तीतुस 1:10 - चम्बयाली नौआ नियम

¹⁰ मैं ए इधेरे तांइ बोल्लेया करदा है किजोकी मते मणू सही शिक्षा रे खिलाफ होई जांदे। ए से मणू हिन जे पुठ्ठी-सीद्दी गल्लां सिखाई करी लोक्कां जो भटकांदे। ए गल्लां खासतौर तिन्हा यहूदियां तांइ हिन जे विश्वासी बणी गेरे हिन। से मणू चाह्‍ंदे कि सारे मसीही मणू यहूदी नियमां जो मन्नेया करें, खासतौर पर खतना कराणे रे नियम जो।

तीतुस 1:10 ပူးပေါင်းရင်းမြစ်များ

मत्ती 23:14

ओ ढोंगी शास्त्रियों, ते फरीसी लोक्कों, तुसा पर लाणत है! तुसा धोखे कने विधवा जनानियां री जमीन-जायदाद हड़पी लिन्दे, अते दिखावे तांइ लम्बी-लम्बी प्रार्थना करदे, इधेरे तांइ तुसा जो कड़ी सजा मिलणी।

प्रेरितां रे कम्म 11:2

अते जां पतरस यरुशलेम सहर बिच आया, ते यहूदी विश्वासी तिस कने बहस करणा लग्गे

प्रेरितां रे कम्म 15:1

फिरी किच्‍छ मणू यहूदियां प्रदेश का आई करी संगी विश्वासियां जो सखाणे लग्गे कि मूसा रे कानून रे हिसाब कने तुसा रा खतना नी हो तां तुसा छुटकारा नी पाई सकदे।

प्रेरितां रे कम्म 15:24

असा ने सूणेया, कि असा बिच का कितणेयां ने जाई करी, तुसा जो अपणी गल्लां कने डराई दित्तेया, ते तुसा रे मन बदली दित्ते पर असा ने तिन्हा जो हुकम नी दित्तेया थिया

प्रेरितां रे कम्म 20:29

मैं जाणदा कि खूंखार भेड़िये जदेय झूठ्ठे शिक्षकां ने तुसा रे बिच-मझाटे मण्डली जो तोडणे तांइ घुसी जाणा।

गलातियों 3:1

ओ गलातिया कलीसिया रे मणूओं, तुसा नासमझ होई गेरे हिन। मैं तुसा जो साफ-साफ समजाया थिया कि यीशु मसीह ने सुली पर कुर्बानी किजो दित्ती थी, पर फिरी भी तुसा किय्यां धोखा खाई सकदे?

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

1 तीमुथियुस 1:6

झूठ्ठे शिक्षकां ने तां इन्हा गल्लां जो छड्डी दित्ते रा है ते बेकार री गल्लां री बैह्सबाजी बिच पेई गेरे हिन।

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

2 तीमुथियुस 3:13

पर दुष्ट ते धोख्खेबाज लोक्कां ने होर भी जादा बुरे कम्म करणे। तिन्हा ने लोक्कां जो धोख्खा दैणा ते तिन्हा ने अप्पु भी लोक्कां धोख्खा खाणा।

2 तीमुथियुस 4:4

तिन्हा ने सच्चाई री गल्लां जो नी सुनणा पर तिन्हा ने मनघड़ंत कहाणियां सुनणे बिच मन लाणा।

तीतुस 1:6

ते कलीसिया रा मुखिया होणे तांइ कुसकी भी मणू जो बेकसूर, इक्क ही लाड़ी वाला होणा चाएदा, तिसेरे बच्चे भी विश्वासी होणे चाएदे, ते तिसेरे बच्चे अय्याश ते हुकमां री ना-फरमानी करणे वाले नी होणा चाएदे।

याकूब 1:26

जे अगर कोई अप्पु जो परमेश्वर रे भक्त समजे, ते अपणी जिब्ब पर लगाम ना लाए, अपणे दिल जो धोखा दे, तां तिसेरी भक्ति फिजुल है।

1 यूहन्ना 2:18

ओ बच्चेयों, मसीह रे हटी आणे रा बेल्ला नेड़े है ते जिय्यां तुसा सुणे रा है कि मसीह यीशु रा विरोधी आणे वाला है, तिसेरे हिसाब कने अब्बे भी मते सारे मसीह यीशु रा विरोध करणे वाले खड़ी गेरे हिन, इस कने असा जो पता चलदा कि ए आखरी समय है।

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।

प्रकाशित वाक्य 2:14

पर मेरे जो तेरे खिलाफ किच्‍छ गल्लां बोलणी हिन, किजोकी तुसा तिन्हा लोक्कां रा विरोध नी करदे जे झूठ्ठी शिक्षा सुणांदे जिय्यां कि भविष्यद्वक्ता बिलाम ने भी बड़े पैल्ले कित्तेया थिया। बिलाम ने बलाक राज्जा जो सिखाया कि किय्यां इस्राएल रे लोक्कां का पाप कराया जाए। तिनिये लोक्कां का अनैतिक जिन्दगी जीणे ते मूर्तां जो भेंट चढ़ाए री चीजां खाणे तांइ सिखाया।

प्रकाशित वाक्य 2:6

पर तेरे पर ए गल्ल ता है कि तू नीकुलइयों रे कम्मां का नफरत करदा जिन्हा कने मैं भी नफरत करदा