१ कोरीन्‍थी 12:11 - चेपाङ

¹¹ इ सबै ग्‍वम्‌लम्‌लेः यातैज्‍योः परमेस्‍वर्‌कोः ग्‍वालामःइ बयःनौ मान्‍ता मान्‍ताकायः लयः झाक्‌तीलेः वेःती बयःनौ बा।

१ कोरीन्‍थी 12:11 ပူးပေါင်းရင်းမြစ်များ

मत्ती 20:15

ङाकोः पैसा ङाइ लयः झाक्‌ती बयःसा खाय्‌नाङः माःर। ङाइ लोने वाङ्ओलम्‌कायः पेतो बयःनाङःसु त खेःया दोह् हायःतीलेः ल्‍हुङ् मल्‍ह्‌तो स्‍याव्‌तेःनाः’ त दाय्‍ह्‌ती यात्‌चाक्‌कः त्‍याङ्आ।

युहना 3:27

“लौ परमेस्‍वर्‌इ आःताः बयःमाःत मान्‍तापाय् दोह्‌मा दोःइली।

युहना 3:8

मारुःकायः मान्‍ताइ सायःसापाय् सायःनौ। गाःसै वाङ्ओ गाःताङ् आल्‌नाः सुइमा चीःनीली लयः झाक्ओहाङः लय्‍क्‌नाः। मारुःलो लेखा परमेस्‍वर्‌कोः ग्‍वालामः लयः झाक्ओहाङः वाह्‌नाः। इलो लेखालेः परमेस्‍वर्‌कोः ग्‍वालामःइ गाःहाङः खेःयामा मान्‍ताकायः रौ जीङः बयःनौ बा” त दाय्‍ह्‌ती येसुइ स्‍यान्‌ती तोआकान्।

युहना 5:21

आपाइ सीओलम्‌कायः उह्‌ती च्‍योक्‌ताक्‌सा खाय्‌नौ ओउःतलेः ओउःकोः चोःइमा लयः झाक्ओ जाङ्‌ह्‌ती सीओलम्‌कायः च्‍योक्‌ताक्‌लेःनौ।

रोमी 12:6

फेरी ख्रीस्‌कोः क्रुत् दोम्‌लो लेखालेः ओउःकोः काम् जाङ्‌ह्‌साकायः परमेस्‍वर्‌इ मान्‍ता मान्‍ताकायः थेथेलेः बयःआतय्‍ही। यात्‌चाक्‌खेकायः परमेस्‍वर्‌कोः कुरा छ्यानःती तोसा बयःओलेः त खेःया ओउः मान्‍ताकोः ङ्‌हाम्‌जम्‌च्‍युक्‌लेः परमेस्‍वर्‌कोः कुरा छ्यान्‍ह्‌ती तोपनौ।

रोमी 9:18

ओउःतलेः परमेस्‍वर्‌इ लयः झाक्‌तीलेःमा मान्‍ताकायः योनःती योनौ लयः झाक्‌तीलेःमा मान्‍ताकायः ग्‍यामालो स्‍याव्‌ताक्‌नौ।

१ कोरीन्‍थी 12:18

खेःल आङ्‌हाङः परमेस्‍वर्‌इ दोम्‌मा क्रुत्‌मा मीक्‌मा नोमा सबै लयः झाक्‌तीलेः गम्आकान्।

१ कोरीन्‍थी 12:4

परमेस्‍वर्‌कोः ग्‍वालामःइ बयःओ ग्‍वम्‌लम्‌पाय् नाःतो लेःआः ओउः बयःओ ग्‍वालामःपाय् यातैज्‍याङ् ह मुनाः।

१ कोरीन्‍थी 12:6

ओउः नाःतो काम्‌लम् जाङ्‌ह्‌साकायःपाय् यातैज्‍योः परमेस्‍वर्‌इ सबै जाङ्‌ह्‌ताक्‌लेःनौ।

१ कोरीन्‍थी 7:17

गतलो परमेस्‍वर्‌इ मान्‍ता मान्‍ताकायः “इत इत हायःतीलेः वाह्‌न” त तोती गोत्‌तेःआकाय् ओउःतलेः वाह्‌न। इत ङाइ सबै ङ्‌हाम्ओलम्‌कायः स्‍यान्‌ती तोनाङःसु।

१ कोरीन्‍थी 7:7

सबै मान्‍तालम् ङालो लेखा बुधी नाःमाःत मुपै त झाक्‌ङोतो परमेस्‍वर्‌इ मान्‍ता मान्‍ताकायः लःलयः जोक् बयःआकान् यात्‌नीस्‌खे एकान् मुसा खाय्‌नानी अरुखे बुधी वानःसा खेःतो।

२ कोरीन्‍थी 10:13

ङीखे लयःकोः नेह्‌रो नाःतो ओर्‌ताक्‌नाङीसीली। गुच्‍युक्‌लो काम् परमेस्‍वर्‌इ बयःआताङी ओउःच्‍युक्‌लेः ह जाङ्‌ह्‌याकायः ङी ङाःतीलेः तोनाङःसु। नीङ्‌कःहाङःमा जाङ्‌ह्‌सा काम् परमेस्‍वर्‌इ ङीकायः दोक्‌ती बयःआताङी।

एफेसस् 1:11

सबै कुरालेः परमेस्‍वर्‌इ लयः झाक्‌ती जाङ्‌ह्‌नौ ओउःतलेः ङीकायःमा ङ्‌हाहाङःसै छीङ्‌ह्‌ती लोनेः ख्रीस्‌कुस् ब्राङ्‌ताक्‌ती लयःकोः मान्‍तालम् जाङ्‌ह्आतय्‍ही।

एफेसस् 4:7

ओहाङःसैको ङीकायःपाय् ख्रीस्इलेः लःलयः जोक्‌कायः छ्युङ्‌ह्‌तीलेः बयःआतय्‍ही।

हेब्रैनी 2:4

परमेस्‍वर्‌इमा ओउःकोः ग्‍वम्इ आन पेओ ग्‍याङ्‌ह्‌राय्‌लम् जाङ्‌ह्‌ती येसुकोः कुरा “दोङ् कुरा लेःआः” तमा पाःती छ्यानःआकान्। ग्‍याङ्‌ह्‌राय्‌मा जाङ्‌ह्‌माआकान् ओउःइ लयः झाक्‌तीलेः लयःकोः ग्‍वालामःइ पेओ कुरालम् वेःताक्‌माआकान्।

याकुब् 1:18

ओउःइपाय् लयः झाक्‌ती लयःकोः दोङ् नोःराय्इ रौ जीङः बयःआतय्‍ही ओहाङःसैको सबै ओउःइ जाङ्‌ह्ओ थोक्‌लम्‌सै ङ्‌हालेः ङीपाय् ओउःकोःलेः स्‍याव्‌नाःतय्‍ही।