रोमियों 9:30 - चम्बयाली नौआ नियम30 तां फिरी असी कै बोलण? गैर यहूदी मणू परमेश्वर री नजरां बिच धार्मिक बणने री कोसीस नी करेया करदे थिये, पर परमेश्वर ने तिन्हा लोक्कां जो धार्मिक ठैहराया, किजोकी तिन्हा लोक्कां ने मसीह बिच विश्वास कित्तेया। အခန်းကိုကြည့်ပါ။ |
रोमियों 9:30
28 ပူးပေါင်းရင်းမြစ်များ
परमेश्वर ने पैल्ले ही अब्राहम जो धार्मिक ठैहराई करी अपणाई लित्तेया थिया, जां हल्ले तिन्हेरा खतना भी नी होए रा थिया। खतने रा निसान परमेश्वर द्वारा अपणाए जाणे री निशानी है। इधेरे तांइ अब्राहम तिन्हा लोक्कां रे आत्मिक पुरखे हिन जिन्हेरा खतना ता नी होए रा है पर तिन्हा जो परमेश्वर बिच विश्वास है। से मणू अपणे विश्वास रे जरिए धार्मिक बणाए गेरे हिन।
असी विश्वास करणे वाले यहूदी जाणदे कि कोई मणू मूसा रे कानून जो मनणे कने परमेश्वर री नजरां बिच धार्मिक नी ठैहरदा, पर सिर्फ यीशु मसीह पर विश्वास करणे रे जरिये धार्मिक ठैहरदा। इधेरे तांइ असी अप्पु भी मसीह यीशु पर विश्वास कित्तेया ताकि असी मूसा रे कानूनां जो मनणे रे जरिये नी पर मसीह यीशु पर विश्वास करणे रे जरिये ठेहरण, किजोकी कोई भी मूसा रे कानून जो मन्नी करी धार्मिक नी ठैहरी सकदा।
ते ए बड़े पैल्ले का ही पवित्रशास्त्र बिच लिख्खेया गेया थिया कि परमेश्वर ने गैर यहूदियां जो तिन्हा बिच विश्वास करणे रे जरिये धार्मिक ठैहराणा। इधेरे तांइ पवित्रशास्त्र बिच परमेश्वर ने ए बड़े पैल्ले ही ए सुब बसेख अब्राहम जो दस्सी दित्ती थी, “तेरे जरिये मैं मेरे पर विश्वास करणे वाली सारी जातियां रे लोक्कां जो आशीष दैणी।”
पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।
विश्वास कने ही नूह ने तिन्हा गल्लां रे बारे बिच जे तिस बेल्ले दिसदी नी थी, चितौणी पाई करी भक्ति कने अपणे घरे रे बचाव तांइ जहाज बणाया, ते तिसेरे जरिए तिनिये दुनिया जो दोषी ठैहराया ते परमेश्वर पर विश्वास करणे री वजह कने तिसजो तिन्हा का इक्क वारिस रे तौर पर धार्मिकता मिली ते जे तिनिये कित्तेया थिया से सही थिया।
किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।
ကြော်ငြာတွေ