१ कोरीन्थी 1:23 - चेपाङ23 ओउः कुराखे खेःल “येसु ख्रीस्पाय् ङीकायः क्ल्याय्ओ सीङःहाङः सीआ” त दाय्ह्ओ कुराखे ङीइ थोल्ह्ती तोनाङःसु। एत तोओ कुराकः यहुदीलम्खे सायःसा झाक्इली एलेनीलम्खे “इपाय् भ्यामःओ कुरालेः” त म्हर्नै। အခန်းကိုကြည့်ပါ။ |
१ कोरीन्थी 1:23
22 ပူးပေါင်းရင်းမြစ်များ
ओहाङःसैको ओउःनीस्कायः सीमीयोन्इ आसीक् बयःती “लौ लोन्ते इ नाङ्कोः चोःइ स्यान्ती तोओ कुरा नाःतो इस्राएली मान्तालम्खेइ ओउः कुरा ङ्हाम्माःत झ्यान्ते सीती वाय्लेःनै अरुलम्खे ओउःकोः कुरा ङ्हाम्ती झ्यान्ते पेओ रौ जीङः दोःनै। ओउःकोः कुरा सायःतोक्हाङः मान्ताकोः ल्हुङ्तुक् पेनाःया पेलया त छ्यानःओलेः स्याव्नाः। माः रैस लोन्ते नाङ्कोः लयःकोः ल्हुङ्पाय् आन लीह्तोतेः स्याव्तेःनाः” त दाय्ह्ती सीमीयोन्इ मरीयम्कायः तोआथै।
दोह् हायःती दाय्ह्सा सीती वाय्सा खेःओ मान्तालम्खे ख्रीस्पाय् ङीकायः क्ल्याय्ओ सीङःहाङः सीओ कुरापाय् सायःसा ग्याइली “भ्यामःती नोःओ कुरा लेःआः” त दाय्ह्ती नोःनानी। ङी ख्रीस्इ दल्ताक्ओ मान्तालम्खेइ ओउः कुरा सायःती “लौ इपाय् परमेस्वर्कोः दल्ताक्सा कुरा लेःआः” त दाय्ह्ती ग्याती तोनाःतय्ह्नी।
लयःकोः म्हुक्ओ ल्हुङ्इ ह मान्ताइ परमेस्वर्कायः तय्ह्सा खाय्नीली दोह् हायःती दाय्ह्सा परमेस्वर् पेतो चीःती लयः झाक्ती झ्यान्ते दोह् थोल्ह्ती कुरालो ङ्हाम्सा ग्यामालोलम्खेइ “भ्यामःती नोःओ” त तोनानी ओउः कुराकायःलेः ग्याती ङ्हाम्आक्तीको ओउः ङ्हाम्ओ मान्तालम्खे दल्तो स्याव्नै।
ओउःमयःखेइ ओउःतलेः लयःकायः ताङ्ह्ताक्सा बोङःनीतो ङाखे “ङीकोः प्रभु येसु ख्रीस्लेः ङीकायः दल्ताक्सा थेङा क्ल्याय्ओ सीङःहाङः सीओआः” त दाय्ह्ओ कुरा ह ताङ्ह्ताक्तीलेः तोसा झाक्नाङः। ओउः ख्रीस्पाय् सीआ त दाय्ह्ओ कुराखे चीःती ल्हाव्ह्दैबाङ्कोः कुराखे ङा द्याह् दोह्तमा म्हर्ङल ओउः कुरासै पेङ्कलःती वेङःआलाङःस।
ङीकायः स्यालःओ येसुकायः जुःतीलेः योनी। ङीइ ङ्हाम्ओकायः येसुइ स्यालःमानाःतय्ही ताप्माताक्नाःतय्ही। ओउःपाय् “लोने पेओ चोङाय्ओ बेला वाङ्नाः” त म्हर्ती ओउः क्ल्याय्ओ सीङःहाङः आन लीह्सीःओ गोरःती लयःकायः दोह्तमा म्हर्माःत अरुकोः मीक्हाङः “मीतो स्याव्पाङः” त म्हर्ती सीलेःआ। द्याह् ओउःपाय् परमेस्वर्कोः गुल्ह्दाङ् स्याव्ती ओउःकोः ङोय्दोसै राजा च्युङःसा थाव्हाङः मुलेःनाः।
ကြော်ငြာတွေ