तीतुस 1:6 - चम्बयाली नौआ नियम

⁶ ते कलीसिया रा मुखिया होणे तांइ कुसकी भी मणू जो बेकसूर, इक्क ही लाड़ी वाला होणा चाएदा, तिसेरे बच्चे भी विश्वासी होणे चाएदे, ते तिसेरे बच्चे अय्याश ते हुकमां री ना-फरमानी करणे वाले नी होणा चाएदे।

तीतुस 1:6 ပူးပေါင်းရင်းမြစ်များ

लूका 1:5

जां यहूदियां प्रदेश बिच राजा हेरोदेस रा शासन थिया, तां तित्ते जकरयाह नां रा इक्क पुरोत्त थिया जे पुरोत्तां रे इक्क दल बिच का थिया, जिस दल रा नां अबिय्याह याजक रे नां पर पेया थिया, अते जकरयाह ते तिसेरी लाड़ी रा नां इलीशिबा थिया ते से दोन्नों इस्राएल रे सबका पैल्ले पुरोत्त, हारून रे ‍खानदान री थी।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

1 तीमुथियुस 3:12

सेवादार री इक्क लाड़ी होणा चाएदी ते से अपणे परिवार जो ठीक तरिक्के कने संभालणे ते तिन्हेरी देख-रेख करणे वाले होणे चाएदे।

तीतुस 1:10

मैं ए इधेरे तांइ बोल्लेया करदा है किजोकी मते मणू सही शिक्षा रे खिलाफ होई जांदे। ए से मणू हिन जे पुठ्ठी-सीद्दी गल्लां सिखाई करी लोक्कां जो भटकांदे। ए गल्लां खासतौर तिन्हा यहूदियां तांइ हिन जे विश्वासी बणी गेरे हिन। से मणू चाह्‍ंदे कि सारे मसीही मणू यहूदी नियमां जो मन्नेया करें, खासतौर पर खतना कराणे रे नियम जो।