रोमियों 9:8 - चम्बयाली नौआ नियम

⁸ मतलब की इन्सानी तौर पर अब्राहम री जे औलाद्दां होए री हिन, से सारे परमेश्वर री औलाद्दां नी केहलांदी। पर परमेश्वर रे वादा कित्ते रे औलाद्दां ही अब्राहम री औलाद्दां गिणी जांदी।

रोमियों 9:8 ပူးပေါင်းရင်းမြစ်များ

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

यूहन्ना 1:13

से मणू ना तां अपणे मां-प्यो री मर्जी कने, ना सरीर री इच्छा कने ते ना ही लोक्कां री बच्चे पैदा करणे री इच्छा री वजह कने पैदा होए रे हिन पर से परमेश्वर री इच्छा कने पैदा होए रे हिन।

रोमियों 8:14

इधेरे तांइ जे मणू पवित्रात्मा रे हिसाब कने चलदे हिन, से ही परमेश्वर रे औलाद्दां हिन।

रोमियों 8:16

पवित्रात्मा अप्पु ही असा री आत्‍मा कने ए गवाई दिंदी कि असी परमेश्वर री औलाद्दां हिन।

रोमियों 8:19

किजोकी परमेश्वर री सारी रचना बड़ी उम्मीद तिस दिन जो भालेया करदे हिन जां परमेश्वर ने ज़ाहिर करणा कि कुण तिन्हेरे असली औलाद्दां हिन।

इब्रानियों 11:11

ए सिर्फ विश्वास ही है जिसेरे जरिये अब्राहम प्यो बणी सकेया, हालांकि अब्राहम बड़ा बूड्डा थिया, ते सारा भी बच्चे नी जम्मी सकदी थी, परमेश्वर ने से जरुर करणा, जे तिन्हा ने वादा कित्तेया थिया।