तीतुस 3:15 - चम्बयाली नौआ नियम

¹⁵ जे विश्वासी मणू मेरे कने इत्ते हिन से तुसा जो नमस्ते बोलदे। क्रेते टापू बिच जे असा जो प्यार करणे वाले संगी विश्वासी हिन तिन्हा जो असा रा नमस्ते बोल्लो। मैं प्रार्थना करदा कि परमेश्वर तुसा सारे जणेया पर अनुग्रह करण।

तीतुस 3:15 ပူးပေါင်းရင်းမြစ်များ

मत्ती 5:47

जे तुसा सिर्फ अपणे भ्यालां जो ही नमस्ते करदे, तां कुण जदेया कोई बड्ड़ा कम्म करदे? कै गैर यहूदी रे मणू भी इय्यां ही नी करदे?

प्रेरितां रे कम्म 20:34

तुसा जो अप्पु ही पता है कि इन्हा ही हत्थां ने मेरी ते मेरे साथियां री जरुरतां पूरी कित्ती

1 कुरुन्थियों 16:23

प्रभु यीशु रा अनुग्रह तुसा पर हुंदा रे।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

कुलुस्सियों 4:18

मैं पौलुस, चीठ्ठी रे इस हिस्से जो अपणे हत्थ कने लिख्खी करी तुसा जो नमस्ते भेज्जेया करदा है। याद रख्खेयो कि मैं कैद बिच है, ते मेरे तांइ प्रार्थना करदे रेयो। तुसा पर परमेश्वर रा अनुग्रह बणे रे। आमीन।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

2 तीमुथियुस 4:22

मैं प्रार्थना करदा कि परमेश्वर तुसा कने रे ते तिन्हेरा अनुग्रह भी तुसा पर हुंदा रे।

फिलेमोन 1:5

किजोकी मैं मसीह यीशु बिच तुसा रे विश्वास ते परमेश्वर रे सारे लोक्कां तांइ तुसा रे प्यार रे बारे बिच सुणे रा है।

इब्रानियों 13:25

तुसा सारे लोक्कां पर परमेश्वर रा अनुग्रह बणेया रे।

3 यूहन्ना 1:1

मैं यूहन्ना, जे कलीसिया रा बुजुर्ग है, अपणे प्यारे दोस्त गयुस जो ए चीठ्ठी लिख्खेया करदा है, जिस कने मैं सच्चा प्यार करदा।