्‍युता’ त गलकायःमा तोती ल्‍हापाःथै। ओउःतलेः स्‍याव्‌पाः” त दाय्‍ह्‌ती परमेस्‍वर्‌कायः ताङ्‌ह्‌ताक्‌ती तोआथै।