रोमियों 9:7 - चम्बयाली नौआ नियम

⁷ अते अब्राहम रे ‍खानदान बिच पैदा होणे री वजह सारे तिन्हेरी सच्ची औलाद्दां नी बणी जांदे, किजोकी जिय्यां कि पवित्रशास्त्र बिच परमेश्वर ने अब्राहम जो बोल्लेया, “इसहाक का ही तेरा वंश गिणेया जाणा।” हालांकि अब्राहम रे होर भी बच्चे थिये।

रोमियों 9:7 ပူးပေါင်းရင်းမြစ်များ

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

लूका 16:30

तिनिए बोल्लेया, पिता अब्राहम जी! जे कोई मरे रे मणूआं बिच का तिन्हा जो समझाणा जाओ, तां ही से अपणे पाप्पां का तौबा करी सकदे।

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

यूहन्ना 8:33

तिन्हा ने उन्हा जो जवाब दित्ता, असी तां अब्राहम रे ‍खानदान का हिन, ते कदी कुसकी रे गुलाम नी होए, फिर तुसा किय्यां बोलदे की तुसा अजाद होई जाणा?

गलातियों 4:23

जे मुंडा गुलाम जनानी का पैदा होया, से इक्क आम मुंडा थिया जे इक्क मणू री मर्जी कने पैदा होया। पर जे मुंडा तिस अजाद जनानी का पैदा होया जे अब्राहम री लाड़ी थी, से परमेश्वर रे अब्राहम कने कित्ते रे वादे री मुताबिक पैदा होया।

गलातियों 4:28

ओ संगी विश्वासियों, असी इसहाक सांई हिन जो परमेश्वर रे वादे री औलाद है।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

इब्रानियों 11:18

परमेश्वर ने तिस कने बोल्लेया, “इसहाक रे जरिये ही तेरा ‍खानदान बधणा, जिस तांइ मैं तेरे कने वादा कित्तेया थिया।”