१ कोरीन्‍थी 13:5 - चेपाङ

⁵ पेतो राप्ओ मान्‍तापाय् रेव्‌तो अह्र्सीःओ जाङ्‌ह्‌मानीली लयःकायः म्‍हर्‌माइली ओउःपाय् रेन्‍ह्‌तोलेः ल्‍हुङ् मल्‍ह्इली। ल्‍हुङ् मल्‍ह्आक्‌तीको रेन्‍ह्‌तोलेः ओउःकोः ल्‍हुङ् द्युम्‌तो स्‍याव्‌नाः।

१ कोरीन्‍थी 13:5 ပူးပေါင်းရင်းမြစ်များ

मत्ती 5:22

‘लौ सुसु लयःकोः मान्‍ताकःताङ् ल्‍हुङ् ह जीक्‌ती मुचनै ओउःमा न्‍युम्‍ह्‌तोलेः स्‍याव्‌नाः’ त दाय्‍ह्‌ती ङाखेइ तोनेःनाङ्‌स बा। फेरी सुसुइ लयःकोः मान्‍ताकायः ‘वाःतकलङ्’ त दाय्‍ह्‌ती तोचानी ओउःकायःलेः सभाकोः मान्‍तालम्इ न्‍युम्‍ह्‌ताक्‌सा स्‍याव्‌नाः। सुसुइ लयःकोः मान्‍ताकायः ‘लौ नाङ्‌कायः परमेस्‍वर्‌इ स्राप्‌तेःनाः’ त दाय्‍ह्‌ती तोचानी ओउःलेः नरककोः म्‍हेःहाङः सीलाङ् आल्‌खेःनै।

मत्ती 9:4

येसुइ ओउःमयःकोः ल्‍हुङ्‌कोः कुरा चीःती झ्‍यान्‍ते “लौ दोह् हायःतीतेः इत रेव्ओ कुरा ल्‍हुङ्‌हाङः म्‍हर्‌तेःनै।

मर्‌कस् 3:5

ओउःमयः नोःमाःत ल्‍हुङ् कलःतो मुती झ्‍यान्‍ते येसु लीह्‌तीमा ओउःमयःकायः ल्‍हुङ् मल्‍ह्‌तीमा त्‍यास्‌ती योआथास। फेरी ओउः क्रुत् स्रीत्‌ती जीक्ओकायः “लौ क्रुत् प्‍योस दा” त दाय्‍ह्‌ती येसुइ तोथातो ती ओउः मान्‍ता क्रुत् प्‍योआक्‌तीको जुगाङ् सेलः स्‍याव्आ।

लुका 7:39

ओहाङःसैको इत हायःओ ओउः सीमोन् त तोओ फरीसीइ च्‍यवःती “लौ इ येसुपाय् परमेस्‍वर्‌कोः कुरा चीःती छ्यानःओमयःकोः खेःल रैस। ओउःपाय् परमेस्‍वर्‌कोः कुरा चीःओ चाक् त खेःयाकायः इ ओउःकायः दीन्‍ह्ओ मोमःचोःकायः दोह् खाल्‌कोः रेव्ओ मोमःचोः लेःआः त तय्‍ह्‌सा खाय्‌चाः खेःतो” त दाय्‍ह्‌ती ल्‍हुङ्‌हाङः म्‍हर्‌तो

१ कोरीन्‍थी 10:24

लयःकोः कुरा झुङ्आले ल्‍हुङ्‌हाङः त्‍युम्‍ह्‌तेःचानी अरुकायः “ङाइ गत हायःती लव्‍ह्‌ती बयःचाङः” त म्‍हर्‌ती ओउःत जाङ्‌ह्‌सा बोङःनु।

१ कोरीन्‍थी 10:33

ङालो लेखालेः लयःकोः कुरा बोङःमाःत सबैकायः गलमा म्रोताक्‌ती ओउःमयःकायः दल्‌ताक्‌सा बोङःनु।

१ कोरीन्‍थी 11:18

दोह् हायःती दाय्‍ह्‌सा नीङ् वेङ्‌काय्‌ती मुतेःनै त सायःआलाङः फेरी ओउः कुरापाय् माःलेः यादो त म्‍हर्‌गार्‌आलाङः।

