तीतुस 2:11 - चम्बयाली नौआ नियम

¹¹ किजोकी परमेश्वर ने सारे लोक्कां जो छुटकारा दैणे तांइ इक्क रस्ता खोल्ली करी तिन्हा पर अनुग्रह कित्तेया।

तीतुस 2:11 ပူးပေါင်းရင်းမြစ်များ

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

मरकुस 16:15

ते यीशु ने तिन्हेरे जो बोल्लेया, “तुसां सारी दुनिया बिच जाई करी, सारी दुनिया रे लोक्कां जो सुब बसेख सुणाओ।

लूका 24:47

अते तिन्हेरा नां लेई करी यरुशलेम सहर अते देस-देस रे लोक्कां बिच पाप्पां का तौबा अते माफी पाणे रा सुब बसेख सुणाया जाणा।

लूका 3:6

अते सबणी मणूआं ने तिसजो दिख्खी लैण जिस जो परमेश्वर ने असा रे छुटकारा तांइ भेजणा।”

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:9

से सच्ची रौसनी जे सारे लोक्कां जो रौसनी दिंदी, से दुनिया बिच आणे वाली थी।

प्रेरितां रे कम्म 11:23

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो,

प्रेरितां रे कम्म 13:43

ते जां सभास्थल रे मणू उठी गे तां यहूदियां अते गैर-यहूदी भक्तां बिच का बड़े जणे पौलुस ते बरनबास ते पीच्छे चली पे, ते तिन्हा ने तिन्हा लोक्कां कने गल्लां करी के समजाया, कि परमेश्वर री अनुग्रह बिच बणी रेयो।

प्रेरितां रे कम्म 13:47

किजोकी प्रभु ने असा जो हुकम दित्तेया है, कि मैं तिज्जो गैर यहूदियां रे लोक्कां री लौ ठहराया है, ताकि तू दुनिया रे हर कुणे तांइ छुटकारा रे रस्ते रा जरिया हो।

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

रोमियों 10:18

पर मैं बोलदा कि इस्राएल रे लोक्कां ने मसीह रे बारे बिच बसेख सुणे रा ही है। जिय्यां कि पवित्रशास्त्र बिच लिख्खे रा है, “तिन्हेरा बसेख पूरी दुनिया बिच फैल्ली गेया, ते तिन्हेरा संदेश, दुनिया रे इक्क कुणे का दूज्जे का कुणे तिकर पूज्जी गेया।”

रोमियों 5:15

पर आदम रे पाप ते परमेश्वर रे अनुग्रह रे दान बिच बड़ा बड्डा फर्क है। किजोकी आदम रे पाप करणे री वजह कने मते लोक्कां बिच मौत फैल्ली गयी। पर तिसका जादा बधी करी मसीह यीशु रे जरिये मते लोक्कां जो परमेश्वर रा बड़ा अनुग्रह ते धार्मिकता रा दान मिल्लेया।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 2:21

मैं परमेश्वर रे अनुग्रह जो नक्कारी नी सकदा, किजोकी जे अगर मूसा रे कानूनां रे जरिए धार्मिकता मिल्ली सकदी तां मसीह यीशु री कुर्बानी री कोई जरुरत नी हुंदी।

इफिसियों 2:8

परमेश्वर ने तुसा जो अपणे अनुग्रह ते तुसा रे मसीह यीशु बिच विश्वास करणे री वजह कने छुटकारा दित्तेया। तुसा अप्पु छुटकारा नी पाया, पर ए परमेश्वर रा दान है।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

कुलुस्सियों 1:6

जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

1 तीमुथियुस 1:14

परमेश्वर ने लगातार मेरे पर भरपूर अनुग्रह कित्तेया, ते तिन्हा ने मेरे जो मसीह यीशु बिच विश्वास ते प्यार दित्तेया।

1 तीमुथियुस 2:4

परमेश्वर चाह्‍ंदे कि सारे मणू छुटकारा पाए ते सच्चाई जो जाणे।

2 तीमुथियुस 1:10

पर अवे, मसीह यीशु जे असा जो छुटकारा दिंदे से दुनिया बिच आए ते तिन्हा ने असा पर अपणा अनुग्रह कित्तेया। तिन्हा ने मौत री ताकत जो हराई दित्ते रा है, ते असा जो दस्सेया कि सुब बसेख रे जरिये हमेसा री जिन्दगी रा रस्ता मिलदा जित्ते असा ने हमेसा तांइ इक्क सरीर बिच वास करणा।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

इब्रानियों 12:15

ते चुकन्ने रेयो, कुते इय्यां ना हो कि कोई परमेश्वर रे अनुग्रह का अछुता रेई जाओ, ते तुसा तांइ इक्क मुसीबत री वजह बणी जाए। इदेया कोई भी मणू अप्पु ता परमेश्वर रे सच्चे रस्ते का दुर चली जांदा ते मते जणेया तांइ परमेश्वर री सच्चाई का भटकणे री वजह बणी सकदा।

इब्रानियों 2:9

पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।