तीतुस 1:14 - चम्बयाली नौआ नियम

¹⁴ यहूदियां री तिन्हा बेकार री कहाणियां ते इन्सानी हुकमां पर कोई ध्यान मत देयो। ए सारी तिन्हा गल्लां लोक्कां मन री घड़े री गल्लां जे सच्चाई जो नी मनदे।

तीतुस 1:14 ပူးပေါင်းရင်းမြစ်များ

मत्ती 15:9

ए बेकार अंदर ही मेरी भक्ति करदे, अते मणूआं रे उपदेस जो धर्म रे सिद्धान्त करी के सिखान्दे।

मरकुस 7:7

इन्हा लोक्कां री भक्ति सिर्फ ढोंग है, किजोकी ए मणूआं री गल्लां जो परमेश्वर रे हुकम बोल्ली करी सखांदे।’

गलातियों 4:9

पर अवे ता असा ने परमेश्वर जो जाणी लित्ते रा है, बल्कि इय्यां बोलणा जादा सही होणा कि पैल्ले परमेश्वर ने असा कने रिस्ता बणाया। तां फिरी किय्यां तिस कमजोर ते सुरुआती शिक्षा पास्से मुड़ी सकदे? तुसा फिरी किजो तिन्हेरे गुलाम बणना चाह्‍ंदे?

कुलुस्सियों 2:22

लोक्कां री ए सारी रीति-रीवाज ते शिक्षां बेकार हिन, किजोकी ए मणूआं रे हुकमां ते शिक्षा पर आधारित है।

2 तीमुथियुस 4:4

तिन्हा ने सच्चाई री गल्लां जो नी सुनणा पर तिन्हा ने मनघड़ंत कहाणियां सुनणे बिच मन लाणा।

तीतुस 3:11

तुसा जो साफ तौर पर पता है कि इदेया मणू जाणी करी गलत रस्ते पर चलेया करदा है, ते किजोकी से पाप्पी बणी गेरे हिन इधेरे तांइ तिन्हा ने अपणे गलत कम्मां री वजह कने गलत ठैहराणा।

इब्रानियों 12:25

चुकन्ने रेयो, ते परमेश्वर री गल्ल सुनणे का इन्कार मत करो, जे तुसा कने गल्लां करदे। किजोकी इस्राएल रे मणू परमेश्वर री सजा का नी बची सके जां तिन्हा ने मूसा रे हुकम जो मनणे का इन्कार करी दित्ता थिया, जां तिसने इस दुनिया तिन्हा जो चितौणी दित्ती थी। साफ तौर असी भी तिन्हेरी गल्ल सुनणे का इन्कार करी के सजा का नी बची सकणा, जे स्वर्ग का गल्लां करदे।

2 पतरस 2:22

जे तिन्हा कने होया से इस गल्ल जो जाहिर करदा कि नीतीवचन सच्चे हिन, “से मणू कूत्तेयां सांई हिन जे अपणी उल्टी जो चटणे तांइ हटी आंदे, ते से सूअरां सांई हिन जिस जो नुहाया गे रा हो पर फिरी से मिट्टी बिच रुलकणे लग्गी पैंदा।”