१ कोरीन्‍थी 10:23 - चेपाङ

²³ “लौ सबै कुरा ङीकायः स्‍याव्‌नाः” ततेः दाय्‍ह्‌तेःनै। माः ओउःत दाय्‍ह्ओ दोङ् कुरा लेःआः बुरु सबै कुरा जाङ्‌ह्‌सा पेलेःनाः खेःल अरुकायः लव्‍ह्‌सा खेःल।

१ कोरीन्‍थी 10:23 ပူးပေါင်းရင်းမြစ်များ

रोमी 14:15

ओहाङःसै यात्‌ज्‍योः थोक् जेःयाकायः नाङ्‌कोः ङ्‌हाम्ओ हौकायः नाङ्इ ब्रःताक्‌तेःनौ त खेःया ओउःत हायःसा स्‍याव्‌ल। जेःतेःनौ त खेःया ओउःकायः नाङ्इ पेतो राप्‌तेःउलु। ओउः मान्‍ता दल्‌ताक्‌साकायः ख्रीस्‌पाय् सीलेःआ ओउःत झ्‍यान्‍ते ओउः मान्‍ताकायः नाङ्इलेः वाय्‌ताक्‌तेःचनौ।

१ कोरीन्‍थी 14:12

परमेस्‍वर्‌कोः ग्‍वालामःइ बयःसा ग्‍वम्‌लम् आनतेः बोङःतेःनानी। गाव्‌खेलो ङ्‌हाम्ओलम्‌कायः पेतो छेङःकलःती स्‍याव्‌ताक्‌नाःथास ओउःकायःलेः अरुसै बोङःनु दा।

१ कोरीन्‍थी 14:17

नाङ्इ परमेस्‍वर्‌कायः त्‍याक्‌तीलेः तोओपाय् तोतेःउतो अरु सायःओ मान्‍ताकायः दोह्‌मा हायःतेःउलु ओउःकायः पेतो स्‍याव्‌ताक्उलु।

१ कोरीन्‍थी 14:26

लौ पुःचोङ् हौचोङ्‌य दोह् हायःसा स्‍याव्‌नाः दाय्‍ह्‌सा। सबै हुम्‌ती वाङ्ओ बेलाहाङःपाय् यात्‌चाक्इ मेसा बयःनौ अरुइ स्‍यान्‌सालेः बयःनौ अरुइ परमेस्‍वर्‌कोः रौ कुरा छ्यानःनौ अरु थे भासालेः नोःनाः अरु ओउः थे भासाकोः माने छ्यानःनौ। इत हायःती सबै ङ्‌हाम्ओलम्‌कायः पेतो छेङःकलःसाकायः बयःपानाः।

१ कोरीन्‍थी 6:12

यात्‌चाक् “ङाइ दोह् खेःयामा हायःसालेः दोःनाङः” त दाय्‍ह्‌ती नोःचै। माःसापाय् माः खेःतो यात्‌नीस् काम् हायःसाखे नीङ्‌कायः पेलेःनाः अरुखे पेल। माः रैस ङाइ दोह् खेःयामा जाङ्‌ह्‌सा दोःङोतो ओउःत हायःओ ङाइ सोलःती फेसा खाय्‌माःत मुनाः त खेःया “ओउःत हायःसा स्‍याव्‌ल” त दाय्‍ह्‌नाङः।

१ कोरीन्‍थी 8:1

द्यव्‌ताकायः ल्‍हाओ जेःगाकोः कुरा ङाइ द्याह् तोनेःनाङ्‌स। “ङीइ सबैपाय् व्‍हाय्ओ ल्‍हुङ् दोःआतय्‍ही” त चीःनाःतय्‍ह्‌नी। एत चीःसापाय् चीःनाःतय्‍ही ओउःत चीःओ मान्‍ताखेइ लयःकायःलेः ताङ्‌ह्‌ताक्‌सा बोङःनानी। राप्ओ ल्‍हुङ् नाःओ मान्‍ताखेइ अरुकायःलेः पेतो स्‍याव्‌ताक्‌नानी।

१ कोरीन्‍थी 8:9

एतलेः नीङ्इ चीःती दोह् खेःयामा सोकार्‌तोलेः जेःसा खाय्‌तेःनीतो ती नीङ्‌कःहाङः अरु पेतो चीःधाङ्‌मालो मान्‍तालम् मुनै त झ्‍यान्‍ते ओउःमयःकायः ल्‍हुङ् ब्रःतेःताक्‌तेःचानी।

२ कोरीन्‍थी 12:19

ङी एत तोतीलेः लयःकायः त्‍याङ्‌नाःइसी त म्‍हर्‌तेःनै यादो। खेःल ङीइ ख्रीस्‌कोः काम् जाङ्‌ह्‌ती परमेस्‍वर्‌कोः मीक्‌हाङः नोःनाङी। सबै कुरा नीङ् राप्ओलम्‌कायः पेतो स्‍याव्‌ताक्‌साकायः जाङ्‌ह्‌नेःनाङ्‌स।

एफेसस् 4:29

नोःओ बेलाहाङः पेमालो खह्र्ओ कुरा नोःलाम् लुङ्‌ती छेङःकलःती पेताक्‌सा कुरा ह नोःन।

१ थेसलोनिकि 5:11

ओउःत चीःती लयःमयः लुङ्‌काय्‌धै लव्‍ह्‌काय्‌धै मुन। नीङ्इ द्याह् लेखालेः ओउःत हायःनु दा।

१ तीमोथी 1:4

फेरी ओउःमयःकोः आय्‌कानः तोकानःलम्‌सै दोःओ आह्रे ल्‍हाक्‌राय् कुरालम्‌मा आन होह्र्कोः कुराकायःमा “इत स्‍यान्ओ फेनु दा” तमा तोसा खेःतेःनाः। ओउः कुरापाय् परमेस्‍वर्‌कोः काम् पेतो स्‍याव्‌ताक्उलु स्‍यान्आक्‌तीको काय्‌काय्ओ ह वाङ्आनाः। परमेस्‍वर्‌कोः कुरा ङ्‌हाम्आक्‌तीको ह ओउःकोः काम् मान्‍ताइ पेतो स्‍याव्‌ताक्‌सा खाय्‌नानी बा।