तीतुस 1:3 - चम्बयाली नौआ नियम

³ ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।

तीतुस 1:3 ပူးပေါင်းရင်းမြစ်များ

मरकुस 1:15

ते बोल्लेया, “वक्त पूरा होई गेया, ते परमेश्वर रा राज नेड़े आई गे रा है तौबा करो ते सुब बसेख पर विश्वास करो।”

मरकुस 13:10

पर जरुरी है कि सुब बसेख पैल्ले दुनिया रे सारे देस रे लोक्कां अन्दर रा सूणाई दित्तेया जाए।

मरकुस 16:15

ते यीशु ने तिन्हेरे जो बोल्लेया, “तुसां सारी दुनिया बिच जाई करी, सारी दुनिया रे लोक्कां जो सुब बसेख सुणाओ।

लूका 1:47

अते मेरी आत्‍मा मेरे छुटकारा दैणे वाले परमेश्वर का बड़ी वरी खुस है,

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 17:26

तिन्हा ने इक्क ही मणू का सारे मणूआं री सबणी जातियां, सारी दुनिया पर रैह्णे वालेयां तांइ बणाए री है, ते तिन्हा ने ही मणूआं रा वक्त पक्का करी दित्तेया है ते तिस जगाह् री, जित्ते से रैहन्दे, तिसेरी सीमाये बन्नी दित्ती।

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

रोमियों 5:6

किजोकी जां असी कमजोर ही थिये, तां मसीह यीशु, परमेश्वर रे ठैहराए रे समय पर दुष्ट लोक्कां तांइ मरे।

1 कुरुन्थियों 9:17

जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

इफिसियों 2:17

मसीह यीशु तुसा गैर यहूदी लोक्कां का आए जे परमेश्वर का दुर थिये, ते से यहूदी लोक्कां भी आए जे परमेश्वर रे नेड़े थिये ते तुसा सारेयां बिच परमेश्वर कने मेल-मिलाप रा सुब बसेख सुणाया।

फिलिप्पियों 1:13

इत्ते तक कि सम्राट रे राजभवन री सारी सैना रे दल ते बाकि सबणी मणूआं अन्दर पता लग्गी गेया कि मैं मसीह यीशु री सेवा करणे री वजह कने कैद है।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

कुलुस्सियों 1:6

जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।

1 थिस्सलुनीकियों 2:4

पर जिय्यां परमेश्वर ने असा जो इस जोग्गे ठैहराई करी सुब बसेख दित्तेया, असी तैसा ही बखाण करदे, ते इस बिच मणूआं जो नी, पर परमेश्वर जो खुस करदे जे असा रे दिल री गल्लां जो जांचदे।

1 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। मैं परमेश्वर रे हक ते असा जो छुटकारा दैणे वाले मसीह यीशु रे जरिये तिन्हेरा प्रेरित है जे असा री आस भी हिन।

1 तीमुथियुस 1:11

सुब बसेख री ए महिमामय शिक्षा असा रे धन्न परमेश्वर रे पास्से का है जे लोक्कां जो सुनाणे तांइ मेरे जो सौंप्पि गे री है।

1 तीमुथियुस 2:3

इय्यां प्रार्थना करणा ठीक गल्ल है ते ए असा जो छुटकारा दैणे वाले परमेश्वर जो खरा लगदा।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।

तीतुस 2:10

से चोरी चलाक्की ना करण, ते हमेसा इस गल्ल जो साबित करण कि से मणू भरोस्सेमंद हिन ते तिन्हा जो हमेसा इदेया बर्ताव करणा चाएदा कि हर इक्क चीज जे से करदे तिसजो दिख्खी करी मणू परमेश्वर री महिमा करण।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

प्रकाशित वाक्य 14:16

इधेरे तांइ, तिनिये तिस दराट्टी जो हवा बिच हिलाया जिस जो तिनिये पकड़े रा थिया। दुनिया री फसल जो तिसने ही कट्टेया थिया।