१ कोरीन्‍थी 13:6 - चेपाङ

⁶ ओउः मान्‍तापाय् पेमालो काम् च्‍यवःती म्रोइली दोङ् पेओ कुरा च्‍यवःआक्‌तीको ह म्रोनै।

१ कोरीन्‍थी 13:6 ပူးပေါင်းရင်းမြစ်များ

मत्ती 18:13

ओहाङःसैको आल्‌ती बोङःती च्‍यवःआक्‌ती ओउः मेत्‌छ्याःपाय् ‘द्याह् च्‍यवःआलाङः’ त दाय्‍ह्‌ती आन म्रोलेःनाः। माः है ओउः अरु नाःतो मीह्‌मालो मेत्‌छ्याःकःसै ओउः ङ्‌हा मीह्‌ती वाय्‌खेःओ मेत्‌छ्याःकः म्रोलेःनाः बा।

लुका 22:5

इत नोःकाय्‌तोक्‌हाङः ओउःमयः आन म्रोतीलेः “लौ उया येसु दाक्‌याकायः ङीइ दाक्‌झ्‍याङ्‌कोः पैसा नाःतो बयःनेःनाङ्‌सु” त दाय्‍ह्‌ती तोआथै।

रोमी 1:32

एत हायःओलम्‌कायःपाय् “मीह्‌ती ह्र्योक्‌ती वाय्‌सा खेःतो” त परमेस्‍वर्‌इ तोउतो ओउःत तोओ इ रेव्ओ मान्‍तालम्इ चीःसापाय् चीःआकानी रेव्ओ काम् लयः फेमाःत मुनै अरु रेव्‌तो जाङ्‌ह्ओलम्‌कायः लुङ्‌तीलेः तोनानी।

रोमी 12:9

अरुकायः च्‍यवःताक्‌सा आले खेःल दोङ् ल्‍हुङ्इलेः अरुकायः राप्‌नु। पेमालो कुराखे ब्‍लाय्‍क्‌तीलेः फेती वाय्‌नु। पेओ कुराखेकः म्रोतीलेः मुन।

फीलीपी 1:18

ओउःतलेः हायःनानी ओउःत हायःओपाय् दोह्‌मा दयःल। ओउः पेमालो ल्‍हुङ्इ तोओलम्‌खेइमा ओउः दोङ् तोओलम्‌खेइमा नीस्‌ज्‍योःमा ख्रीस्‌कोः पेओ कुरा थोल्‍ह्‌ती तोनानी ओउःत झ्‍यान्‍ते ङा चोङाय्‌तीलेः मुनाङः। माः रैस चोङाय्‌धै मुनाङः बा

फीलीपी 1:4

फेरी ओउःकायः तेती तोओहाङः नीङ्‌कायःमा गलकायःमा म्रोती तेनाङः

फीलीपी 3:18

दोह् हायःती दाय्‍ह्‌सा नाःतो वाह्ओलम् ख्रीस्‌पाय् क्‍ल्‍याय्ओ सीङःहाङः सीओ कुरालेः झाक्इली ओउःत ङ्‌हाम्‌सा ग्‍याइली। इ कुरा ङाइ ङ्‌हामा तोझुङ्‌नेःनाङ्‌सतो द्याह्‌मा र्‍याःतीलेः पुछ्युङःती तोनेःनाङ्‌स।

२ थेसलोनिकि 2:12

ओउःत झ्‍यान्‍ते ओउः दोङ् कुरा ङ्‌हाम्‌माःत रेव्ओ काम् जाङ्‌ह्‌सा झाक्ओलम्इपाय् लोने न्‍युम्‍ह्‌नानी।

२ युहना 1:4

नाङ्‌कोः चोःलम्इपाय् परमेस्‍वर्‌इ तोओलो लेखा दोङ् कुरा ग्‍याती सायःओलेः त च्‍यवःआलाङःसु। एत च्‍यवःआक्‌तीको ङा चोङाय्‌तो स्‍याव्आलाङः।