१ कोरीन्थी 1:10 - चेपाङ10-11 लौ ङाकोः पुःचोङ् हौचोङ्य नीङ्कायः “यातैज्याङ् ल्हुङ्तुक् मुइली” त दाय्ह्ती क्लोएकोः कीम्कोः मान्तालम्इ ल्हाक्ती तोआताङः। ओउःत झ्यान्ते ङाइ येसु ख्रीस्इ बयःओ हुकुम्पाय् द्याह् तोनेःनाङ्स “लयःमयःकुस् काय्काय्माःत ल्हुङ् ब्राङ्तो स्याव्ती यातैज्याङ् ल्हुङ्तुक्हाङः नोःती वाह्न दा” အခန်းကိုကြည့်ပါ။ |
१ कोरीन्थी 1:10
44 ပူးပေါင်းရင်းမြစ်များ
ङा ओउःमयःकुस् ब्राङ्तीमा मुनाङी नाङ् ङाकुस् ब्राङ्तीमा मुनाःतय्ह्च ओउःत झ्यान्ते ओउःमयः जुगाङ् यातै ल्हुङ् स्याव्पै। ओहाङःसैको एत च्यवःती ङाकायःपाय् ‘परमेस्वर्इ ल्होक्ओआः’ त ल्हाव्ह्दैबाङ्कोः मान्तालम्इ चीःनानी। फेरी नाङ्इ ङाकायः राप्ओलो लेखालेः ‘ओउःमयःकायः परमेस्वर्इ राप्नाःथास’ तमा चीःनानी।
एत सायःआक्तीको “लौ ओउः मान्तापाय् परमेस्वर्कोः धोओ दीन् जवउलु ओउःपाय् परमेस्वर्कःसै खेःल बा” त यात्नीस् फरीसीलम्खे दाय्ह्आकाय् “ओउःत खेःया गत हायःती ओउःलो लेखा रेव्तो जाङ्ह्ओ मान्तापाय् इत ग्याङ्ह्सीःओ काम् जाङ्ह्सा खाय्चौ” त अरु दाय्ह्ती ओउः फरीसीलम् ब्राङ्काय्ती नोःकाय्सा खाय्नीली।
लौ उया पुःचोङ् हौचोङ्य परमेस्वर्इ ङीकायः एतलेः योनःती योआतय्ही ओउःत झ्यान्ते ओउःकायः म्रोताक्साकायः रेव्ओसै छय्ङ्ती पेङ्कलःतो स्याव्ती ओउःकोः काम् जाङ्ह्सा थेङा परमेस्वर्कायः लयःकोः आङ्मा ल्हुङ्मा जुदालेः ल्हाइसी एतलेः तेती तोनेःनाङ्स। ओउःत हायःसापाय् परमेस्वर्कायः दोङ् पेओ मानसा लेःआः बा।
ओहाङःसैको दोह् खेःयाकायःमा ख्रीस्कोः पेओ समचार् ङ्हाम्ओलम्लो लेखा वाह्न। ओउःत हायःती नाङ्कायः ङाइ क्रुस्नेःनाङ्सया क्रुस्नेःनाङ्सलया “ओउःमयःइ यातैज्याङ् ल्हुङ् ग्रमःत मुती ब्राङ्तोलेः स्याव्ती ओउः पेओ समचार्कोः काम्पाय् त्युस्तीलेः जाङ्ह्नानी” त दाय्ह्ती नीङ्कायः नोःओ सायःपाङः।
ကြော်ငြာတွေ