१ कोरीन्‍थी 14:1 - चेपाङ

¹ ओउःत झ्‍यान्‍ते राप्‌सा काम् म्‍ह्याङ्‌ती जाङ्‌ह्‌नु ओहाङःसै अरु परमेस्‍वर्‌इ बयःओ ग्‍वम्‌मा बोङःनु। अरुसै परमेस्‍वर्‌कोः कुरा छ्यानःती तोसा ग्‍वम्‌कायः बोङःसा पेनाः

१ कोरीन्‍थी 14:1 ပူးပေါင်းရင်းမြစ်များ

रोमी 12:6

फेरी ख्रीस्‌कोः क्रुत् दोम्‌लो लेखालेः ओउःकोः काम् जाङ्‌ह्‌साकायः परमेस्‍वर्‌इ मान्‍ता मान्‍ताकायः थेथेलेः बयःआतय्‍ही। यात्‌चाक्‌खेकायः परमेस्‍वर्‌कोः कुरा छ्यानःती तोसा बयःओलेः त खेःया ओउः मान्‍ताकोः ङ्‌हाम्‌जम्‌च्‍युक्‌लेः परमेस्‍वर्‌कोः कुरा छ्यान्‍ह्‌ती तोपनौ।

रोमी 14:19

लौ उया ब्राङ्‌ताक्ओमा अरुकायः पेतो स्‍याव्‌ताक्ओ कुरामा त्‍युस्‌तीलेः जाङ्‌ह्‌साकायः बोङःनी।

रोमी 9:30

ङाइ तोसा कुरा इलेः। ओउः यहुदी खेःमालोलम्‌खेइ यहुदीलम्‌कोः ऐन्‌कोः कुरा जाङ्‌ह्‌सा बोङःमाःत परमेस्‍वर्‌कायः ङ्‌हाम्आकानी ओउःत झ्‍यान्‍ते ओउःमयःकायः परमेस्‍वर्‌इ लयःकोः मीक्‌हाङः पेतो स्‍याव्‌ताक्आथास।

१ कोरीन्‍थी 12:1

द्याह् पुःचोङ् हौचोङ्‌य परमेस्‍वर्‌इ ङ्‌हाम्ओलम्‌कायः बयःओ कुरा नीङ्‌कायः चीःताक्‌सा खेःतो।

१ कोरीन्‍थी 12:31

ओउः अरुसै ताङ्‌ह्ओ काम् जाङ्‌ह्‌साकोः ग्‍वम्‌लेः बोङःनु दा। माः ओउःमयःकायः बोङःसापाय् बोङःनु दा यातैज्‍योः अरु ओउःसै पेओ काम्‌पाय् मुलेःनाः त तोनेःनाङ्‌स।

१ कोरीन्‍थी 13:13

द्याह्‌पाय् इ सुम्‌ज्‍योः पेओ काम् मुनै ङ्‌हाम्‌सामा चोङाय्‌ती ल्‍युङ्‌ह्‌सामा राप्‌सामा इ मुलेःनाः ओउः सुम्‌ज्‍योःकोः राप्‌साकायःलेः अरुसै ताङ्‌ह्‌लेःनाः।

१ कोरीन्‍थी 13:2

फेरी सुसुइलो परमेस्‍वर्‌कोः ङ्‌हा छ्यानःआक्‌मालो कुरा सबैलेः जुगाङ् जोतोलेः छ्यानःसा खाय्‌चौ सुसुइलो आन पेतो ङ्‌हाम्‌ती झ्‍यान्‍ते दान्‍दाकायः न्‍हेङःती ल्‍होक्‌सा खाय्‌चौ बुरु अरुलम्‌कायः राप्‌नीली त खेःया ओउःपाय् दोह्‌मा खेःल बा।

१ कोरीन्‍थी 14:22

ओउःत झ्‍यान्‍ते थेथे भासालम् नोःओखेपाय् ङ्‌हाम्ओलम्‌कायः खेःल ङ्‌हाम्‌मालो मान्‍तालम्‌कायः छ्यानःसा थेङालेः मुनाः। परमेस्‍वर्‌कोः कुरा छ्यानःती तोओखे ङ्‌हाम्ओलम्‌कायःलेः स्‍याव्‌नाः ङ्‌हाम्‌मालोलम्‌कायः खेःल।

१ कोरीन्‍थी 14:37

सुसुइ “ङापाय् परमेस्‍वर्‌कोः कुरा चीःनाङः ओउःकोः कुरा छ्यानःसा खाय्‌नाङः” त ताःचाःइसी। इ ङाइ लेखओ कुरापाय् “प्रभुइ बयःओ गानाक्‌ती तोओ कुरा लेःआः बा” त पाःती तोपानी।

