1 ङाइ ख्रीस्कोः काम् तेःती जाङ्ह्नाङः नीङ्इमा ङालो लेखालेः ओउःकोः काम् तेःती जाङ्ह्नु दा।
ङालो लेखालेः लयःकोः कुरा बोङःमाःत सबैकायः गलमा म्रोताक्ती ओउःमयःकायः दल्ताक्सा बोङःनु।
ओउःत झ्यान्ते “ङाइ जाङ्ह्ओ कुरा नीङ्इमा तेःती जाङ्ह्नु दा” त ङाइ तोनेःनाङ्स।
लौ पुःचोङ् हौचोङ्य ब्राङःतोलेः ङाकायः तेःतीलेः वाह्न। अरु ङीलो लेखा वाह्ओलम्कायःमा तय्ह्तीमा तेःतीमा योनु।
ओउःत झ्यान्ते ङीकायःमा ङीकोः प्रभुकायःमा तेःतेःआकानी। ओउः बेलाहाङः नीङ्इ आन लीह्सीःओ गोरःतेःआकानी। लीह्सीःओ गोरःसापाय् गोरःतेःनीतो परमेस्वर्कोः ग्वालामः दोःती ओउःकोः कुरा चोङाय्तीलेः सायःतेःआकानी.
नीङ्कःसै जेःगा तुङ्गा सोह् त्याक्सा स्याव्सापाय् स्याव्ओ खेःतो ङीइ नीङ्कायः पेतो स्यान्साकायः ओउःतलेः हायःआलाङःसु।
बाय्तो स्याव्माःत ओउः जुगाङ् गुह्र्माःत ङ्हाम्ओलम्कः तेःनु। ओउःमयः परमेस्वर्इ तोती गम्ओ कुरा दोःलेःनै।