१ कोरीन्‍थी 10:17 - चेपाङ

¹⁷ यात्‌केरः लाङ्‌मा ङी नाःतोलम्‌कायः सबै थोप्‌नाःतय्‍ही ओउःत खेःओ ङी यातैज्‍योः आङ्‌लो लेखा मुनाःतय्‍ही।

१ कोरीन्‍थी 10:17 ပူးပေါင်းရင်းမြစ်များ

रोमी 12:5

ओउःतलेः ङी ङ्‌हाम्ओलम्‌पाय् नाःतोलेः मुसापाय् मुनाःतय्‍ही। ख्रीस्‌कोः क्रुत् दोम्‌लो लेखालेः ङी यातैज्‍योः ख्रीस्‌कोः आङ्‌हाङः मुनाःतय्‍ही लयःमयःकुस् ब्राङ्‌तीलेः मुनाःतय्‍ही।

१ कोरीन्‍थी 10:21

प्रभुकोः तुङ्‌गामा लान्‌कोः तुङ्‌गामा नीस्‌ज्‍योः तुङ्‌सा खाय्‌तेःनीली। फेरी प्रभुकोः जेःगामा लान्‌कोः जेःगामा ओउः नीसैज्‍योः जेःसा खाय्‌तेःनीली।

१ कोरीन्‍थी 12:12

यातैज्‍योः आङ्‌हाङः नाःतो मुनाः तालाङ् मीक् नो क्रुत् दोम् सबै यातैज्‍योः आङ्‌हाङः मुनाः ओउःलो लेखा ख्रीस्‌लेः खेःनाः।

एफेसस् 3:6

ओउः कुरापाय् इलेःआः। ख्रीस्‌कोः पेओ समचार्‌ ङ्‌हाम्आकानी त खेःया यहुदी खेःमालोलम् यहुदीलम्‌कुस् ब्राङ्‌ती यातैज्‍योः आङ्‌लो लेखा स्‍याव्‌ती येसु ख्रीस्‌कोः तोती गम्ओ पेओ कुरापाय् सबैलेः दोःआनै।

एफेसस् 4:16

ङी ङ्‌हाम्ओलम्‌खेपाय् आङ्‌लो लेखालेः मुनाःतय्‍ही। आङ्‌हाङः सबै क्रुत्‌लम् दोम्‌लम् तालाङ् यातैज्‍याङ् द्योप्‌काय्‌तीलेः मुनाः। ओउःत खेःओ ङी सबै यातैज्‍योः स्‍याव्‌ती लयःमयः राप्‌काय्‌ती काम् पेतो जाङ्‌ह्‌ती ताङ्‌ह्‌तोलेः स्‍याव्‌नाःतय्‍ही।

एफेसस् 4:25

ओउःत झ्‍यान्‍ते माःओ कुरा फेती लयःमयःकुस् दोङ् कुरा ह नोःकाय्‌न ङी सबैलेः ख्रीस्‌कोः आङ् स्‍याव्‌ती यातैज्‍योः मुनाःतय्‍ही।

एफेसस् 4:4

ख्रीस्‌कोः आङ्‌मा यातैज्‍योःलेः ओउःकोः ग्‍वालामःमा यातैज्‍योःलेः। नीङ्‌कायःपाय् परमेस्‍वर्‌इ यातैज्‍योः लोने दोःसा पेओ कुरा त्‍याक्‌सा थेङामा गोत्‌तेःआकाय्।

कोलसी 2:19

ओउः मान्‍तालम्‌पाय् सबै ङ्‌हाम्ओलम्‌सै पुःओ ख्रीस्‌कुस् ब्राङ्इली। मान्‍ताकोः आङ्‌पाय् तालाङ्‌कुस् द्योप्‌काय्‌ती मुओ ह आङ्‌मा तालाङ्‌मा सबै सोःलम्‌कुस्इ पेतोलेः ल्‍हेङःसा खाय्‌नौ। ओउःलो लेखालेः ङ्‌हाम्ओलम्‌मा ख्रीस्‌कुस् ब्राङ्‌तो मुओ ह परमेस्‍वर्‌इ सबै छेङःकलःताक्‌नाःथास।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

कोलसी 3:15

ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।