तीतुस 1:11 - चम्बयाली नौआ नियम

¹¹ इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

तीतुस 1:11 ပူးပေါင်းရင်းမြစ်များ

मत्ती 23:13

ओ ढोंगी शास्त्रियों, ते फरीसी लोक्कों, तुसा पर लाणत है! तुसा लोक्कां जो स्वर्ग रे राज बिच नी जाणा दिंदे, ना तां अप्पु खुद उस बिच जांदे अते ना ही उन्हा जो जाणे दिंदे जे जाणे तांइ कोसीस करेया करदे हिन।

लूका 20:40

इस्का बाद कुसकी जो भी यीशु का किच्‍छ पूच्छणे री हिम्मत नी पेई।

यूहन्ना 10:12

मजदूर भेड़िये जो आंदा दिख्खी करी नह्सी जांदा। किजोकी से ना तां तिन्हेरा पुहाल है ते ना ही भेड़ां रा मालक है, इधेरे तांइ तिन्हेरी परवाह नी करदा। भेड़िया तिन्हा भेड़ां पर हमला करी के तिन्हेरे जो बखेरी दिंदा।

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

2 कुरुन्थियों 11:10

जिस सच्चाई कने मैं तुसा जो मसीह रे बारे बिच दसदा तिय्यां ही मैं तुसा जो बोलदा कि अखाया प्रदेश बिच का कुसकी ने भी मेरे जो इस गल्ल पर गर्व करणे का रोक्की नी सकणा, कि मैं कदी तिन्हा बिच का कुसकी का आर्थिक मदद नी लित्ती।

1 तीमुथियुस 5:13

ते इस कने से लोक्कां रे घरे-घरे घुम्मी-फिरी करी आलसी होई जांदी ते लोक्कां रे बारे बिच चुगलखोरी करणा सुरु करी दिंदी, से लोक्कां रे मामलेयां बिच दखलअंदाजी करदी ते पुठ्ठी-सीद्दी चीजां बोलदी।

1 तीमुथियुस 5:4

जे कुसकी विधवा जनानी रे बच्चे या नाती-पोते होण तां तिन्हा जो अपणे परिवार कने इज्जत कने बर्ताव करणे रे जरिये परमेश्वर री भक्ति-भाव दिखाणा चाएदा, ते तिन्हा जो अपणे मां-प्यो री देख-रेख करणे रे जरिये तिन्हेरा एहसान चुकाणा चाएदा किजोकी परमेश्वर जो ए खुस करदा।

1 तीमुथियुस 6:5

जिन्हा लोक्कां री समझ बिगड़ी गे री है, तिन्हा लोक्कां बिच बेकार रे झगड़े हुदें ते से मणू नी समजी सकदे कि सच कै है। से मणू सोचदे कि परमेश्वर री शिक्षा सिखाणा पैसा कमाणे रा जरिया है।

2 तीमुथियुस 2:18

तिन्हा ने सच्चाई बिच विश्वास करणा छड्डी दित्ते रा है। से बोलदे कि परमेश्वर ने विश्वासी लोक्कां जो हमेसा री जिन्दगी तांइ मुर्देयां बिच का फिरी जिन्दा करी दित्ते रा है। इसेरे नतीज्जे रे तौर पर से मते विश्वासियां जो ए सिखाया करदे हिन कि से मसीह यीशु री शिक्षां जो मनणा छड्डी दैण।

2 तीमुथियुस 3:6

इन्हा बिच का किच्‍छ मणू ता लोक्कां रे घरे अंदर बड़ी करी तित्ते री तिन्हा मुर्ख जनानियां जो अपणे काबू बिच करी लिंदे जिन्हेरा दिल तिन्हेरे पाप्पां रे बोझ रे हेठ दबित्ते रे हुंदे ते जे अपणे सरीर री बुरी इच्छा रे वस बिच हुंदी।

तीतुस 1:7

किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

तीतुस 1:9

से मसीह यीशु रे भरोस्सेमंद बसेख पर विश्वास करणे वाला मणू होणा चाएदा ते जे असा ने सिखाए रा है ताकि से बाकि मणूआं री तिस बसेख रे मुताबिक चलणे बिच मदद करे ते तिन्हा मणूआं जो सुधारे जे गलत हिन।

तीतुस 3:10

जे मणू कलीसिया बिच फूट पांदे तिन्हा जो इक्क-दो वरी समझाई देयो कि से इय्यां करणा बांद्द करी दैण। जे अगर से तां भी ना मन्ने तां तिन्हा का अलग रेयो।