तीतुस 3:13 - चम्बयाली नौआ नियम

¹³ जां जेनास नां रे शास्त्रियां ते दुआ मणू अप्पुल्लोस ने अपणे सफर पर निकलणा तां तुसा जे किच्‍छ भी तिन्हेरी मदद तांइ करी सकदे से करेयो। ते इस गल्ल रा ध्यान रख्खेयो कि तिन्हा का से सब किच्‍छ हो जिसेरी तिन्हा जो सफर बिच जरुरत पेई सकदी।

तीतुस 3:13 ပူးပေါင်းရင်းမြစ်များ

मत्ती 22:35

तिन्हा बिच का इक्क शास्त्री लोक्कां ने तिन्हा जो परखणे तांइ तिन्हेरे जो पूच्छेया,

लूका 10:25

फिरी इक्क दिन जां यीशु लोक्कां जो सिखाया करदे थिये, तां शास्त्री लोक्कां बिच का इक्क जणा उठी करी यीशु जो परखणे तांइ सुआल पूच्छणा लग्गेया, कि ओ गुरु जी, मेरे जो कै करणा चह्ईंदा कि मेरे जो हमेसा री जिन्दगी मिल्ली जाओ?

लूका 11:45

तां कुसकी शास्त्री लोक्कां ने तिन्हा जो जवाब दित्तेया, कि ओ गुरु जी, इदेय गल्लां बोल्ली करी तुसा असा री भी बेजती करेया करदे हिन

लूका 11:52

तुसा शास्त्रियों पर लाणत है! किजोकी तुसा ने समजदारी री मती सारी गल्लां सिख्खी तां लेईयाँ, पर अप्पु तिन्हा गल्लां पर नी चले ते जे चलणे री कोसीस करदे थिये तिन्हेरे भी रस्ते पर तुसा रुकावट बणे

लूका 14:3

यीशु ने फरीसियां ते शास्त्री लोक्कां का पूच्छेया, कि कै मूसा रे नियम रे हिसाब कने विश्राम दिन कुसकी मणू जो खरा करणा ठीक है कि नी?

लूका 7:30

पर फरीसियां अते शास्त्री लोक्कां ने परमेश्वर री मर्जी जो सच नी मन्नी करी यूहन्ना का बपतिस्मा लैणे का मना करी दित्ता थिया।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 18:24

तित्ते ही अपुल्लोस नां रा इक्क यहूदी मणू थिया जिसेरा जन्म सिकन्दरिया सहर बिच होया थिया से विद्वान मणू थिया से इफिसुस सहर बिच आया पवित्रशास्त्र रा तिसजो पूरा ज्ञान थिया

प्रेरितां रे कम्म 19:1

ते जां अपुल्लोस कुरिन्थुस सहर बिच थिया, तां पौलुस तिन्हा प्रदेशां रे उपराल्ले हिस्सेयां बिच सफर करदे-करदे इफिसुस सहर बिच आई पूज्जेया तित्ते तिसजो किच्‍छ चेल्‍ले मिल्ले।

प्रेरितां रे कम्म 21:5

जां से दिन पूरे होई गे, तां असी तित्ते का चली पे ते सबनां ने जनानियां अते निके-निक्केयां समेत असा जो सहर का बाह्र तांइ पूजाया ते असा ने कनारे पर जाह्न्नु रे भारे बेई करी प्रार्थना कित्ती

प्रेरितां रे कम्म 28:10

तिन्हा ने असा री बड़ा आदर कित्ता, ते त्रै महिन्ने बाद जिस बेल्ले असी चलणा लगे तां जे किच्‍छ भी असा तांइ जरुरी थिया, जहाज पर रख्खी दित्तेया।

रोमियों 15:24

इधेरे तांइ जिस बेल्ले मैं स्पेन देस जो जाणा, तां तुसा का हुंदे होए जांगा। किजोकी मेरे जो आस है कि तिस सफर बिच तुसा कने मैं मिली लेयां, ते तुसा री संगत रा आनंद लैणे का बाद, मैं चाह्‍ंदा तुसा मेरे जो अग्गे रे सफर तांइ मेरी थोड़ी मदद करी देयो।

1 कुरुन्थियों 16:11

इधेरे तांइ कोई भी तिसेरी बेज़ती ना करे, पर तिसजो सफर तांइ सारी जरुरी चीजां देई देयो किजोकी मैं तिसजो भालेया करदा है कि संगी विश्वासियां कने मेरे का आए।

1 कुरुन्थियों 16:12

ते संगी विश्वासी अपुल्लोस कने मैं बड़ी बिनती कित्ती कि से बाकि विश्वासियां कने तुसा का आये जे पैल्ले तुसा का आई बैठ्ठे रे हिन, पर तिन्हा ने अब्बे आणा नी चाएया, पर सही वक्त दिख्खी करी तिन्हा ने आई जाणा।