१ कोरीन्‍थी 11:17 - चेपाङ

¹⁷ यातैज्‍योः अरु कुराकायः ङाइ लुङ्‌ती तोनेःनाङ्‌सल। हुम्‌ती वाङ्ओ बेलाहाङः नीङ्इ पेतो हायःओ खेःल पेमालो हायःतेःनीली

१ कोरीन्‍थी 11:17 ပူးပေါင်းရင်းမြစ်များ

रोमी 13:3

पेओ मान्‍तालम्‌खे सर्‌कार्‌कः रैसा परल रेव्‌तो जाङ्‌ह्ओलम्‌खे झुङ्आले रैसा खेःतो। नीङ्‌पाय् सर्‌कार्‌कोः मान्‍ताकः रैमाःत मुसा झाक्‌तेःनै त खेःया पेओ काम्‌लम् जाङ्‌ह्‌नु दा। ओहाङःसैको ओउःइ नीङ्‌कायः पेतो लुङ्‌ती तोतेःनै।

१ कोरीन्‍थी 11:2

ङाकायः गीलती ङाइ तोओ कुरापाय् ङाइ स्‍यान्ओलो लेखालेः नीङ्इ म्‍हेःमाःत सबै जाङ्‌ह्‌तेःनानी ओउःत ङाइ लुङ्‌तीलेः तोनेःनाङ्‌स।

१ कोरीन्‍थी 11:20

ओहाङःसैको यातै थाव्‌हाङः हुम्‌ती वाङ्ओहाङः नीङ् प्रभुकोः भोस् पेतो जेःसाकायः वाङ्‌तेःइली

१ कोरीन्‍थी 11:22

दोङ्‌सीलेः जेःसा तुङ्‌साकायः नीङ्‌कोः लयःकोः कीम्‌हाङः स्‍याव्‌नाः माःर। नीङ्इपाय् ख्रीस्‌कोः मान्‍तालम् मीतो च्‍यवःती ओउः नाःतो नाःमालोलम्‌कायः रास्‌तेःताक्‌तेःनानी। एत हायःसाकायः ङाइ नीङ्‌कायः लुङ्‌ती तोसा खाय्‌ङल जान्‌तीलेः तोनेःनेःनाङ्‌स बा।

१ कोरीन्‍थी 11:34

यात्‌चाक् योङ्‌क्राय्‌तो मुनाः त खेःया ओउःइपाय् लयःकोः कीम्‌हाङः कोस्‌तो जेःआक्‌पौ ओहाङःसै नीङ् हुम्‌ती वाङ्‌तोक्‌हाङः न्‍युम्‍ह्‌ताक्‌तो थाङ्‌सा काम् जाङ्‌ह्‌तेःनीली। एतलेः तोनेःनाङ्‌स दा ङा लोने वाङ्‌तोक्‌हाङः अरु कुरामा तोनेःनाङ्‌स।

१ कोरीन्‍थी 14:23

ओहाङःसै सबै ङ्‌हाम्ओलम् हुम्‌ती यात् थाव्‌हाङः वाङ्‌तोक् बेलाहाङःपाय् नीङ्‌कःहाङः यात्‌नीस्इ थेथे भासा नोःचै त खेःया अरु चीःमालो ङ्‌हाम्‌मालो मान्‍तालम् वाङ्‌दीक् “लौ इमयः आन ब्रःती नोःनै रैस” त दाय्‍ह्‌ती दाय्‍ह्‌नै माःर।

१ कोरीन्‍थी 14:26

लौ पुःचोङ् हौचोङ्‌य दोह् हायःसा स्‍याव्‌नाः दाय्‍ह्‌सा। सबै हुम्‌ती वाङ्ओ बेलाहाङःपाय् यात्‌चाक्इ मेसा बयःनौ अरुइ स्‍यान्‌सालेः बयःनौ अरुइ परमेस्‍वर्‌कोः रौ कुरा छ्यानःनौ अरु थे भासालेः नोःनाः अरु ओउः थे भासाकोः माने छ्यानःनौ। इत हायःती सबै ङ्‌हाम्ओलम्‌कायः पेतो छेङःकलःसाकायः बयःपानाः।

हेब्रैनी 10:25

यात्‌नीस्‌चाक्इलेः अरु ङ्‌हाम्ओलम्‌कुस् हुम्‌ती थनःसाकायः फेआकानी ओउःमयःलो लेखालेः हायःलाम् ओहाङःसैको प्रभु वाङ्‌सा खेःओ दीन् द्याङ्‌तो दाह्‌ती वाङ्‌खेःओहाङः न्‍हाङ्‌तोलेः “हुम्‌लाङ् आल्इ” त दाय्‍ह्‌ती लव्‍ह्‌काय्‌ती तोकाय्‌न।