१ कोरीन्‍थी 13:9 - चेपाङ

⁹ तेन्‌छ्याङ्‌पाय् परमेस्‍वर्‌कोः कुरा ङीइ बल बल ह चीःमानाःतय्‍ह्‌नी तोमानाःतय्‍ह्‌नी

१ कोरीन्‍थी 13:9 ပူးပေါင်းရင်းမြစ်များ

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

रोमी 11:34

इतलेः आखरःहाङः दाय्‍ह्ओ मुनाः “परमेस्‍वर्‌कोः ल्‍हुङ्‌तुक् सुइमा योसा खाय्‌नीली सुइमा ओउःकायः स्‍यान्‌सा खाय्‌नीली।

१ कोरीन्‍थी 13:10

ओउः लोने वाङ्‌सा खेःओ पेओ दीन्‌हाङः ङीइ जुदालेः चीःनाःतय्‍ह्‌नी।

१ कोरीन्‍थी 13:12

तेन्‌छ्याङ् ङीइ परमेस्‍वर्‌कोः कुरा वलङ् पलङ्‌त च्‍यवःसा खाय्‌नाःतय्‍ह्‌नी लोनेः ङीइ पेतोलेः धेस्‌तो च्‍यवःसा खाय्‌नाःतय्‍ह्‌नी। ङाइ द्याह् परमेस्‍वर्‌कोः कुरा बल बल ह चीःनाङः लोने ओउः बेलाहाङःपाय् गुच्‍युक् पेतोलेः परमेस्‍वर्‌इ ङाकोः कुरा चीःनाःताङः ओउःच्‍युक् पेतोलेः ङाइमा चीःलेःनाङः।

१ कोरीन्‍थी 2:9

ओउःतलेः उय्‍ह्‌लेहाङःसै लेखती मुनाः “परमेस्‍वर्‌कायः राप्ओ मान्‍तालम्‌पाय् ओउःइ चन्‌तायःती जाङ्‌ह्ओ थोक्‌लम्‌पाय् सुइमा च्‍यवःआक्‌माआक्‌नीली सायःआक्‌माआक्‌नीली सुमा ल्‍हुङ्‌हाङः म्‍हर्‌आक्‌माआक्इली” त लेखती मुतो

१ कोरीन्‍थी 8:2

सुसुइ “लौ ङाइ व्‍हाय्‌तोलेः चीःनाङः” त ताःचाःइसी ओउःपाय् दोङ् पेओ कुराकायः दोह्‌मा चीःधाङ्‌नीली।

एफेसस् 3:8

ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

१ युहना 3:2

लौ राप्ओ पुःचोङ् हौचोङ्‌य ङीपाय् द्याह् परमेस्‍वर्‌कोः चोः लेःआः तय्‍ही ङी “लोनेः गत स्‍याव्‌नाःतय्‍ही” त ङीकायः छ्यानःधाङ्‌तय्‍हीली। इत ह चीःनाःतय्‍ही “ख्रीस्‌कोः लोनेः वाङ्‌सा बेलाहाङःपाय् ङी ओउःकायः दोङ् पेतोलेः च्‍यवःतोक्‌हाङः ओउःलो लेखा थाङ्‌ती स्‍याव्‌नाःतय्‍ही”