तीतुस 2:8 - चम्बयाली नौआ नियम

⁸ जां तू विश्वासियां जो सिखाए तां तू ठीक मकसद कने इस हिसाब कने सिखाए जिस कने मणू तेरी इज्जत करण। से ही सिखाओ जे सच है ते जिस पर कोई बहस ना करी सके ताकि तुसा रे दुश्मण शर्मिंदा होई जाण किजोकी तिन्हा का असा रे बारे बिच बोलणे तांइ किच्‍छ भी गलत नी होणा।

तीतुस 2:8 ပူးပေါင်းရင်းမြစ်များ

मरकुस 12:17

यीशु ने तिन्हा जो बोल्लेया, “तां जे सम्राट रा है, से सम्राट जो देयो ते जे परमेश्वर रा है से परमेश्वर जो देयो,” तां से मणू बड़े वरी हैरान होए।

मरकुस 12:28

शास्त्रि लोक्कां बिच का इक्क जणे ने आई करी तिन्हा जो बैह्स करदे सूणेया। से समजी गेया कि यीशु ने तिन्हा जो सही तरिक्के कने जवाब देई करी चुप्प कराई दित्ते रा है। तिन्हा का पूच्छणा लगेया, “सारेयां का खास हुकम कुण जणा है?”

मरकुस 12:32

शास्त्रि लोक्कां ने यीशु जो बोल्लेया, “ओ गुरु जी, बड़ी ठीक गल्ल है! तुसा ने सच बोल्लेया कि परमेश्वर इक्को ही हिन, ते तिन्हा जो छड्ड़ी, होर कोई परमेश्वर नी है।

मरकुस 12:34

जां यीशु ने दिख्खेया कि तिस मणू ने बड़ी समजदारी कने जवाब दित्तेया, तां तिन्हा ने बोल्लेया, “तू परमेश्वर रे राज का दुर नी है।” ते फिरी कुसकी जो भी यीशु का किच्‍छ भी पूच्छणे री हिम्मत नी पेई।

लूका 13:17

जां यीशु ने ए गल्लां बोल्ली, तां तिन्हेरे खिलाफ जिन्ने भी मणू थिये, तिन्हेरे मुँह बांद्द होई गे, ते बाकि सब-जह्णे तिन्हेरे इस महान कम्म का खुस होई गे।

2 थिस्सलुनीकियों 3:14

जे अगर कोई असा री इस चीठ्ठी बिच लिख्खे शिक्षा री गल्लां जो ना मन्ने तां सारेयां सामणे तिस मणू रा खुलासा करी देयो, ते इदेय विश्वासी का दुर रेयो ताकि इय्यां करणे कने तिसजो शर्मिंदगी महसूस हो।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 तीमुथियुस 6:3

जे अगर कोई मणू गलत शिक्षा सिखांदा ते मसीह यीशु री दित्ते री सही शिक्षा जो नी मनदा,

तीतुस 3:14

सिर्फ इन्ना ही नी पर तुसा जो विश्वासियां जो ए सिखाणे री जरुरत है कि से ठीक कम्म करणे तांइ मैहनत करणे बिच ध्यान लाण ताकि जरुरतमंद लोक्कां री जरुरतां जो पूरा करी सकण। इस कने विश्वासी लोक्कां जो इक्क ठीक मकसद कने जीणे बिच मदद मिलणी।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

1 पतरस 2:15

परमेश्वर चाह्‍ंदे कि तुसा भलाई रे कम्म करो ताकि तुसा तिन्हा मुर्ख लोक्कां जो अप्पु पर इल्जाम लाणे का रोक्की सको जे परमेश्वर जो नी जाणदे।

1 पतरस 3:16

हमेसा भलाई रे कम्म करणे तांइ तैयार रेयो, तिन्हा ने तुसा रे बदिया बोल-चाल जो दिख्खी करी शर्मिंदा होणा किजोकी तुसा मसीह रे मणू हिन।