१ कोरीन्‍थी 12:12 - चेपाङ

¹² यातैज्‍योः आङ्‌हाङः नाःतो मुनाः तालाङ् मीक् नो क्रुत् दोम् सबै यातैज्‍योः आङ्‌हाङः मुनाः ओउःलो लेखा ख्रीस्‌लेः खेःनाः।

१ कोरीन्‍थी 12:12 ပူးပေါင်းရင်းမြစ်များ

१ कोरीन्‍थी 10:17

यात्‌केरः लाङ्‌मा ङी नाःतोलम्‌कायः सबै थोप्‌नाःतय्‍ही ओउःत खेःओ ङी यातैज्‍योः आङ्‌लो लेखा मुनाःतय्‍ही।

१ कोरीन्‍थी 12:20

आङ्‌हाङः तालाङ् मीक् नो नेह् क्रुत् दोम् सबै नाःतो लेःआः आङ्‌पाय् यातैज्‍याङ् ह।

१ कोरीन्‍थी 12:7

सबै ङ्‌हाम्ओलम् पेतो स्‍याव्‌ताक्‌साकायः परमेस्‍वर्‌कोः ग्‍वालामःपाय् मान्‍ता मान्‍ताकायः छ्यानःतोलेः बयःओआः।

गालाती 3:16

ओउःलो लेखालेः परमेस्‍वर्‌पाय् आब्राहाम्‌कुस्‌मा ओउःकोः प्‍लोमःदानेकुस्‌मा कुरा त्‍योम्‌काय्‌तीलेः गम्आकानी। ओउः त्‍योम्‌काय्ओ कुरापाय् “यात्‌ज्‍याङ् प्‍लोमःदानेकुस् तोतो गम्ओआः” ओउःत आखरःहाङः लेखती मुनाः नाःतो प्‍लोमःदानेकुस् तोती गम्ओ खेःल। फेरी ओउः यात्‌ज्‍याङ् प्‍लोमःदानेपाय् सुखेलो दाय्‍ह्‌सा ओउःपाय् ख्रीस् लेःआः बा।

एफेसस् 1:23

मान्‍ताकोः तालाङ्‌कुस् ओउःकोः आङ्‌ज्‍याङ् यातैज्‍योः लेःआः। ओउःलो लेखालेः ख्रीस्‌कुस्‌लेः ङ्‌हाम्ओलम् यातैज्‍योः स्‍याव्‌नै। ओहाङःसैको ख्रीस्इपाय् सबै कुरा यातैज्‍योः ब्राङ्‌ताक्‌ती स्‍याव्‌ताक्‌नौ।

एफेसस् 4:12

दोह्‌कायः बयःओ दाय्‍ह्‌सा परमेस्‍वर्‌कोः काम् पेतो जाङ्‌ह्‌सा थेङा ख्रीस्इलेः लयःकोः ङ्‌हाम्ओलम्‌कायः पेतो स्‍याव्‌ताक्‌साकायः बयःआथास।

एफेसस् 4:4

ख्रीस्‌कोः आङ्‌मा यातैज्‍योःलेः ओउःकोः ग्‍वालामःमा यातैज्‍योःलेः। नीङ्‌कायःपाय् परमेस्‍वर्‌इ यातैज्‍योः लोने दोःसा पेओ कुरा त्‍याक्‌सा थेङामा गोत्‌तेःआकाय्।

एफेसस् 5:23

दोह् हायःती दाय्‍ह्‌सा ङ्‌हाम्ओमयःपाय् ख्रीस्‌कोः आङ्‌लो लेखा मुनै। ओउःमयःकोः पुःओमा दल्‌ताक्ओमा ख्रीस् लेःआः ओउःतलेः बुधाइ बुधीकायःमा पुःनौ।

एफेसस् 5:30

दोह् हायःती दाय्‍ह्‌सा ङी ङ्‌हाम्ओलम्‌पाय् ख्रीस्‌कोः आङ्‌ज्‍याङ्‌लो लेखा मुनाःतय्‍ही।

कोलसी 1:18

फेरी ख्रीस्‌पाय् सबै ङ्‌हाम्ओलम्‌सै पुःनाः दोह् हायःती दाय्‍ह्‌सा ओउःपाय् सबैसै ङ्‌हा लेःआः। सीआक्‌तीको उह्‌ती च्‍योक्‌सा खेःओमा ओउःपाय् पुःलेःनाः ओउःत झ्‍यान्‍ते ओउः सबैसै ताङ्‌ह्‌लेःनाः।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

कोलसी 2:19

ओउः मान्‍तालम्‌पाय् सबै ङ्‌हाम्ओलम्‌सै पुःओ ख्रीस्‌कुस् ब्राङ्इली। मान्‍ताकोः आङ्‌पाय् तालाङ्‌कुस् द्योप्‌काय्‌ती मुओ ह आङ्‌मा तालाङ्‌मा सबै सोःलम्‌कुस्इ पेतोलेः ल्‍हेङःसा खाय्‌नौ। ओउःलो लेखालेः ङ्‌हाम्ओलम्‌मा ख्रीस्‌कुस् ब्राङ्‌तो मुओ ह परमेस्‍वर्‌इ सबै छेङःकलःताक्‌नाःथास।

कोलसी 3:15

ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।