१ कोरीन्‍थी 14:15 - चेपाङ

¹⁵ ओउःत झ्‍यान्‍ते दोह् हायःसा पेनाः दाय्‍ह्‌सा ङा ग्‍वालामःहाङःमा परमेस्‍वर्‌कायः तोनाङः ल्‍हुङ्‌हाङःमा ओउःकायःलेः तोलेःनाङः। ग्‍वालामःहाङःमा ङा मेनाङः ल्‍हुङ्‌हाङःमा मेनाङः।

१ कोरीन्‍थी 14:15 ပူးပေါင်းရင်းမြစ်များ

खबरदुत 21:22

नाङ्‌कायःपाय् ‘यरुसालेम्‌हाङः दाह्‌ती मुनाः’ त ओउःमयः लोने चीःनानी ओउःत झ्‍यान्‍ते द्याह् दोह् हायःसा दाय्‍ह्‌सा।

रोमी 1:9

इ ङाइ तोओ कुरापाय् दोङ् कुरा लेःआः त परमेस्‍वर्‌इ चीःनौ बा। ओउःकायः ङाइ म्‍ह्याङ्‌तो ल्‍हुङ्इ ओउःकोः चोःकोः पेआ नोःराय् थोल्‍ह्‌तो तोओ काम् जाङ्‌ह्‌ती मुनाङः। ओहाङःसै नीङ्‌कायःपाय् ङाइ गलकायःमा दीःमामाःत परमेस्‍वर्‌कः तेती तोनेःनाङ्‌स ओउःत परमेस्‍वर्‌इ चीःलेःनौ।

रोमी 3:5

ङीइ पेमालो जाङ्‌ह्‌धार्‌नालेः परमेस्‍वर्‌पाय् अरुसै न्‍हाङ्‌तोलेः पेनाः त छ्यानःओ लेःआः। ओउःत खेःओ ङीइ ओउःत रेव्‌तो हायःती परमेस्‍वर्‌कायः पेओ लेःआः त छ्यानःनाःतय्‍ह्‌नी त खेःया “ओउःइ ङीकायः न्‍युम्‍ह्‌ताक्‌सा स्‍याव्‌ल” त दाय्‍ह्‌ती मान्‍तालम् दाय्‍ह्‌नै यादो।

रोमी 8:31

लौ उया ओउःत खेःया द्याह् दोह् त दाय्‍ह्‌सा खाय्‌चाःतय्‍ह्‌नी र परमेस्‍वर्‌इपाय् ङीकुस् मुनाः त खेःओ सुइमा ङीकायः क्‍लीमःसा खाय्‌तय्‍हीली।

१ कोरीन्‍थी 10:19

इत दाय्‍ह्‌ती दोह्‌त तोनेःनाङ्‌स दाय्‍ह्‌सा मुर्‌तीलम्‌मा ओउःमयःकायः ल्‍हाओ जेःगामा दोह्‌मा खेःबाय्‌ल।

१ कोरीन्‍थी 14:14

परमेस्‍वर्‌कायः थेथे भासा नोःतोक्‌हाङः ङा लयःकोः ग्‍वालामःखेहाङः नोःङोतो ङा ल्‍हुङ्‌खेहाङः चीःङल।

१ कोरीन्‍थी 14:19

ङ्‌हाम्ओलम्‌कःहाङः मुतोक्‌हाङः थेथे भासाहाङः दस् हजार्‌ कुरा तोओसै ङाइ पास् कुरा अरुइ चीःसा खाय्ओ कुरा स्‍यान्‌ती तोसालेः पेनाः।

१ कोरीन्‍थी 14:26

लौ पुःचोङ् हौचोङ्‌य दोह् हायःसा स्‍याव्‌नाः दाय्‍ह्‌सा। सबै हुम्‌ती वाङ्ओ बेलाहाङःपाय् यात्‌चाक्इ मेसा बयःनौ अरुइ स्‍यान्‌सालेः बयःनौ अरुइ परमेस्‍वर्‌कोः रौ कुरा छ्यानःनौ अरु थे भासालेः नोःनाः अरु ओउः थे भासाकोः माने छ्यानःनौ। इत हायःती सबै ङ्‌हाम्ओलम्‌कायः पेतो छेङःकलःसाकायः बयःपानाः।

एफेसस् 6:18

गलकायःमा परमेस्‍वर्‌कोः ग्‍वालामःइ बयःओ कुराइ परमेस्‍वर्‌कः तेती तोनु दा। घीःती योती दीःमामाःत सबै ङ्‌हाम्ओलम्‌कायःमा तेती तोनु।

फीलीपी 1:18

ओउःतलेः हायःनानी ओउःत हायःओपाय् दोह्‌मा दयःल। ओउः पेमालो ल्‍हुङ्इ तोओलम्‌खेइमा ओउः दोङ् तोओलम्‌खेइमा नीस्‌ज्‍योःमा ख्रीस्‌कोः पेओ कुरा थोल्‍ह्‌ती तोनानी ओउःत झ्‍यान्‍ते ङा चोङाय्‌तीलेः मुनाङः। माः रैस चोङाय्‌धै मुनाङः बा

कोलसी 3:16

ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।

याकुब् 5:13

नीङ्‌कःहाङः सुकःताङ् पेमालो लीह्‌सीःओ बेलाहाङः वाङ्‌नाः त खेःया ओउःखेपाय् परमेस्‍वर्‌कः तेती तोपाःस। अरु सुखे चोङाय्‌ती मुनाः त खेःया ओउःपाय् परमेस्‍वर्‌कोः गीत् मेपाः।

यहुदा 1:20

नीङ्‌पाय् ङाइ राप्ओलम्‌खेइपाय् परमेस्‍वर्‌कायः न्‍हाङ्‌तोलेः ङ्‌हाम्‌ती ग्रमःत मुन। परमेस्‍वर्‌कोः ग्‍वालामः दोःती ओउःकायः तेती तोनु।