तीतुस 3:9 - चम्बयाली नौआ नियम

⁹ पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।

तीतुस 3:9 ပူးပေါင်းရင်းမြစ်များ

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

1 कुरुन्थियों 8:1

तुसा अपणी चीठ्ठी बिच मेरे का मूर्तां जो भेंट चढ़ाए री रोट्टी रे बारे बिच पूच्छेया थिया। असा सारे ही इस मामले रे बारे बिच थोड़ा-मता जाणदे। पर ज्ञान असा जो घमंडी बणाई दिंदा, जदकी प्यार असा जो बाकि लोक्कां तांइ मददगार बणाई दिंदा।

1 तीमुथियुस 4:7

पर नासमझी री मनघड़ंत कहाणिया बिच समय मत बर्बाद जिस कने परमेश्वर जो आदरमान नी मिलदा पर तुसा जो अप्पु जो ईश्वरीय जिन्दगी जीणा सिखाणा चाएदा।

2 तीमुथियुस 2:14

विश्वासियां जो लगातार इन्हा गल्लां री शिक्षा दे, ते प्रभु जो गवाह मन्नी करी तिन्हा लोक्कां जो चिताइ दे कि से शब्दां रे मतलबां पर बैह्सबाजी ना करेया करण जिस कने कोई फायदा नी हुंदा, बल्कि तिन्हा जो सुनणे के विश्वासियां रे विश्वास कमजोर होई जांदा।

2 तीमुथियुस 2:16

पर अभक्त ते खोखली चीजां रे बारे बिच गल्ल-बात करणे का टलो, किजोकी जे मणू इदेइ अभक्ति वाली चीजां री गल्ल-बात करणे शामिल हुंदे से अप्पु भी अभक्त बणी जांदे।

2 तीमुथियुस 2:23

पर बेकार री गल्लां रे बारे बिच बैह्सबाजी करणे का दुर रेयो, किजोकी तू जाणदा तिन्हेरा नतीज्जा सिर्फ लड़ाई-झगड़ा ही हुंदा।

तीतुस 1:14

यहूदियां री तिन्हा बेकार री कहाणियां ते इन्सानी हुकमां पर कोई ध्यान मत देयो। ए सारी तिन्हा गल्लां लोक्कां मन री घड़े री गल्लां जे सच्चाई जो नी मनदे।

याकूब 4:1

तुसा बिच लड़ाई-झगड़े सिर्फ तिन्हा एशो-अराम री वजह कने आई गेरे हिन जे तुसा रे बिच लड़दे-भिड़दे रैहन्दे।