रोमियों 9:32 - चम्बयाली नौआ नियम

³² इय्यां किजो नी होया? किजोकी से मणू परमेश्वर पर विश्वास करणे कने नी, पर मूसा रे कानून जो मन्नी करी धार्मिक ठैहरणा चाह्‍ंदे थिये। से मणू अपणे रस्ते बिच बड्डे बट्टे कने ठोकर खाई करी छुड़की पये।

रोमियों 9:32 ပူးပေါင်းရင်းမြစ်များ

1 कुरुन्थियों 1:23

पर असा तां तिस सुली पर चढ़ाये मसीह यीशु रा प्रचार करदे जिन्हा ने असा जो पाप्पां का छुड़ाणे तांइ सुली पर जान दित्ती थी, किजोकी यहूदी लोक्कां ने ए सोच्चेया थिया कि मसीह ने हमेसा जीणा इधेरे तांइ से इस गल्ल पर विश्वास नी करी सके कि यीशु ही मसीह थिये।

1 पतरस 2:8

ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।

रोमियों 11:11

इधेरे तांइ मैं पूच्छदा, कै यहूदी लोक्कां ने इधेरे तांइ ठोकर खाई कि से दुबारा उठी ना सके? बिल्कुल भी नी! पर तिन्हेरे परमेश्वर री गल्लां जो ना मनणे री वजह कने गैर यहूदियां जो छुटकारा मिल्लेया, कि यहूदियां जो इस गल्ल री वजह कने हिर्स हो।

लूका 7:23

धन्न हिन से जे मेरे बारे बिच धोखा ना खाए

रोमियों 10:3

किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

रोमियों 4:16

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

लूका 2:34

फिरी शमौन ने तिन्हा जो आशीष देई करी यीशु री मां, मरियम जो बोल्लेया, इस निक्के री वजह कने इस्राएल रे मते मणू बचाए जाणे ते मते मणू नास होणे, ते बड़े लोक्कां ने इसेरे खिलाफ होणा।

मत्ती 13:57

अते उन्हा ने तिसजो अपणाया नी, पर यीशु ने बोल्लेया “इक्क भविष्यद्वक्ता जो अपणे घरे ते अपणे सहर बिच ही इज्जत नी मिलदी।”

1 पतरस 2:6

जिय्यां कि पवित्रशास्त्र बिच परमेश्वर ने बोल्ले रा है, “दिख्खो! मैं सिय्योन बिच कुसकी जो कुणे रे बट्टे सांई रख्खेया करदा है। से इक्क कीमती बट्टे रे बराबर है जिस जो नीं पाणे तांइ चुणेया गे रा है। जे कोई तिन्हा बिच विश्वास करदा तिसजो कदी शर्मिंदा नी होणा पैणा।”