तीतुस 1:13 - चम्बयाली नौआ नियम

¹³ क्रेते टापू पर रैह्णे वाले लोक्कां रे बारे बिच ए गल्लां सच हिन, इधेरे तांइ तिन्हा जो ठीक तरिक्के कने चितौणी देई करी समझा ताकि से मणू मसीह रे बारे बिच सच्ची शिक्षा पर विश्वास करण।

तीतुस 1:13 ပူးပေါင်းရင်းမြစ်များ

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

1 तीमुथियुस 1:10

व्यभिचारियां तांइ, दूए मर्दां कने अस्वभाविक रिश्ते बणाणे वाले मर्दां तांइ, गुलामी तांइ मणूआं जो बेचणे वाले लोक्कां तांइ, झूठ बोलणे वाले लोक्कां तांइ, झूठ्ठी कसम खाणे वाले लोक्कां तांइ ते सही शिक्षा रे उलट कुसकी भी तरिक्के रा कम्म करणे वाले लोक्कां तांइ है।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

1 तीमुथियुस 5:20

जे मणू पाप करदे तिन्हा जो पूरी कलीसिया रे लोक्कां सामणे बको ताकि कलीसिया रे बाकि लोक्कां पर डर बणेया रे।

2 तीमुथियुस 4:2

कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।

तीतुस 2:15

तेरे जो विश्वासी लोक्कां जो गल्लां सिखाणी चाएदी ते तिन्हा जो ए मनणे तांइ प्रोत्साहित करणा चाएदा। जरुरत पैणे पर तेरे का तिन्हा जो सुधारणे रा भी हक है। कुसकी जो भी तेरी सिखाए री गल्लां जो बेकार ना समजे।

तीतुस 2:2

बुजुर्ग मणू अप्पु जो काबू बिच रखणे वाले होण, ते सोच्ची-समजी करी बर्ताव करणे वाले होण ताकि मणू तिन्हेरी इज्जत करण, परमेश्वर बिच तिन्हेरा विश्वास मजबूत हो, ते दूए लोक्कां कने बड़ा रखणे वाले होण, ते सहनशील होण।