१ कोरीन्‍थी 14:39

लौ पुःचोङ् हौचोङ्‌य परमेस्‍वर्‌कोः कुरा छ्यानःती तोसाकायः बोङःनु थेथे भासा नोःओलम्‌कायः त्‍याःलाम्।

१ कोरीन्‍थी 16:14

अरुकायः जुगाङ् राप्‌ती काम् जाङ्‌ह्‌नु दा।

एफेसस् 1:3

ङीकोः प्रभु येसुकोः परमेस्‍वर्‌ आपाकायः ताङ्‌ह्‌ताक्‌ती तोपाङःसु दोह् हायःती दाय्‍ह्‌सा ओउःइ ख्रीस्‌पाय् ल्‍होक्‌ती सबै लाङ्‌कासै दोःओ पेओ कुरा बयःआतय्‍ही।

१ थेसलोनिकि 5:20

मान्‍ताइ छ्यानःओ परमेस्‍वर्‌कःसै वाङ्ओ कुरालम्‌कः अह्र्तेःचनै।

१ तीमोथी 4:14

फेरी नाङ् परमेस्‍वर्‌कःसै दोःओ ग्‍वम्इलेः काम् जाङ्‌ह्उ दा। ओउः ग्‍वम्‌पाय् परमेस्‍वर्‌कोः कुरा छ्यानःओलम्इ नोःधार्‌नालेःमा ङ्‌हाम्ओलम्‌कायः स्‍यालःओ थालवःपालम्इ क्रुत् झाम्‍ह्‌तीमा ओउः बेलाहाङः बयःओ खेःतो।

१ तीमोथी 5:10

ओउः मान्‍ताइपाय् पेओ काम् जाङ्‌ह्ओकायः अरुइ तय्‍ह्‌पाःथास। फेरी ओउःमयः लयःकोः चोःलम्‌कायः पेतो स्‍यान्ओ खेःओ खेःतो अरु मान्‍ताकायः कीम्‌हाङः पेतो रोम्ओमा ङ्‌हाम्ओलम्‌कायः पेतो स्‍यवओमा खेःओ खेःतो। लीह्‌सीःओ गोरःओलम्‌कायः लव्‍ह्ओमा सबै पेओ काम्‌लम् जाङ्‌ह्ओ खेःओ खेःतो।

१ तीमोथी 6:11

नाङ्‌खे परमेस्‍वर्‌कोः मान्‍ता लेःतेःआः ओउःत झ्‍यान्‍ते एत रेव्‌तो हायःओ जाङ्‌ह्‌ती वाह्‌माःत जुगाङ् पेओ परमेस्‍वर्‌कायः म्रोताक्ओ काम् जाङ्‌ह्‌ती वाह्अ अरुकायः राप्‌ती काङ्‌तोलेः हायःउ दा।

२ तीमोथी 2:22

लौ उया लाव्‌मयःकोः लयः लुङ्‌ह्‌जेःती मोह्‌हाय्ओ ल्‍हुङ् फेती परमेस्‍वर्‌कायः दोङ् ल्‍हुङ्इ तेती तोओलम्‌कुस् ब्राङ्‌ती नीङ्ओमा ङ्‌हाम्ओ राप्ओ धोमाय्ओ ल्‍हुङ् दोःसाकायः ग्‍याती बोङःउ दा।

हेब्रैनी 12:14

सबै मान्‍ताकुस् ब्राङ्‌काय्‌ती मुसामा बोङःनु पेओ नीङ्ओ ल्‍हुङ् दोःसाकायःमा बोङःनु। ओउःत पेओ ल्‍हुङ् दोःमाःत सुइमा प्रभुकायः योसा खाय्‌नीली।

२ पत्रुस् 1:7

परमेस्‍वर्‌कायः म्रोताक्ओ कुरा जाङ्‌ह्ओकुस् ब्रक्‌त ङ्‌हाम्ओ पुःचोङ् हौचोङ्‌कायः राप्‌नु ओउःमयःकायः राप्ओकुस् ब्रक्‌त सबैकायः राप्‌नु दा।

३ युहना 1:11

लौ राप्ओ हौय रेव्ओ हायःओलम्‌कोः काम् तेःतेःचाःस पेओखे म्र्याःतीलेः तेःन। पेओ काम् जाङ्‌ह्ओलम्‌खे परमेस्‍वर्‌कोःलेः मुनाः रेव्ओ जाङ्‌ह्ओलम्‌खेइ परमेस्‍वर्‌कायः तय्‍ह्‌नीली।