तीतुस 2:5 - चम्बयाली नौआ नियम

⁵ ते अप्पु जो काबू बिच रखणे वाली, अपणे लाड़ेयां कने ईमानदार, ते घर री जिम्मेदारियां निभाणे वाली, ते अपणे-अपणे लाड़े रे अधीन रैह्णे वाली होण, ताकि परमेश्वर रे बसेख री बेजती ना हो।

तीतुस 2:5 ပူးပေါင်းရင်းမြစ်များ

प्रेरितां रे कम्म 9:36

याफा कस्बे बिच तबीता नां री यीशु री इक्क चेल्ली रैहन्दी थी, यूनानी भाषा बिच जिस जो दोरकास बोलदे। से बड़े भले रे कम्म रे दान पुन्य करदी रेह्न्दी थी।

प्रेरितां रे कम्म 9:39

तां पतरस उठी करी तिन्हेरे कने गेया ते जां से पूज्जेया तां से तिसजो तिस अटारी पर लेई गे सारी विधवा जनानियां आई करी तिसका खड़ी गई, ते जे कपड़े दोरकास ने तिन्हेरे कने रेई करी बणाए थिये से दिखाणा लग्गी

रोमियों 14:16

इधेरे तांइ, भले ही जे तुसा करेया करदे हिन तिसजो सही समजदे होण, पर जे अगर कोई तिसजो गलत समजदा हो, ता से कम्म मत करो।

रोमियों 2:24

जिय्यां कि पवित्रशास्त्र बिच लिख्खे रा भी है, “तुसां यहूदियां री वजह कने गैर यहूदी लोक्कां बिच परमेश्वर रे नां री बेजती कित्ती जांदी।”

1 कुरुन्थियों 11:3

पर मैं चाह्‍ंदा की तुसा ए जाणी लेयो की हर इक्क आदमी रा सिर मसीह यीशु ते जनानी रा सिर आदमी है कने मसीह यीशु रा सिर परमेश्वर।

1 कुरुन्थियों 14:34

किच्‍छ मणू मनदे कि जनानियां कलीसिया री सगंती बिच चुप रैह्ण, किजोकी तिन्हा जो गल्लां करणे री अनुमती नी है, तिन्हा जो अधीन रैह्णे रा हुकम मिल्ले रा है, जिय्यां कि पवित्रशास्त्र बिच लिख्खे रा भी है,

इफिसियों 5:33

ए ही गल्ल तुसा बिच का हर इक्क पर लागू हुंदी कि तुसा सारे अपणी लाड़ियां कने अपणे बराबर प्यार रख्खे, ते लाड़ी भी अपणे लाड़े री इज्जत करे।

कुलुस्सियों 3:18

ओ लाड़ियों, तुसा अपणे लाड़ेयां रे अधीन रेयो, किजोकी मसीह यीशु रे विश्वासियां तांइ ए ही करणा सही है।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

1 तीमुथियुस 6:1

जिन्ने भी विश्वासी मणू गुलाम हिन, तिन्हा जो अपणे मालिकां री पूरी तरिक्के कने हर गल्ल बिच इज्जत करणा चाएदी, ताकि गैर-विश्वासी मणू परमेश्वर री ते असा री सिखाए री शिक्षां री बेजती ना करे।

तीतुस 2:4

ताकि से जुआन जनानियां रे सामणे इक्क खरा उदारण बनण ते तिन्हा जो ए सिखाई सकण कि तिन्हा जो किय्यां अपणे-अपणे लाड़े ते बच्चेयां जो प्यार करणा चाएदा।