१ कोरीन्‍थी 12:25

ओउःत हायःती झ्‍यान्‍ते आङ्‌पाय् वेन्‍ह्‌माःतो मुनाः। नीङ्‌पाय् ख्रीस्‌कोः आङ्‌लो लेखा मुतेःनै ओउःत झ्‍यान्‍ते नीङ् लयःमयःकायः राप्‌काय्‌सा खेःतेःनै। यात्‌चाक्‌खेपाय् लीह्‌तोलेः स्‍याव्‌नाः त खेःया सबै लीह्‌तो स्‍याव्‌तेःनै अरुखे ताङ्‌ह्‌तो स्‍याव्‌नाः त खेःया सबै ताङ्‌ह्‌तोलेः स्‍याव्‌तेःनै

१ कोरीन्‍थी 7:36

ओहाङःसैको सुखेकोः धयःओ मोमःचोः मुनाः ओउः मोमःचोःकोः ओह् प्‍ल्‍याय्ओ त खेःया “लौ इपाय् ङाकुस् पाय्‍ह्‌सा खेःतो” त म्‍हर्‌ती ओउः मोमःचोः वानःपौ ओउःत हायःसा रेव्ओ काम् खेःल।

२ कोरीन्‍थी 5:19

ओउः कुरापाय् इतलेःआः मान्‍तालम्‌कायः लयःकुस् ब्राङ्‌काय्‌ताक्‌सा थेङा परमेस्‍वर्‌इ ख्रीस्‌कायः ल्‍होक्आथै। फेरी मान्‍ताकोः रेव्ओ काम्‌पाय् परमेस्‍वर्‌इ म्‍हीत्‌ताक्‌ती वाय्‌नौ। इ कुरा थोल्‍ह्‌ती तोसा काम्‌पाय् ङीकायःलेः बयःआताङी।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।

फीलीपी 2:21

अरुखे लयःकोः कुराकायः ह बोङःसा झाक्‌नै येसु ख्रीस्‌कोः कुराकायः झाक्इली।

फीलीपी 4:8

लौ पुःचोङ् हौचोङ्‌य दोह् कुरालो पेओमा लुङ्‌गार्‌सीःमा खेःलेःनाः ओउः कुरापाय् ल्‍हुङ्‌हाङः सेती मुन। दोह् दोह् दोङ् कुरा लेःआः दोह् दोह् ताङ्‌ह्ओ कुरा पेओ छय्‍ङ्ओ कुरा दोह् दोह् झाक्‌सीःओ सायःगार्‌सीःओ कुरा लेःआः इ खाल्‌कोः कुरालम् सबै ल्‍हुङ्‌हाङः सेती गम्‌नु।

२ थेसलोनिकि 3:7

गतलो ङीइ हायःआलाङःसु ओउःतलेः नीङ्इमा तेःती हायःसा खेःतो ओउःत नीङ्‌खेइ पेतोलेः चीःतेःनानी। नीङ्‌कःहाङः मुतोक्‌हाङः ङी अरुकायः काम् नाओ खेःङीली।

२ तीमोथी 2:10

एत हायःओ स्‍याव्‌ती ङाइ परमेस्‍वर्‌इ छीङ्‌ह्ओ मान्‍तालम्‌कायः लीह्‌सीःओ गोरःलेःनाङः दोह् हायःती दाय्‍ह्‌सा ओउःमयःइमा येसु ख्रीस्इ जाङ्‌ह्ओ आन पेओ गलमा द्योक्‌मालो जीङः दोःसा खाय्‌नानी।

२ तीमोथी 4:16

ङाकोः मुत्‍ध स्‍याव्‌तोक्‌हाङः सुइमा ङाकायः लव्‍ह्‌ताङःल सबै ङाकायः फेती क्रव्आकाय्। एत हायःसा थेङा ओउःमयःकायः प्रभुइ गाल्‌तुम्‌ती नोःलाम्।

याकुब् 1:19

लौ ङाकोः राप्ओ पुःचोङ् हौचोङ्‌य इ कुरा म्‍हेःतेःचानी। सायःतोक्‌खेहाङः होङ्‌तीलेः सायःउ नोःतोक्‌खेहाङः जोतोलेः नोःउ दा। ल्‍हुङ् मल्‍ह्ओ बेलाहाङः ल्‍हुङ् जोक्‌तोलेः मल्‍ह्‌तेःचनै