तीतुस 2:3 - चम्बयाली नौआ नियम

³ इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

तीतुस 2:3 ပူးပေါင်းရင်းမြစ်များ

रोमियों 1:29

इस तांइ से हर तरह रे अधर्म, ते दुष्टता, ते लालच, ते नफरत कने भरी गे। ते जलन, ते खून, ते झगड़े, ते धोखा, ते हिर्स कने भरी गे, ते चुगलखोर,

रोमियों 16:2

तुसा पवित्र मणूआं जो तिसेरा प्रभु रे मणू रे रुप बिच तिसेरा स्वागत करणा चाएदा। ते जिस गल अन्दर तिसजो तुसा का कोई मदद री जरुरत हो, ता तिस गल्ल अन्दर तिसेरी मदद करो। किजोकी से मते लोक्कां पर, बल्कि मेरे पर भी मते उपकार कित्ते रे हिन।

इफिसियों 5:3

किजोकी तुसा परमेश्वर रे अपणे मणू हिन इधेरे तांइ तुसा बिच व्यभिचार ते कुसकी तरिक्के रे बुरे कम्म या लालच री गल्ल-बात भी ना हो।

1 तीमुथियुस 3:11

सेवादारां री लाड़ियां रा लोक्कां बिच खरा नां होणा चाएदा। से मणूआं पर इल्जाम लाणे वाली नी होणा चाएदी, पर तिन्हा जो चज्ज कने बर्ताव करणा चाएदा ते से पूरे तरिक्के कने भरोस्सेमंद होणा चाएदी।

1 तीमुथियुस 3:8

तिय्यां ही कलीसिया रे सेवादार मणूआं रा भी लोक्कां बिच खरा नां होणा चाएदा। से दोगली गल्लां करणे वाला, सराबी ते पैसे रा लालची नी होणा चाएदा,

1 तीमुथियुस 5:23

भविष्य बिच सिर्फ पाणी पीणे वाला ही मत बणदा पर अपणे पेट रे ते बार-बार बिमार होणे री वजह कने अंगूर रा रस्स भी कम्म बिच लाया कर

तीतुस 1:7

किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

तीतुस 2:4

ताकि से जुआन जनानियां रे सामणे इक्क खरा उदारण बनण ते तिन्हा जो ए सिखाई सकण कि तिन्हा जो किय्यां अपणे-अपणे लाड़े ते बच्चेयां जो प्यार करणा चाएदा।

इब्रानियों 5:12

हालाकी तुसा ने काफी लम्बे समय तिकर विश्वास ता कित्ता, ते तुसा जो अब्बे तिकर ता अपणे साथियां जो सिखाणे वाले भी बणी जाणा थिया, पर फिरी भी तुसा जो परमेश्वर रे बारे बिच असान गल्लां जो सिखणे बिच भी कुसकी री जरुरत पैंदी। तुसा री हालत ता कुसकी छोटे बच्चे सांई है, जिस जो दूद्द पुआणा पैंदा, किजोकी से हल्ले रोट्टी नी चबाई सकदा।

प्रकाशित वाक्य 2:20

मेरे जो तेरे खिलाफ ए बोलणा है कि पैल्ले जमान्ने राणी ईज़ेबेल जदेई इक्क जनानी तुसा बिच-मझाट्टे है। से अप्पु जो भविष्यद्वक्तिणी बोलदी पर मेरे विश्वासियां जो झूठ्ठी शिक्षां सिखांदी। से लोक्कां जो ए खोठ्ठी गल्लां सिखाई करी भटकांदी कि हमेसा तिकर जीणे तांइ मूर्तां जो भेंट चढ़ाए री चीजां खाओ।