१ कोरीन्‍थी 12:3 - चेपाङ

³ परमेस्‍वर्‌कोः ग्‍वालामः दोःआक्‌तीको सु खेःयामा परमेस्‍वर्‌कोः ग्‍वालामः दोःओ बेलाहाङः येसुकायः प्रनःती नोःसा खाय्‌नीली एत ङाइ तोती चीःताक्‌नेःनाङ्‌स। फेरी परमेस्‍वर्‌कोः ग्‍वालामः दोःमाःत सु खेःयामा येसुकायः “प्रभु” त मय्‍ङ्‌सा खाय्‌नीली।

१ कोरीन्‍थी 12:3 ပူးပေါင်းရင်းမြစ်များ

मत्ती 22:43

“ओउःत खेःया दावुद् राजापाय् परमेस्‍वर्‌कोः ग्‍वालामः दोःआक्‌तीको दोह् हायःती ख्रीस्‌कायः ‘प्रभु’ त तोआकान्।

मर्‌कस् 9:39

“ओउःकायः त्‍याःलाम्। सुसुइ ङाकोः मय्‍ङ् पेह्‌ती ग्‍याङ्‌ह्‌राय् जाङ्‌ह्‌नानी ओउःलो खेःओ मान्‍तापाय् रेन्‍ह्‌तोलेः ङाकायः रेव्‌तो नोःसा खाय्‌नीली। सुसुलो ङीकोः बीरोत् खेःइली ओउःलेः ङीकुस् भीङ्‌तेःनै” त दाय्‍ह्‌ती येसु त्‍याङ्आ।

युहना 13:13

ङाकायःपाय् गुरु तमा तोतेःनानाङ्‌स प्रभु तमा तोतेःनानाङ्‌स ओउःत तोसापाय् स्‍याव्‌लेःनाः नीङ्‌कोः गुरुमा प्रभुमा खेःलेःआनाङः।

युहना 13:14

ङा नीङ्‌कोः प्रभुइलेः नीङ्‌कोः दोम् जेस्‌बत्‌नेःआलाङ्‌स। नीङ्इमा लःलयःकायः दोम् जेस्‌काय्‌सा खेःतेःनै।

युहना 15:26

लोने ङाकोः आपाकःसै ओउःकोः लव्‍ह्‌ती बयःसा ग्‍वालामः ल्‍होक्‌नेःनाङ्‌स। ओउःइ आपाकःसै वाङ्‌ती दोङ् कुरा चीःती ङाकायः पाःती तोचाःताङः।

खबरदुत 8:37

“नाङ् ल्‍हुङ्‌हाङः पेतो ङ्‌हाम्‌नौ त खेःया बाप्‍तीस्‍मा त्‍याक्‌सा स्‍याव्‌नाः” त दाय्‍ह्‌ती फीलीप् त्‍याङ्आ। “स्‍याव्आनाः येसु ख्रीस् त तोओ परमेस्‍वर्‌कोः चोः लेःआः एत ङ्‌हाम्‌नाङः बा” त दाय्‍ह्‌ती ओउः मन्‍तरी दाय्‍ह्आ।

रोमी 10:9

लेइलेः “लौ येसुपाय् प्रभु लेःआः” त दाय्‍ह्‌ती नाङ्इ अरुकायः फुती नोःमातेःनौ ल्‍हुङ्‌हाङःलेः “लौ येसुकायः परमेस्‍वर्‌इ उह्‌ती च्‍योक्‌ताक्आथै” त दाय्‍ह्‌ती ङ्‌हाम्‌मातेःनौ त खेःया नाङ्‌पाय् दल्‌तेःनाः।

१ कोरीन्‍थी 16:22

सुसुइ प्रभुकायः राप्‌नीली ओउःकायः पेमालो स्‍याव्‌पै। मरनाथा त तोसा “प्रभुय वाङ्अ दै”

१ कोरीन्‍थी 8:6

“यातैज्‍योः ङीकोः परमेस्‍वर्‌ आपा ह मुनाः” त ङीखेइ चीःनाःतय्‍ह्‌नी। ओउःइपाय् जुदालेः जाङ्‌ह्आकान् ओउःकायः ङी मुनाःतय्‍ही। ङीकोः प्रभुमा यातैज्‍योः येसु ख्रीस्‌लेः खेःजेःनाः बा। ओउःकुस्इ परमेस्‍वर्‌इ जुदालेः जाङ्‌ह्आकान् ओउःकःसै रौ जीङः दोःनाःतय्‍ही।

२ कोरीन्‍थी 11:4

दोह् हायःती दाय्‍ह्‌सा ङीइ गलमा स्‍यान्‌मालो येसुकोः कुरालेः अरु मान्‍तालम्इ थोल्‍ह्‌ती तोनानी त खेःया ओउःमयः तोओ कुरापाय् नीङ्इ ग्‍याती रोम्‌तेःनानी। फेरी थे ग्‍वालामः नीङ्इ त्‍याक्‌सामा ग्‍यातेःनै थेथे कुरापाय् “पेओ समचार्‌ लेःआः” त दाय्‍ह्‌ती नीङ्इ सायःसामा ग्‍यातेःनै। ओउः थे ग्‍वालामःमा थे पेओ समचार्‌ त तोओमा ङीसै दोःओ दोङ् कुरालेः खेःल बा।

२ कोरीन्‍थी 3:5

इ पेओ कुरापाय् ङीइ लयःलेः जाङ्‌ह्‌सा खाय्‌नाङःसु त ताःङीसीली परमेस्‍वर्‌कःसै ग्‍वम् दोःती ह जाङ्‌ह्‌सा खाय्‌नाङःसु।

गालाती 3:13

ख्रीस्इपाय् ङीकोः ऐन्‌सै दोःओ प्रनःबाङ् लयःलेः ल्‍हाङःती त्‍याक्‌ती झ्‍यान्‍ते ङीकायः ओउः प्रनःबाङ् क्‍युम्‍ह्‌ताक्आतय्‍ही गत हायःती दाय्‍ह्‌सा “सुसुखेकायः सीङःहाङः योकोःती सात्ओ खेःतो ओउःइपाय् प्रनःबाङ् लात्‌नौ” त दाय्‍ह्‌ती आखरःहाङःमा लेखती मुनाः।

प्रकाश 1:10

प्रभुकोः दीन्‌हाङः ओउःकोः ग्‍वालामः दोःआक्‌तीको ङाइ सोतो हाव्‌नयः तुरहीलो लेखालेः काह्‌सै सायःआलाङः