रोमियों 9:4 - चम्बयाली नौआ नियम

⁴ से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

रोमियों 9:4 ပူးပေါင်းရင်းမြစ်များ

मत्ती 21:33

इक्क होर उदारण सुणो: इक्क घर रा मालक थिया जिनिये अंगूर रा बगिचा लाया, तिसेरे चारो पास्से बाड़ा लाया, तिस बिच रस्स रा कुआँ खोदेया ते गुम्मट बणाया, ते कसानों जो तिसेरा ठेका देई करी परदेस चली गेया।

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 1:47

यीशु ने नतनएल जो अपणे पास्से आंदे दिख्खी करी उसेरे बारे बिच बोल्लेया: ए सच्ची इस्राएल रे ‍खानदान रा है ते भरोसेमंद है: इस आदमी बिच कोई ढोंग नी है।

प्रेरितां रे कम्म 2:39

किजोकी ए वादा तुसा तांइ, तुसा री औलादां तांइ, ते उन्हा सारे दुर-दुर रे लोक्कां तांइ भी है जिन्हा जो असा रे प्रभु परमेश्वर अपणे नेड़े सदगा।

रोमियों 3:2

हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

रोमियों 9:6

पर इय्यां नी है कि परमेश्वर अपणे वादे जो निभाणे बिच नाकाम होई गे, किजोकी इस्राएल रे ‍खानदान रा हर मणू परमेश्वर रा मणू नी है।

2 कुरुन्थियों 11:22

कै से इब्रानी मणू हिन? मैं भी इब्रानी मणू है। कै से इस्राएली मणू हिन? मैं भी इस्राएली मणू है। कै से अब्राहम रे वंश रे हिन? मैं भी अब्राहम रे वंश रा है।

गलातियों 3:16

इसी तरिक्के कने परमेश्वर ने अब्राहम ते तिसेरी औलाद कने वादे कित्ते। परमेश्वर ने ए नी बोल्लेया, “तेरी औलाद्दां जो” जिय्यां कि मते लोक्कां रे बारे बिच बोल्ले रा भी है। पर से सिर्फ इक्क जणे रे बारे बोल्लेया करदा है जां से ए बोलदा, “तेरी औलाद जो” जे कि मसीह यीशु हिन।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

इब्रानियों 9:1

परमेश्वर ते इस्राएली लोक्कां बिच होए री पैल्ली वाचा अंदर अराधना करणे रे कानून ते अराधना करणे तांइ इक्क पवित्र जगाह् हुंदी थी।

इब्रानियों 9:10

किजोकी से रीति-रीवाज सिर्फ खाणे-पीणे ते शुद्वीकरण रे बारे बिच ही थिये, जे सारे नियम-कायदे बाहरी थिये। से कानून अवे फायदेमंद नी हिन किजोकी परमेश्वर ने अवे असा कने नौई वाचा बन्ने री है। ए नौई वाचा पैल्ले री रीति का जादा बदिया है।

इब्रानियों 9:3

ते दूए परदे रे पीच्छे जे कमरा थिया, तिसजो सबका जादा पवित्र जगाह् बोलदे थिये।

इब्रानियों 9:5

सन्दूक रे उप्पर महिमामय करूब थिये, जिन्हा ने प्रायश्चित री जगाह् पर छां कित्ते री थी। पर इस बेल्ले असी इन्हा रे बारे बिच गल्लां जो नी समझाई सकदे।

इब्रानियों 9:6

जां हर इक्क चीज अपणी-अपणी जगाह् पर रख्खे गे री थी, तां पुरोत्त हर रोज तम्बू रे पैल्ले कमरे बिच आई करी अपणी सेवा रा कम्म जारी रखदे थिये।