तीतुस 1:12 - चम्बयाली नौआ नियम

¹² क्रेते टापू रे रैह्णे वाला इक्क मणू जिस जो मणू परमेश्वर रा दास मनदे, तिनिये अप्पु ही अपणे लोक्कां रे बारे बिच ए गल्ल दस्सी, क्रेते रे रैह्णे वाले हमेसा झूठ बोलदे, से मणू जंगली जानवरां सांई हरकतां करदे, से आलसी ते भुक्खड़ हिन।

तीतुस 1:12 ပူးပေါင်းရင်းမြစ်များ

प्रेरितां रे कम्म 17:28

किजोकी से असा कने हिन इधेरे तांइ असी जिन्दे हिन, ते हन्डदे-फिरदे, ते मजबूत रैहन्दे। जिय्यां तुसा रे किन्ने सारे कवियां ने ही बोल्ले रा है, कि असा तां तिसेरे ही वंश रे हिन।

प्रेरितां रे कम्म 2:11

मतलब की यहूदी ते यहूदी धर्म अपनाणे वाले अरबी लोक, क्रेते द्वीप रे मणू ते अरब देस रे मणू भी हिन, पर अपणी-अपणी भाषा बिच तिन्हेरे का परमेश्वर रे बड्डे-बड्डे चमत्कारां री गल्लां सूणदे।

प्रेरितां रे कम्म 27:12

से सुब लंगरबारी ना रा बन्दरगाह सरदियां कटणे जोग्गा नी थिया, इधेरे तांइ मते जणेया ने सोच्चेया कि तित्ते का जहाज पर चढ़ी करी होई करी अगर कुसकी तरिक्के कने होई सके तां फिनिक्स बंदरगाह पूजी करी सरदियां कट्टी जाण। ए तां क्रेते टापू रा इक्क बन्दरगाह् है जे दक्षिण-पश्चम ते उत्तर-पश्चम रे पास्से का खुले रा है।

प्रेरितां रे कम्म 27:13

जिस बेल्ले थोड़ी-थोड़ी ब्यार चलणा लग्गी, तां ए समजी करी कि असा रा मकसद पूरा करणे तांइ सही समय है तिन्हा ने जहाज रा लंगर चुक्केया ते कनारा पकड़ी करी क्रेते टापू रे नेड़े का जाणा लगे।

प्रेरितां रे कम्म 27:7

जां असी मते रोज्जा तांइ मठ्ठे-मठ्ठे चली करी बड़ी मुस्कला कने कनिदुस कस्बे रे सामणे पूज्जे, तां इधेरे तांइ कि ब्यार असा जो अग्गे बधणा नी देया करदी थी, असी सलमोन रे सामणे का होई करी क्रेते टापू री आड़ अन्दर चले।

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

फिलिप्पियों 3:19

अग्गे चली करी तिन्हेरा खातमा होई जाणा, तिन्हेरा परमेश्वर तिन्हेरे शारीरिक इच्छा हिन, से अपणी बेशर्मी री गल्लां पर घमंड करदे, ते से मणू सिर्फ तिन्हा दुनियावी चीजां जो करणे रे बारे बिच सोचदे रैहन्दे जे इस दुनिया रे मणू करदे।

1 तीमुथियुस 4:2

झूठ्ठी शिक्षां दैणे वाले मणू कपट हिन। तिन्हा जो इस गल्ल री सुद्ध नी रैह्णी कि से जे करेया करदे हिन से सही भी है या नी, बिल्कुल तिय्यां ही जिय्यां कि भखदे लोहे कने फुकित्ते री चमड़ी सुन्न होई जांदी।

तीतुस 1:5

मैं तेरे जो क्रेते टापू बिच इधेरे तांइ छड्डेया थिया ताकि तित्ते जे कम्म बाकि रेई गे रा है तिजसो तू पूरा करी दे ते तित्ते री हर कलीसिया तांइ बुजुर्ग चुणी लै जिय्यां कि मैं करणे तांइ बोल्लेया थिया।

2 पतरस 2:12

पर ए झूठ्ठे शिक्षक जंगली जानवरां सांई हिन। ए जानवर नी जाणदे कि किय्यां सोचणा चाएदा ते तिन्हेरी जिन्दगी मकसद सिर्फ पकड़ी करी मरणा ही है। ए मणू जे भी तिन्हेरे दिमाग बिच आंदा, से ही करदे, ते से तिस गल्ल रे बारे बिच भी गलत गल्लां बोलदे जिन्हा जो से समजदे नी। तिन्हा ने पक्के तौर पर बर्बाद होई जाणा।

2 पतरस 2:15

तिन्हा ने से कम्म करणा छड्डी दित्ते रा है जे सही है, ते तिन्हा ने से ही गलत कम्म करणा सुरु करी दित्ते रे हिन जे बड़े पैल्ले बओर रे मुंडे, बिलाम ने कित्ते थिये। तिसजो गलत कम्म करी के पैसे कमाणा पसंद थिया।