१ कोरीन्‍थी 1:12 - चेपाङ

¹² नीङ्‌कःहाङः यात्‌नीस्‌चाक्‌खे “ङापाय् पावुल्‌कोः मान्‍ता लेःआः ङ” त नोःताङःतेःनै अरुखे “ङापाय् आपोलस्‌कोः मान्‍तालेः” अरुखे “ङापाय् पत्रुस्‌कोःलेः” अरुखे “ङापाय् ख्रीस्‌कोः लेःआः ङ” त दाय्‍ह्‌ती नोःताङःकाय्‌तेःनै।

१ कोरीन्‍थी 1:12 ပူးပေါင်းရင်းမြစ်များ

मत्ती 23:8

नीङ्‌खेइपाय् अरुलम्इ नीङ्‌कायः ‘गुरुय’ त तोसा ताक्‌तेःचानी यात्‌चाक् ह नीङ्‌कोः गुरु स्‍याव्‌नाः बा अरु मान्‍तालम् नीङ्‌कोः पुःचोङ्‌लेः स्‍याव्‌नै।

युहना 1:42

वानःआक्‌तीको येसुइ ओउःकायः योती “लौ नाङ्‌पाय् सीमोन् त मय्‍ङ्ओतेःआः युहना त तोओकोः चोःपाय्। द्याह्‌हाङःसै नाङ्‌कायः ‘केफास्’ त मय्‍ङ्‌तेःपाः” त दाय्‍ह्‌ती येसुइ तोआकान्। “केफास्” त तोओकोः माने “बाङ् लेःआः” एलेनीकोः भासाहाङः “पत्रुस्” त तोओ मुनाः।

खबरदुत 18:24

ओहाङःसैको यात्‌चाक् आलेक्‍जान्‍द्रीया सहर्‌सै वाङ्ओ आपोलस् त तोओ मान्‍ता एफेसस्‌ताङ् दाह्आ। ओउः आपोलस् त तोओइ परमेस्‍वर्‌कोः आखरःकोः कुरा आन चीःती व्‍हाय्‌ती तोओ मान्‍ता खेःतो।

खबरदुत 19:1

आपोलस् त तोओखे कोरीन्‍थहाङः मुतोक्‌हाङः पावुल्‌खे उत्तर्‌ताङ् मुओ जील्‍लाहाङः वाह्‌दा वाह्‌दा लोन्‍ते एफेसस् त तोओ सहर्‌ताङ् दाह्आ। एफेसस् सहर्‌ताङ् दाह्आक्‌तीको पावुल्इ यात्‌नीस् येसुकायः ङ्‌हाम्ओ मान्‍तालम्‌कायः क्रुस्आकान्।

१ कोरीन्‍थी 15:5

ओहाङःसैको च्‍योक्आक्‌तीको ख्रीस्‌पाय् ङ्‌हासै पत्रुस्‌कःताङ् थाआ लोने ओउः बारजन छ्युङ्‌ह्ओमयः सबैमयःकःताङ् थाआ।

१ कोरीन्‍थी 15:50

लौ पुःचोङ् हौचोङ्‌य “ल्‍हाव्‍ह्‌दैबाङ्‌कोः आङ् नाःओलम्‌पाय् परमेस्‍वर्‌कोः राजी पोक्‌सा दोःइली। वाय्‌सा खेःओ खाल्‌पाय् वाय्‌सा खाय्‌मालो खाल्‌कःहाङः मुसा दोःइली” एत ङाइ तोनेःनाङ्‌स।

१ कोरीन्‍थी 16:12

ङीकोः हौ आपोलस् त तोओकायःपाय् “लौ ङीकोः पुःचोङ् हौचोङ्‌कुस्इ कोरीन्‍थहाङः मुओ ङ्‌हाम्ओलम्‌कायः क्रुस्‌लाङ् आल्अ दा” त दाय्‍ह्ओ ओउःकायः तोझुङ्‌ङोतो “ङा आल्‌सा बेलाहाङः दाह्‌धाङ्‌ल” त त्‍याङ्‌नाः। ओउःतलेः त्‍याङ्‌तो लोने क्रोःओ बेलाहाङः ओउःपाय् नीङ्‌कःताङ् वाङ्आनाः।

