तीतुस 2:4 - चम्बयाली नौआ नियम

⁴ ताकि से जुआन जनानियां रे सामणे इक्क खरा उदारण बनण ते तिन्हा जो ए सिखाई सकण कि तिन्हा जो किय्यां अपणे-अपणे लाड़े ते बच्चेयां जो प्यार करणा चाएदा।

तीतुस 2:4 ပူးပေါင်းရင်းမြစ်များ

1 तीमुथियुस 5:11

पर जुआन विधवा जनानियां रे नां तिस सुची बिच मत लिखदा किजोकी जां तिन्हेरी शरीरी इच्छा तिन्हेरे मसीह री सेवा करणे री इच्छा का जादा बधी जांदी तां से फिरी ब्याह करी लिंदे।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 तीमुथियुस 5:2

बुजुर्ग जनानियां जो अपणी मां जदेया मन्नी करी तिन्हा जो सलाह देया करो ते जुआन कुड़ियां जो अपणी भैण मन्नी करी समजाया कर। ए सब किच्‍छ अपणे पूरे दिल कने करेया करो।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

तीतुस 2:5

ते अप्पु जो काबू बिच रखणे वाली, अपणे लाड़ेयां कने ईमानदार, ते घर री जिम्मेदारियां निभाणे वाली, ते अपणे-अपणे लाड़े रे अधीन रैह्णे वाली होण, ताकि परमेश्वर रे बसेख री बेजती ना हो।