तीतुस 1:7 - चम्बयाली नौआ नियम

⁷ किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

तीतुस 1:7 ပူးပေါင်းရင်းမြစ်များ

मत्ती 24:45

अते से भरोसेमदं ते समजदार दास कुण है, जिस जो मालक ने नौकरांं-चाकरां पर सरदार ठैहराया की ठीक-ठीक समय पर तिन्हेरे जो रोटी देय?

लूका 12:42

यीशु ने जवाब दित्तेया, इदेया विश्वास लायक अते समजदार मुंशी कुण है, जिसेरा मालक तिसजो तिसेरे घर री देखभाल ते तिन्हेरे नौक्करां जो रोट्टी दैणे री जिम्मेदारी देई सको?

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

तीतुस 1:5

मैं तेरे जो क्रेते टापू बिच इधेरे तांइ छड्डेया थिया ताकि तित्ते जे कम्म बाकि रेई गे रा है तिजसो तू पूरा करी दे ते तित्ते री हर कलीसिया तांइ बुजुर्ग चुणी लै जिय्यां कि मैं करणे तांइ बोल्लेया थिया।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

1 पतरस 4:10

हर इक्क जणे जो परमेश्वर का कोई वरदान मिल्ले रा है ते तिन्हा जो तिस वरदान रा इस्तेमाल दुज्जेया री सेवा करणे तांइ करणा चाएदा। तिन्हा जो तिस वरदान रा इस्तेमाल परमेश्वर रे सेवादार मणूआं री खात्तरदारी करणे तांइ भी करणा चाएदा।

1 पतरस 5:2

कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।

2 पतरस 2:10

परमेश्वर ने पक्के तौर पर तिन्हा झूठ्ठे शिक्षकां जो सजा दैणी जे मणू अपणी बुरी ते अश्लील इच्छां रे हिसाब कने चलदे ते परमेश्वर जो नक्कारदे। से मणू ढीठ ते घमंडी हिन। से मणू स्वर्ग बिच रैह्णे वाले महिमामय प्राणियां रे बारे बिच गलत गल्लां बोलणे का नी डरदे।