तीतुस 1:1 - चम्बयाली नौआ नियम

¹ मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

तीतुस 1:1 ပူးပေါင်းရင်းမြစ်များ

लूका 18:7

तां कै परमेश्वर अपणे चुणे दे मणूआं पर ध्यान नी दिह्गां, जे तिन्हा जो रात-ध्याड़ी चेता करदे अते मन्गदे कि असा जो फैसला कर? कै परमेश्वर ने तिन्हेरी सुनणे तांइ बड़ी हाण लगागाँ?

प्रेरितां रे कम्म 13:48

ए सुणी करी गैर यहूदियां रे मणू खुस होई गे, ते परमेश्वर रे वचन री बड़ाई करणा लग्गे, ते जित्तणे हमेसा री जिन्दगी तांइ ठहराये गेरे थिये, तिन्हा ने विश्वास कित्तेया

रोमियों 1:1

मैं पौलुस, मसीह यीशु रा दास है, ते परमेश्वर ने मेरे जो प्रेरित बणने तांइ चुणे रा है। ते तिन्हा ने तिस सुब बसेख रा प्रचार करणे तांइ अलग कित्ते रा है,

2 कुरुन्थियों 1:1

मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

इफिसियों 2:8

परमेश्वर ने तुसा जो अपणे अनुग्रह ते तुसा रे मसीह यीशु बिच विश्वास करणे री वजह कने छुटकारा दित्तेया। तुसा अप्पु छुटकारा नी पाया, पर ए परमेश्वर रा दान है।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

कुलुस्सियों 2:2

ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्‍ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।

1 तीमुथियुस 2:4

परमेश्वर चाह्‍ंदे कि सारे मणू छुटकारा पाए ते सच्चाई जो जाणे।

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।

1 तीमुथियुस 6:3

जे अगर कोई मणू गलत शिक्षा सिखांदा ते मसीह यीशु री दित्ते री सही शिक्षा जो नी मनदा,

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

2 तीमुथियुस 2:23

पर बेकार री गल्लां रे बारे बिच बैह्सबाजी करणे का दुर रेयो, किजोकी तू जाणदा तिन्हेरा नतीज्जा सिर्फ लड़ाई-झगड़ा ही हुंदा।

2 तीमुथियुस 2:25

ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

याकूब 1:1

मैं याकूब परमेश्वर रा ते मसीह यीशु रा दास, तिन्हा बारा गोत्तर रे यहूदी विश्वासियां जो ए चीठ्ठी लिखदा ते नमस्ते करदा जे दुनिया रे अलग-अलग जगाह् बिच बिखरे रे हिन।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

2 पतरस 3:11

ए गल्ल साफ है कि परमेश्वर ने सब किच्‍छ इय्यां ही तबाह करणा, तुसा जाणदे कि तुसा जो कदेया बोल-चाल रखणा चाएदा।

1 यूहन्ना 2:23

जे कोई पुत्तर रा इन्कार करदा तिसका पिता परमेश्वर भी नी: जे पुत्तर जो मन्नी लिदां तिसका पिता परमेश्वर भी है।

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।