तीतुस 2:15 - चम्बयाली नौआ नियम

¹⁵ तेरे जो विश्वासी लोक्कां जो गल्लां सिखाणी चाएदी ते तिन्हा जो ए मनणे तांइ प्रोत्साहित करणा चाएदा। जरुरत पैणे पर तेरे का तिन्हा जो सुधारणे रा भी हक है। कुसकी जो भी तेरी सिखाए री गल्लां जो बेकार ना समजे।

तीतुस 2:15 ပူးပေါင်းရင်းမြစ်များ

मत्ती 7:29

किजोकी से तिन्हा जो तिन्हेरे शास्त्रियां सांई नी बल्कि इक्क अफसरां सांई उपदेस थिये देया करदे।

मरकुस 1:22

ते मणू यीशु रे उपदेस कने हैरान होई गे किजोकी से उन्हा जो शास्त्रियां सांई नी, पर अधिकार कने उपदेस दिंदा थिया,

मरकुस 1:27

इस पर सारे मणू हैरान होई करी अपणे बिच बैह्स करणा लग्गी पे, “ए कै गल्ल? ए तां कोई नौआ उपदेस है! ओ अधिकार कने दुष्टात्मा जो भी हुकम दिंदा, ते से तिसेरा हुकम मनदी।”

लूका 4:36

ए दिख्खी करी सब हैरान होई गे ते से अप्पु-मिते बोलणा लगे, ए कदेह्या वचन है? किजोकी ए हक अते ताकत कने दुष्टात्मा जो हुकम देया करदे हिन ते से इन्हेरे बोलणे पर निकली भी जान्दी हिन

1 कुरुन्थियों 16:11

इधेरे तांइ कोई भी तिसेरी बेज़ती ना करे, पर तिसजो सफर तांइ सारी जरुरी चीजां देई देयो किजोकी मैं तिसजो भालेया करदा है कि संगी विश्वासियां कने मेरे का आए।

1 तीमुथियुस 5:20

जे मणू पाप करदे तिन्हा जो पूरी कलीसिया रे लोक्कां सामणे बको ताकि कलीसिया रे बाकि लोक्कां पर डर बणेया रे।

2 तीमुथियुस 4:2

कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।

तीतुस 1:13

क्रेते टापू पर रैह्णे वाले लोक्कां रे बारे बिच ए गल्लां सच हिन, इधेरे तांइ तिन्हा जो ठीक तरिक्के कने चितौणी देई करी समझा ताकि से मणू मसीह रे बारे बिच सच्ची शिक्षा पर विश्वास करण।

1 पतरस 4:11

उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!