१ कोरीन्‍थी 10:11 - चेपाङ

¹¹ इ कुरालम्‌पाय् मान्‍ताकायः गानाक्‌ती स्‍यान्‌सा थेङालेः स्‍याव्आ। ओहाङःसै ङीइ पह्रती चीःताक्‌साकायः इ कुरालम् परमेस्‍वर्‌कोः आखरःहाङः लेखओ खेःतो दोह् हायःती दाय्‍ह्‌सा ङी ल्‍हाव्‍ह्‌दैबाङ्‌कोः द्युम्‌खेःओ बेलाहाङः दाह्‌खयःनाःतय्‍ही।

१ कोरीन्‍थी 10:11 ပူးပေါင်းရင်းမြစ်များ

मत्ती 13:39

ओउःमयःकायः सैतान्इ ल्‍हाव्‍ह्‌दैबाङ्‌हाङः गम्आकान्

मत्ती 13:40

ओहाङःसैको ओउः लोने वाङ्‌सा ल्‍हाव्‍ह्‌दैबाङ्‌कोः द्युम्ओ दीन्‌हाङः ओउः मान्‍ताकोः चोः त तोओइ परमेस्‍वर्‌कोः ल्‍होक्ओमयः ल्‍हाव्‍ह्‌दैबाङ्‌ताङ् ल्‍होक्‌नौ। ओउः ल्‍होक्ओमयःइ वाङ्‌ती रेव्ओलम्‌कायः पेमालो बन्‌लो लेखा त्‍युम्‍ह्‌ती म्‍हेःहाङः काती वाय्‌नाःथास

रोमी 13:11

ओउःत हायःसा खेःतो दोह् हायःती दाय्‍ह्‌सा ओउः वाङ्‌सा खेःओ बेला दाह्‌खेःआ एत नीङ्इ चीःतेःनानी। ओउः बेलाहाङः एनःती मुसा स्‍याव्‌ल म्र्याती मुसा खेःतो दोह् हायःती दाय्‍ह्‌सा ङीइ ङ्‌हा ङ्‌हाम्ओ बेलाहाङःसै ङी ख्रीस्‌कुस् आल्‌सा दीन्‌पाय् द्याङ्‌तो लेःआः।

रोमी 13:12

याह्‌दीङ्‌पाय् ज्‍याल्‌खेःआ न्‍याम्‌पाय् थोङ्‌खेःआ ओउःत खेःओ याह्‌दीङ्‌कोः पेमालो काम्‌लम् फेती न्‍हीदीङ्‌कायः थाङ्ओहाङः जाङ्‌ह्‌सा पेओ काम्‌लम् जाङ्‌ह्‌नी।

रोमी 15:4

ओहाङःसैको परमेस्‍वर्‌कोः आखरःहाङः लेखओ कुरापाय् सबै ङीकायः स्‍यान्‌सा थेङा उय्‍ह्‌लेहाङः लेखओ खेःतो। दोह् हायःती दाय्‍ह्‌सा ओउः कुरा पह्रती ङी ल्‍हुङ् ग्रमःत स्‍याव्‌ती ओउःकोः ताप्‌तो स्‍याव्‌सा दीन्‌कायः गुह्र्मामाःत आसती ल्‍युङ्‌ह्‌सा खाय्‌नाःतय्‍ह्‌नी।

रोमी 4:23

एत दाय्‍ह्ओ कुरापाय् आब्राहाम्‌कायः ह तोओ खेःल

१ कोरीन्‍थी 10:6

इ कुरापाय् ङीकायः स्‍यान्‌साकायः मुलेःनाः। ओउःमयःलो लेखालेः रेव्ओ चीस्‌लम् ल्‍हुङ्‌हाङः मोह्‌हाय्‌सा स्‍याव्‌ल त ङीकायः स्‍यान्‌नाःतय्‍ही

१ कोरीन्‍थी 7:29

लौ पुःचोङ् हौचोङ्‌य ङाइ तोओ कुरापाय् इलेःआः। द्याह्‌पाय् नाःतो दीन् मुधाङ्‌ल ओउःत खेःओ द्याह्‌हाङःसै बुधी नाःओ मान्‍तापाय् बुधी नाःमालो मान्‍तालो लेखा मुतेःपै।

१ कोरीन्‍थी 9:10

ङीकायः लेखओ लेःआः बा। ओहाङःसैको ओउः राङ् याव्ओ मान्‍ताइमा “लोने आम्‍ह् दोःलेःनाङः” त आसती म्‍हर्‌ती राङ् याव्‌पानी। फेरी ओउः सायः राःओ मान्‍ताइमा “लौ ङा द्याह् आम्‍ह् दोःआलाङः बा” त म्‍हर्‌ती आसती राःपानी।

गालाती 4:24

इ कुरापाय् ङीकायः स्‍यान्‌सा थेङा लेखती मुनाः। ओउःनीस् मोमःचोःपाय् परमेस्‍वर्‌कोः नीस्‌ज्‍योः बयःओ होम्‌काय्‌ती गम्ओ कुरालो लेखा मुनाःच। ओउः ऐन्‌कोः कुरापाय् सीनाय् त तोओ बुम्‌हाङः दोःओ खेःतो ओउःपाय् हगार्‌ त तोओ आमालो लेखालेः। हगार्‌कोः चोःलम् नोकरी खेःइतो।

फीलीपी 4:5

सबैकायः काङ्‌तोलेः नोःन। ङीकोः प्रभुपाय् देङीलेः वाङ्‌नाः।

हेब्रैनी 10:25

यात्‌नीस्‌चाक्इलेः अरु ङ्‌हाम्ओलम्‌कुस् हुम्‌ती थनःसाकायः फेआकानी ओउःमयःलो लेखालेः हायःलाम् ओहाङःसैको प्रभु वाङ्‌सा खेःओ दीन् द्याङ्‌तो दाह्‌ती वाङ्‌खेःओहाङः न्‍हाङ्‌तोलेः “हुम्‌लाङ् आल्इ” त दाय्‍ह्‌ती लव्‍ह्‌काय्‌ती तोकाय्‌न।

हेब्रैनी 10:37

“लौ ओउः वाङ्‌सा खेःओ चाक्‌पाय् देङेलेः वाङ्‌नाः ओउःपाय् वाङ्‌साकायः भेक्‌ल।

१ युहना 2:18

लौ हौलम्‌य ल्‍हाव्‍ह्‌दैबाङ्‌कोः पुत्ओ दीन्‌लम् दाह्‌खयःनाः। “ख्रीस्‌कोः बीरोत् वाङ्‌नाः” त तोओ सायःतेःआकानी। द्याह्‌पाय् ख्रीस्‌कोः बीरोत्‌लम् नाःतोलेः वाङ्आकाय् ओउःत झ्‍यान्‍ते ओउः ल्‍हाव्‍ह्‌दैबाङ्‌कोः लोन्‌दोकोः दीन् “वाङ्‌खयःआ” त चीःनाःतय्‍ह्‌नी।