१ कोरीन्‍थी 4:6

इ ङाकोः कुरामा आपोलस्‌कोः कुरामा तोती नीङ्‌कायः स्‍यान्‌साकायः लेखनेःनाङ्‌स। ओहाङःसैको लेखओ कुरापाय् ग्‍याती जाङ्‌ह्‌सा खेःतो ओउःसै जाङ्‌ह्‌तेःचानी। यात्‌चाक्‌खेकायः “अरुसै ताङ्‌ह्ओ लेःआः” अरु यात्‌चाक्‌खेकायः “अरुसै मीओ लेःआः” त म्‍हर्‌तेःचनै।

१ कोरीन्‍थी 7:29

लौ पुःचोङ् हौचोङ्‌य ङाइ तोओ कुरापाय् इलेःआः। द्याह्‌पाय् नाःतो दीन् मुधाङ्‌ल ओउःत खेःओ द्याह्‌हाङःसै बुधी नाःओ मान्‍तापाय् बुधी नाःमालो मान्‍तालो लेखा मुतेःपै।

१ कोरीन्‍थी 9:5

ङाइ अरु ख्रीस्इ छ्युङ्‌ह्‌ती ल्‍होक्ओमयःलो लेखा ङ्‌हाम्ओ मोमःचोः वानःसा दोःनाङः माःर। प्रभु येसुकोः हौचोङ्इमा पत्रुस्इमा ओउःत हायःनानी बा।

२ कोरीन्‍थी 10:7

मान्‍ताकोः दोङ् ल्‍हुङ्‌कोः कुरा नीङ्इ योतेःनीली बाहीरकोः कुरा ह योतेःनानी। सुलो “लौ ङा ख्रीस्‌कोः मान्‍तालेः खेःनाङः” त दाय्‍ह्‌ती ताःतेःआकायःइसी ओउः मान्‍तालेः ङीकायःमा “लौ ङालो लेखा पावुल्‌लम्‌मा ख्रीस्‌कोः मान्‍तालम् लेःआः इ” त चीःसा खेःतो।

२ कोरीन्‍थी 9:6

यात्‌ज्‍योः कुरा मुनाः “सुसुखेइ ब्र्यय्‌तोलेः वार्‌नौ ओउःइपाय् ब्र्यय्‌तोजम्‌लेः सायःलम् त्‍युम्‍ह्‌नौ सुसुखे दुन्‍ह्‌तोलेः वार्‌नौ ओउःइपाय् दुन्‍ह्‌तोच्‍युक्‌लेः सायःलम् त्‍युम्‍ह्‌नौ” त तोओलेः मुनाः।

गालाती 2:9

परमेस्‍वर्‌इ ङाकायः एत हायःआताङः त चीःती याकुब् पत्रुस् युहना ओउः सुम्‌चाक् ताङ्‌ह्ओ त तोओलम्इ ङाकायःमा बर्‌नाबास्‌कायःमा नीची नीस्‌चाक्‌कुस् क्रुत् थ्‍योक्‌ती ब्राङ्‌काय्आलाङी। नीचीखेकायः यहुदी खेःमालोलम्‌कःताङ् आल्‌सा ल्‍होक्आताङःच ओउःमयःखे यहुदीलम्‌कःताङ् काम् जाङ्‌ह्‌लाङ् मुआकाय्

गालाती 3:17

ओउः परमेस्‍वर्‌इ ख्रीस्‌कायः तोती गम्ओ कुराकायःपाय् ओउः अरु चार्‌सै तीस्‌बर्‌स लोने वाङ्ओ ऐन्‌कोः कुराइ म्‍हीत्‌ती वाय्‌सा खाय्उलु।