“ओउः तोहा परमेस्वर्कोः कुरा ङ्हाम्ओलम्कायः इतलेः लेखती स्यान्सा खेःतो ‘द्यव्ताकायः सात्ती बयःओ अह्र्सीःओ जेःगालम्मा वयःलम्मा वयः त्युत्आक्मालो मायःलम्मा जेःतेःचानी। फेरी ल्हास्या काम् जुगाङ् जाङ्ह्माःत मुन। इ कुरा जवती अरु मोसाइ बयःओ छ्यात् जवसा परल’ इतलेः स्यान्ती लेखती ल्होक्नी।
१ कोरीन्थी 10:14 - चेपाङ14 लौ ङाइ राप्ओ हौचोङ् पुःचोङ्य द्यव्ता मुर्तीलम्कायः स्यवओ काम् फेनु दा। အခန်းကိုကြည့်ပါ။ |
१ कोरीन्थी 10:14
21 ပူးပေါင်းရင်းမြစ်များ
लौ पुःचोङ् हौचोङ्य सुकायःमा पेमालो काम् न्युम्ह्ताक्साकायः द्यान्ह्तीतेः जाङ्ह्चानी। नीङ्खे ओउःत हायःसा स्याव्ल पेमालो जाङ्ह्ओलम्कायः परमेस्वर्इलेः ल्हुङ् मल्ह्ती लयःइ न्युम्ह्ताक्नाःथास। “लौ ओउःत पेमालो काम् द्यान्ह्ती पाय्क्साकायः ङाकोः काम् लेःआः ङाइलेः न्युम्ह्ताक्नाङःसु” त दाय्ह्ती प्रभु परमेस्वर्इ दाय्ह्ओ ओउःकोः आखरःहाङः लेखती मुनाः।
लौ ङीकुस् काम् जाङ्ह्ओ आन राप्ओ साथी फीलेमोन्य नाङ्कायःमा ङीकोः ख्रीस्कायः ङ्हाम्ओ हौद्याङ् अफीयामा ङीकुस् काम् जाङ्ह्ओ आर्खीपस्मा नाङ्कोः कीम्हाङः थनःती वाङ्ओ ङ्हाम्ओलम्कायःमा इ चेती ङा पावुल्इ येसु ख्रीस्कोः काम् जाङ्ह्साकायः थुनती मुओहाङः लेखती ल्होक्नेःनाङ्स। इ चेती ङीकोः ख्रीस्कायः ङ्हाम्ओ हौ तीमोथीइमा लेखती ल्होक्तेःनाः।
ओउःतमा चीःलेःनाङ्तो नाङ्कायः यात्नीस् कुराकायः ग्ल्यानःती जान्सा खेःतो। नीङ्कःहाङः बालाम्कोः स्यान्राय् ग्याती सायःओलम् मुनै। बालाम् त तोओपाय् यात्चाक् बालाक्त तोओकःताङ् वाङ्ती “लौ इस्राएलीलम्कायःपाय् मुर्तीकायः ल्हाओ जेःगा जेःसामा ल्हास्या काम् जाङ्ह्साकायःमा थ्योन्ह्ती जाङ्ह्ताक्उसु दा” त दाय्ह्ती बालाम्इ ओउःकायः स्यान्आकान्।
ओउःमयःखे ओउःतलेः स्याव्नै सुसुखे परमेस्वर्कोः काम् जाङ्ह्साकायः रैओ ल्हुङ् नाःओ मुलेःनै सुसुखे ङ्हाम्ओकायः फेओ मुनै सुसुखे आन क्रीसीःओ काम्लम् जाङ्ह्ओलेः मान्ता सात्ओलेः ल्हास्या काम् जाङ्ह्ओलेः मुनै सुसुखे झ्याओमा मुर्तीकायः मानओ काम् जाङ्ह्ओ लेःआः माःती तोओ लेःआः ओउःमयः सबै ओउः म्हेः ल्युङ्ओ गन्धक् नाःओ दुम्हान्हाङः न्युम्ह्तोलेः स्याव्नै ओउःत स्याव्ओलम्पाय् ‘फेरीलेः सीआ’ त तोओ लेःआः”
ကြော်ငြာတွေ