१ कोरीन्‍थी 11:3 - चेपाङ

³ ओउःत हायःसा स्‍याव्‌नाः यात्‌ज्‍याङ् अरु कुरा तोसा खेःनेःनाङ्‌स। सबै गोय्‌चोःकोः हुकुम् बयःसाचाक् ख्रीस् लेःआः सबै मोमःचोःकोः हुकुम् बयःसाचाक्‌पाय् गोय्‌चोः लेःआः फेरी ख्रीस्‌कोः हुकुम् बयःसापाय् परमेस्‍वर्‌लेः खेःनाः।

१ कोरीन्‍थी 11:3 ပူးပေါင်းရင်းမြစ်များ

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

युहना 14:28

ङाधाङ् आल्‌धाङ्‌चाङः फेरी द्यान्‍ह्‌तीलेः वाङ्‌नाङः त ङाइ तोओ सायःतेःआकानी। ङाकायः राप्‌तेःनानाङ्‌स त खेःया ‘ओउःपाय् आपाकःताङ् आल्‌नाः’ त सायःआक्‌तीको नीङ् चोङाय्‌तो स्‍याव्‌तेःनै दोह् हायःती दाय्‍ह्‌सा ङाकोः आपा ङासै ताङ्‌ह्‌लेःनाः।

१ कोरीन्‍थी 3:23

फेरी नीङ्‌पाय् ख्रीस्‌कोः लेःतेः इ ख्रीस्‌पाय् परमेस्‍वर्‌कोः लेःआः बा।

एफेसस् 4:15

ङी दोङ् कुराखे अरुलम्‌कायः राप्‌तोलेः नोःती ङीकायः स्‍यालःओ ख्रीस्‌लो लेखा ताङ्‌ह्‌नाःतय्‍ही। ओउःखेपाय् तालाङ्‌लो लेखा मुनाः

कोलसी 1:18

फेरी ख्रीस्‌पाय् सबै ङ्‌हाम्ओलम्‌सै पुःनाः दोह् हायःती दाय्‍ह्‌सा ओउःपाय् सबैसै ङ्‌हा लेःआः। सीआक्‌तीको उह्‌ती च्‍योक्‌सा खेःओमा ओउःपाय् पुःलेःनाः ओउःत झ्‍यान्‍ते ओउः सबैसै ताङ्‌ह्‌लेःनाः।

कोलसी 2:10

द्याह् लाङ्‌काहाङः मुओलम्‌सैमा ल्‍हाव्‍ह्‌दैबाङ्‌हाङः मुओलम्‌सैमा सबै हुकुम् बयःओलम्‌सै ख्रीस्‌पाय् पुःलेःनाः। ओउः ख्रीस्‌कुस् ब्राङ्‌ती नीङ्‌मा जुदालेः दोःतेःनै।

कोलसी 2:19

ओउः मान्‍तालम्‌पाय् सबै ङ्‌हाम्ओलम्‌सै पुःओ ख्रीस्‌कुस् ब्राङ्इली। मान्‍ताकोः आङ्‌पाय् तालाङ्‌कुस् द्योप्‌काय्‌ती मुओ ह आङ्‌मा तालाङ्‌मा सबै सोःलम्‌कुस्इ पेतोलेः ल्‍हेङःसा खाय्‌नौ। ओउःलो लेखालेः ङ्‌हाम्ओलम्‌मा ख्रीस्‌कुस् ब्राङ्‌तो मुओ ह परमेस्‍वर्‌इ सबै छेङःकलःताक्‌नाःथास।

कोलसी 3:18

लौ मोमःचोःलम्‌य लयःकोः बुधाइ तोओ कुरालेः ग्‍याती सायःचाक्‌नु ती। ख्रीस्‌कोः मान्‍तालम्इ ओउःत हायःसालेः त्‍याक्‌नौ।

१ पत्रुस् 3:1

फेरी नीङ् नाःचोङ्‌य नीङ्इमा लयःकोः बुधाइ तोओ कुरालम् म्‍ह्याङ्‌ती ग्‍याती जाङ्‌ह्‌नु दा। ओहाङःसैको सुसुकोः बुधापाय् येसुकोः कुरा ङ्‌हाम्‌माःत मुचानाः ओउः बुधाइलेः नाङ्‌कोः पेओ नीङ्ओ काम्‌लम् च्‍यवःती झ्‍यान्‍ते नोःती स्‍यान्‌मामाःत ओउःपाय् लोने लयः ङ्‌हाम्‌साकायः ग्‍यातो स्‍याव्‌नाः यादो।