रोमियों 9:1 - चम्बयाली नौआ नियम

¹ मैं सच बोलदा किजोकी मैं मसीह यीशु रा मणू है, मैं झूठ नी बोल्लेया करदा है, मेरा विवेक पवित्रात्मा रे जरिये इस गल्ल जो पक्का करदा,

रोमियों 9:1 ပူးပေါင်းရင်းမြစ်များ

रोमियों 1:9

परमेश्वर, जिन्हेरी सेवा मैं अपणे पूरे दिल कने, तिन्हेरे पुत्तर रे सुब बसेख जो सूणाई करी करदा, से ही परमेश्वर मेरा गवाह हिन, कि मैं तुसा जो हमेसा याद करदा रैह्न्दा,

रोमियों 2:15

किजोकी से मणू अपणे जिन्दगी जीणे रे तरिक्के कने इस गल्ल जो साबित करदे कि कानून रे हुकम, तिन्हेरे दिल बिच लिखित्ते रे हिन। तिन्हेरा विवेक भी इस गल्ल रे बारे बिच गवाई दिंदा। तिन्हेरा विवेक तिन्हा जो कदी सही ते कदी गलत ठेहरांदा रैहन्दा।

रोमियों 8:16

पवित्रात्मा अप्पु ही असा री आत्‍मा कने ए गवाई दिंदी कि असी परमेश्वर री औलाद्दां हिन।

रोमियों 9:2

मेरे जो बड़ा वरी दुख है, अते मेरे जो अपणे लोक्कां तांइ बड़ी काली हुंदी।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 11:10

जिस सच्चाई कने मैं तुसा जो मसीह रे बारे बिच दसदा तिय्यां ही मैं तुसा जो बोलदा कि अखाया प्रदेश बिच का कुसकी ने भी मेरे जो इस गल्ल पर गर्व करणे का रोक्की नी सकणा, कि मैं कदी तिन्हा बिच का कुसकी का आर्थिक मदद नी लित्ती।

2 कुरुन्थियों 11:31

परमेश्वर, असा रे प्रभु यीशु मसीह रे पिता, हमेसा धन्न हिन, ते से जाणदे कि मैं झूठ नी बोलदा।

2 कुरुन्थियों 12:19

ओ प्यारे विश्वासियों, तुसा हल्ले तांइ समजदे हो कि असी तुसा जो हटी करी जवाब देया करदे हिन। असी तां ए सोच्ची करी कि परमेश्वर असा जो दिख्खेया करदे हिन, मसीह यीशु बिच बोलदे, अते असी सारी गल्लां तुसा जो मसीह बिच विश्वास करणे बिच मजबूत बणाणे तांइ ही बोलदे।

गलातियों 1:20

परमेश्वर मेरा गवाह है कि जे किच्‍छ मैं तुसा जो लिखदा, तिस बिच किच्‍छ भी झूठ नी है।

फिलिप्पियों 1:8

इस अन्दर परमेश्वर मेरे गवाह हिन कि मैं मसीह यीशु सांई दाह करी के तुसा सबणी जणेया कने मिलणे री चाह करदा रेयां।

1 थिस्सलुनीकियों 2:5

तुसा जाणदे की असी ना तां चापलूसी री गल्लां करेया करदे थिये ते ना तुसा का किच्‍छ हासिल करणे रे लालच बिच बहाणे बणादे थिये, परमेश्वर इन्हा गल्लां रे गवाह हिन।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

1 तीमुथियुस 2:7

परमेश्वर ने मेरे जो सुब बसेख रा प्रचार करणे ते प्रेरित बणने तांइ चुणेया। तिन्हा ने मेरे जो गैर यहूदी लोक्कां जो सच्चाई रा बसेख सुनाणे तांइ चुणेया। मैं झूठ नी बोल्लेया करदा है पर मैं सच बोल्लेया करदा है।

1 तीमुथियुस 5:21

परमेश्वर ते मसीह यीशु ते चुणे रे स्वर्गदूतां जो असा बिच मझाटे हाजिर मन्नी करी मैं तेरे जो मेरी गल्लां मनणे रा हुकम दिंदा ते पक्षपात कने कोई कम्म मत करदा।